ّّّّّّّّ~ () ~ حـــــــــــــــراج بن قاســـــــــــــم ~ () ~

مســــــــــــــــاء الشهــــــــــــد والسكــــــــــــر ...

مســـــــــــــــاء احلى من الحـــــــــــــــــــــالي ...

مســـــــــــــــاء خـــــــــاص لكل الغـــــــــوالي ...

هذي سالفــــــــــــه صارت لي قبل فتــــــــــره مع واحد من اخواني الله يصلحه ويهديه بس ...

كان واحد من اخوياه يبيع في الحراج مع ابوه وذاك اليوم أخذ اخوي وأخوياه معه للمحل

عاد اخوي ماشاء الله اعجبته ذا الشغله والتجاره * شقردي طالع على أخته * :o

المهم يوم جاء للبيت ...

قال :: يمه ما عندكم شيء ما تبونه مثل * دلال ، براريد ، مكيفات ، زوالي ، اي شيء ..

قالت امي : ليش خيــــــــــــــــــر وش عندك تبي تبسط فيهن ..

قال :: ودي اروح ابيعهن في الحراج مع خويي

عاد امي ما أخذت الموضوع بجد متعوده على خرابيطه ،، وطنشت ..

المهم بعدها بكـــــــــــم يوم فقدت جوالي القديم جايبته معي

واحوس عليه ولا لقيته قلت : ما يخالف عندي غيره بس مستغربه وين طار

ويوم جاء بعد العشــــــــــاء الأ الأخ جاي ..

وقال : ذكـــــــــــــــرى خذي ومد على 80 ريال

قلت : خيــــــــــــر وش ما خبرت أني طارتن منه شيء

قال : قيمـــــــــــة جوالك بعته بالحــــــــــــــراج :06:

قلت : الله يغربل عدوينك وأنا وخيتك ،، نعنبو بليسك لو أني صافتن عند باب المسجد

عقب الصلاة كان جبت اضعاف ذا المبلغ وانت بايعن جوالي بـ 80 ريال

قال : وش اسوي شفتك ما تبينه قلت ابيعه اصرف بدال نطلته في الدولاب ..

المهم عداء الموضووووووووع على خيــــــــــــــــــر

وجاء اليوم الثاني قال : يمـــــــــــه عندكم مكاين وخلاطات محروقه ما تبونها

عاد انا مقهوره على جوالي

قلت : ما ودك تبيع أمي بعد والا واحدتن من بناتي تحرج عليهم اصررررف لك عاد قام يضحك وسكت ...

وراح يلعب على أخوي الصغير قال : جب حمامك اروح ابيعه لك

والله بيجيب لك مكسب عاد الضعيف صدق ورقى فوق السطح يجمعهن له ...

عاد ابوي ما يدري عن الحمام شيء والا كان يحوسهم ...

المهم سمع ابوي صوت ركض في السطح ويطلع عليهم ويلقاهم يركضون وراها بيمسكونها

ويحوووووووسهم ذاك الحوس ويطير الحمام كله ...

ونزل اخوي الصغير يصيح على حمامه اللي طار ولا استفاد من قريشاته شيء ...

والتفت ابوي ويشوف الباب اللي يفصل السطحين عن بعض مهب فيه !!!

ونزل وهو معصب وين الباب قال اخوي : يبه انا شلته علشان اخواني

يطلعون فوق الجدار ويطبون على السطح الثاني وقمت خلعته علشان لا يطيحون أخواني ..

والأخ ما همه اخوانه لو يتكسرون خالع الباب وبايعه بالحراج ...

قلت : يمه تقفين اذا جيتي طالعه من غرفتك قفليها يا خوفي بكره تجين تلقينها مقرشعه

وسيده على الحـــــــــــــراج ...

عاد الحين اشوى ركــــــــــــــد وعقل وطلع رجــــــــــــــال سنع ...

يا زينه والله انه حنون وحريص علينا لو وحده منا تشتكي وتصيح قعد يصيح معها ...

الله يحفظه ويخليه لنا ويهديه ويصلحه ...

وعلى طـــــــــــــاري الجوالات اذكر مقلب سويته في وحده من بنات الترفيهيــــــــــة ...

عاد أنا مانيب راعيــــــــــة مقالب بس من زود الزهق حستها شوي ...

قبــــــــــــل شهـــــــــــــــــر تقريبا طلعت * عشوووووووووقه *

جوال جديد وفرحانتن فيه

وارسلت لي مســـــــــج يقول ( ذكــــــــــــــرى اعطيني رقم المريخيـــــــــــــه )

عاد أنا كنت وقتهـــــــــــا زهقانه واصله حدي ..

ارسلت لها ( خيـــــــــــــــر وش تبين فيهـــــــــــا )

ارسلت تقول ( ابي اغازلها يعني انتي ووجهك وش ابي فيها اكيد ابراسلها )

ارسلت لها ( اوووووووووكيه خذي الرقم * 05500000 * واكتب لها رقم جوالي )

قامت ارسلت لي على طوووووووووول ...

~ ~ ~ ~ ~
~ ~ ~ ~
~ ~ ~

يا حمــــــــــام بلغ الغاليين شوقي والسلام .. عشوقه ..

ههههههههههههههههههاااااااااي وامووووووووت من الضحك عليها الحين تحسب نفسها

مرسلته للمريخيــــــــــــــه خخخخخخخخخخخ

قمت ارسلت لها ( خيــــــــــــــر الأخت مضيعه ) يعنني وحده غلطانه فيها

قامت ارسلت لي ( ذكرى يالمنسمة منك معطتني رقمه ؟؟ تأكدي من ارقامك وشوفي

منهو رقمه * 0550000000 * وكتبت رقمي ) هههههههههههههاااااااااي

قمت ارسلت لها ( يوووووووووه عطيتك رقم المريخية بس شكلها بتخمك وتضيعك )

عاد البنت سكتت ما عاد ارسلت شيء

وبعد فترة اتصلت عليها وقعدت اسولف معها قالت : يالمرجوجه منهو رقمه اللي عطيتيني

قلت : رقم المريخيه قالت : الحمد لله والشكر اختك ولا تعرفين رقمها اتصلت اليوم على امك

واعطتني رقمها ابد ما يشبه للرقم اللي عطيتيني رقمك مشرق وهو مغرب

عاد انا فطست من الضحك قلت : طيب والرقم ذاك طلع منهو رقمه

قالت : مدري عنك بس والله انها *********** مشفر سبتني وانا اسمع

قلت ليش : قالت تقول خير الأخت مضيعه هي اللي مضيعه خخخخخخخخخخ

قالت : المشكله أني من يوم خزنت الرقم اللي عطيتيني ورقمك اختفى من جهازي

كل ما جيت ارسل لك يطلع لي الرقم

>> ابوووووووووووووك يالذكاء اللي عندها ...

والى يومكم هذا وهي ما تدري عن المقلب ولا درت انه رقمي عاد مدري وش ردة فعلها اذا

قرت موضوعي خخخخخخخخخخخخخخخخ