يا هلا ومرحبا بريحة الكويت :

حبيت أضيف ما عندى من معلومات .. مع العلم بأني أمس أنا مسويه عصيدة حق اختى الصغيرة لأنها ولدت بنت وحبتها وايد مع العلم بأنى أول مرة أسويها وعلى طريقتى الخاصة .. المهم جهزى أوراقك وإكتبى معاي:-

طريقة العصيدة:

2 كوب طحين أبيض أو أسمر
1 كوب زبدة أو زيت
2 - 3 كوب تمر منقوع بـ 2 - 3 كوب ماء حار أو 2-3 كوب عسل أو 2 -3كوب سكر
نصف كوب خلطة لهوم أو خلطة حسو ( تلقين الحسو موجود فى الجمعيات أو عند العطارين اسمه حسو الولاده ).

الطريقة :

- يحمس الطحين بدون أى شئ على النار ويقلب حتى يتغير لونه الى البنى
- ثم يضاف اليه الزيت أو الزبدة ثم يضاف نصف كوب الحسو ويقلب الجميع
- فى جدر أخر تكونى حاطة التمر بدون النواة طبعا+ الماء حتى يغلى أو العسل + الماء أو السكر + الماء
- يضاف بعد غليان الماء مع السكر أو التمر أو العسل الى خلطة الطحين ويقلب جيدا حتى تصير الخلطة مثل الحلوة ( اعيالى حبوها وايد بس ها الحامل ممنوع تأكلها إلأ بعد ما تولد ولا تسقط الجنين لأنها كلها أدوية).
تقدرين تزيدين كمية الماء على الخلطة عادى ما يضر شئ وتأكلينها وهى دافية وقت الضحى وكلما بغيتى تأكلينها زيديها شوية ماء ودفيها وبالعافية

ملاحظة : هذه المقادير تقريبية يعنى من عندى يعنى لا تخافين اشاء الله انها تضبط لأنها سهلة وما تخترب بعد .:14:

السليمانية
يسلموااااااا يداك
ما قصرتي عزيزتي
انا اشكر لك هالوصفة الرائعة
بس راح اخفف كمية الحسو
ايش رايك ؟؟؟ كأن الكميه كثيرة
المهم جزاكي الله خيرا

ضوء القمر : حاضرين للطيبين
وبالنسبة للحسو مافى مشكلة تقدرين تحطين الكمية اللى انتى باغيتها على كيفيك وهم بعد تقدرين تسوين العصيدة بدون الحسو وتراها حلوة ويحبونها اليهالوه ( أقصد الأطفال ) وتقدرين تتحكمين بعد بالسكر كل ما كان السكر بزيادة تطلع العصيدة أحلى .. وبالعافية مرة ثانية .. واذا سويتيها .. اعزمى إعيالى عليها .. هاهاهاهاها ..