حزن الزوج على وفاة زوجته

حتى لو حزن عليها مصيره يلتهي بحياته بس ماينسى


والاغلب استغفر الله حتى قبرها لسا ماجف تلاقيه من ثاني يوم يتزوج

في الحياه الواقعيه ماشفت 😹
بس بالافلام 🤣

الا اعرف شايب لما توفت زوجته حزن عليها حزن شديد جدا
ونصحوه بالزواج وضغطو عليه ، وتزوج لكنه ما قدر يقعد معها وطلقها
ورجع وحداني لين مات من سنوات قليله الله يرحمه

والله يا اختي في بعضهم يحزن وبعضهم ولا يهمه
زوجي يروي لي قصة لواحد يمني على كفالته من زمان شغال عندهم
مايقابله كثير لانه شغال بمكان بعيد وزوجي مايروح لهذا المكان الا بالشهرين مرة
بيوم اتقابل مع زوجي بالمكتب صدفة وقاله حرمتي مريضة ومدري ايش
وبعدها بفترة اتصل بزوجي وقاله حرمتي توفت لازم اروح اليمن
وزوجي اعطاه مبلغ كويس و وزبط له اوراقه بنفس اليوم وسفره اجازة شهر
بعدها ب ١٥ يوم زوجي راح المكان وسأل عنه اصحابه اليمنية من نفس البلدة لي شغالين هناك معاه
يقولهم وش اخبار صاحبكم لي توفت حرمته
قالوله اوووه تزوج وحدة جديدة هناك وطاير فيها
قالي زوجي انصدمت منه حرمته ماصارلها ١٠ ايام ميتة ويتزوج عليها وهي عشرة ٢٠ سنة
قالهم زوجي شكلكم تطقطقون علي انتم
قالو له والله تزوج بعد ماخلص عزاء زوجته على طول
هو برر انه تزوج عشان عياله وعشان حرمة ترعاهم بس اصحابه كذبوه هناك
قالو ل زوجي كذاب مادرا بعياله من حرمته لي ماتت وراح تزوج على طول ورماهم عند اهل المرحومة حتى انهم جاو له راح طردهم قالهم ماتخلوني اخذ راحتي مع عروستي وانتم كبار تشيلون نفسكم
قالي زوجي كرهته لانه لي سواه قلة اصل بس قالي مالي شغل فيه
وبيوم كلم زوجي يقوله ابغى اجازة
قاله زوجي خذت اجازة شهر خلاص وعندنا ضغط ما اقدر اعطيك اجازة ثانية
قاله العامل يا اخي انت ظالم بس شهر اجل فيه عريس يقعد مع عروسته كم يوم مالحقت ادلعها حتى
قاله زوجي انت خذت اجازة عشان حرمتك توفت مو عشان تروح تعرس هناك وتتليقف
اقسم بالله كل مرة اذكر السالفة وقلبي يولع نااار وش هالنذالة والانانية هذي عند بعض الرجال

وبالمقابل في اخو زوجي
هذا زوجوه بكير وعمره ٢٣ سنة وماعاش مع حرمته الا ٣ سنين وجابت له ولد واحد
بالرغم انهم ماكانو متفقين وماتأقلمو مع بعضهم وكانو على وشك انفصال سبحان الله
بيوم جات هالحرمة حطت طفلها عند حماتي وقالت انها رايحة مع اهلها للرياض بس بيزورون خالتهم سوت عملية خطيرة وقامت منها
وسبحان الله وهم راجعين صار حادث عليهم ماتت هي وابوها واختها
حماتي تقولي مابكى ولا ناح كان متماسك بس قعد اكثر من كم سنة متأثر
لا يحضر افراح ولا شي بس ساكت
رفض الزواج مرة ثانية رفض قطعي من بعد حرمته ماتزوج مرة ثانية الا بعد ١٢ سنة من هالسالفة