هلا باختي ضو القمر..وهلا بأهل االكويت ..

بالنسبه للبصل اللي متعود عليه عادي واذا ماحبيتيه مع العسل ممكن تتكتفين بالسمن البلدي مع الخبز ويطلع رائع بالمره ..لأننا نسويه في بيتنا بالسمن فقط ..لكن عشان النفساء ممكن اضافة العسل..

اما البصل فلايكثر منه ويقطع صغير ويعطي نكهه رائعه للخبز ولو كان بصل اخضر يكون افضل ..

اما الخميره فلا تستخدمين خميره ابدا فيه لأنها ليست صحيه ابدا ..خليه زي ماقلت تخمير ذاتي لمده طويله وهذه الطريقه اكتشفت ان السويسريين يستخدمونهافي الأكل الصحي في منتجعاتهم الطبيه (( اثاري اهلنا عندهم علم واحنا ماندري ..:34: ))..

اما طريقة خبزها ففيه عندنا حديده او يسمونها مقرصه ماادري بالكويت وش تسمونها تنحط فوق البوتجاز ونخبز عليها ..ان شاء الله عرفتيها ..

واذا فيه اي استفسار انا حاضره ..

وتحياتي ..

حبيبتي انتي يا بنت العز صدقيني فرحانة كثيربالطريقة واشكرك اكثر على التوضيح راح اسجلها بالدفتر واعملها واشكرك كثيرا عزيزتي .......وادام الله عزك

هلا بضوء القمر.. الله يتمم عليج انشالله ويسهل عليج ويززقج الذرية الصالحة انشالله..
بالنسبة للي تقصدينه يمكن اللي نسويه بالامارات وهي ( حبة الحمرا ) مثا الحبوب الصغيرة مع الماي والسكر والفلفل الأسود والزنجبيل وفيه حد يحطي طحين وبيض.. انشالله هذي اللي تقصدينها واذا هي انشالله من عيوني أكتبها لج بس بسأل الوالدة كيف بالضبط تتسوى.. وشوفي هذا اللينك يمكن ينفعج عن الحامل والأغراض اللي تحتاجها

ميت هلا ام سلامي اختي اعتقد انتم بالامارات اعتقد تحطون عليه بيض حسب ما شفت مرة طباختكم الاماراتية ....نسيت اسمها ببرنامجها من زماااان وهي تسوي العصيدة واذكر انها ذكرت اسمها العصيدة وما اذكر حبة حمرا يمكن لها اسم تاني ياريت تفيديني ومشكوره على مساعدتك عزيزتي

مرااااحب ضو القمر.. ماشالله عليج صامدوووووون .. أشوفج طولتي تقريبا أكثر من 3 أسابيع فوق الموعد.. شوفي اذا تمشين عادي أمشي زيادة.. وحتى تقدرين تشربين ملعقة كبيرة من زيت الخروع مع الماي أو العصير ووقت المغرب.. بتحسين عقب وقت بتقلصات في بطنج وهو عمووووووووووما ينظف البطن ومافيه أي ضرر ومرات يزيد التقلصات اذا كنتي على وشك ولادة.. وانا شخصيا استعملته من بداية التاسع وحتى يوم ولادتي كنت شاربه منه وعلى بالي مثل كل مرة شوي وبكون عادية بس زاد العوق.. المهم انا داخلة وبخبرج طريقة حبة الحمرا اللي قتلج عنها.. هي غير عن العصيدة ومب من عوايدنا ناكل العصيدة بعد الولادة لاكن حبة الحمرا لاااااااااااازم وهي بصراحة لذيذة وااااااااااااااااااايد.. المهم مابطول عليج.. والمقادير من عندج يعني على قد ماتبين.. وبتحصلين الحبة عند العطار.. بس نظفيها زييييييييين لأنه فيها وصخ وايد.. حطيها مع الماي والسكر على النار بس لا تزيدين الكمية لأنج بعدين بتطعمينها وبتشوفين شو تحتاج.. وخليها تفور وهي تكون ناشفة في البدايه وبعدين تصير لزجة وتتنفخ شوي مثل الساقو.. بعدين حطيلها شوي من الدهن الخالدي وزنجبيل ناعم وفلفل أسود.. واطعميها اذا تحتاج سكر أو زيادة زنجبيل أو فلفل.. اذا اجهزت تقدرين تكسرين فيها بيضة وتخلينها لين ماتتماسك.. على حسب رغبتج.. وفيه بعد حد يسويها بالطحين بس ماقدر أكتبها ألحين بصرااااحة فيني رقاد.. بس اذا بغيتيها برد عليج مرة ثانية.. على فكرة ترا حبة الحمرا مب زينه للحاااااااااامل انتبهي لأنها تنزل ( بعد الشر ).. والله يسهل عليج وعلينا ويرزقنا الذرية الصالحة يااااااااااااااارب..