السلام علكيم
هذه من المواضيع التي تأخرت كثييرا في نشرها بسبب السفر ومن ثم الانشغال وباذن الله تعجبكم ..
-----------------------------
بدأت القصه بمجموعة بنات مجتمعين في احد الاجتماعات لمنظمة اسلامية وكنا في فترة (العمل وراء الكواليس) كنا نجتمع لفترات طويلة ونحن نقرر وننظم وووو
اجتماعاتنا دايم تكون في الجمعه حتى لو تأخرت نستطيع النوم حتى الظهيرة..
في نهاية الاجتماع ذاك وكلنا تعبين وكان قد طفح الكيل لدى الجميع.. فجاءت وحده افتتحت موضوع وقالت ..
-الجماعه المسلمة تبعت هاميلتون رايحين رحلة بكرة على حديقة شلالات ويبستير احد منكم رايح؟؟
-شلالات ايش ؟؟ انا ماعرف غير نياجرا وبعدين مين بده يفكر يصحى بدري بكرة ويرتب وويستعد لرحل وخرابيط
-هلأ من جدك بدك يانا نروح ؟؟ خلينا نحل واجباتنا وندرس احسن هي الجمعه وراح علينا
- عن جد بنات المنطقه بتجنن وماراح تندموا تعو نشد الهمه ونروح
-انا مابقدر عندي مدرسة ولازم اودي اولادي عالمدرسة كمان
- وانا عندي شغل
وبعد نقاش قصير جدا استطاعت الفتاة ان تقنع مجموعه من الفتيات على الذهابوخاصة الغير مرتبطات بعمل او مدرسة في يوم السبت
- شوفي انا مابسوق ولا في حدا يسوقني لأي مكان في صباحية الله يعني بدك تدبري لي توصيلة من هلأ عبئولك
-ولايهمك انتي سوي السندويتشات والتوصيلة بتجي لقدام باب بيتك
- من عيوني وياليت قبل التوصيلة يكون اتصال مشان تصحيني لأنه اللي بنام هلأ غير قدرة الله مابتصحيه الفجر هههههه
- ولا يهمك
-وانا راح جيب الشاي وفطاير
-بدي جهز العاب مشان نتسلى نلعب هونيك
- يابنات بدكم تجروني من سريري من صباحية الله ويوم السبت كمان!! لازم يكون في قهوة تصحصنا بكرة
- خلاص يااكسولة ولايهمك القهوة علي
-مين عنده حصيرة او شي مدة مشان نقعد عليها ؟؟
- مو مشكله هي خليها علي
وهكذا انتقل النقاش من جلسة طفش وتععععب الى متعه وحماس للرحلة المقبلة ..
فجر اليوم التالي ايقظنا بعض بالاتصالات وجهزنا الاغراض ورئيستنا الله يعطيها العافية مرت على كل وحده فينا واخدتنا بسيارتها...
- جدي لعب بعقل تيس.. انا شو الله جابرني افيق من الصبح مشان اروح رحلة بعز فترة امتحاناتي؟؟
- معليش اعتبريها ريلاكسينق وانسي كل اشي بس توصلي هونيك راح تنسي كلللي شي ..
-بنات بتعرفوا الطريق كويس ؟؟
- انا مالي دخل لاعندي سيارة ولابعرف اسوق ولا بعرف غير شارع بيتنا
- اساسا انتِ اخر وحده بناخد رأيها في الطرق هههه لاتخافي معنا خريطة وماراح نضيع وعلى كل حال الطريق كله على بعض ساعة وحده..
انطلقنا الساعة سبعه الصبح صارت تمانية.. تسعه... عشرة.. احداعش.. وشلتنا مازالت في الطرقات..
-ياجماعه والله اعلم والله اعلم انه نحنا ضايعين!! لانه مالي شايفه غير البقر والخيول والتيوس وين جايبينا على حظيرة حيوانات ومزارع البلد؟؟؟
-رنيم طولي بالك اصلا مين بدنا نسال هون مافي ولا شئفة محل. خلينا شوي الا مانلاقي محطة بنزين او شي محل اكل ..
-شو اللي عبتسوق ماحكت شي شو رايك؟؟
- انا ؟؟
-ايه انتِ
- ههههه انا عبفكر بجملة دائما بيقولها زوجي (عمر النسوان ماخرج يستلموا سيارة )!!!
- نعم؟؟ لالا لاتقوليها هالكلام بالذات مابينقال قدام رنيم خير شر مابدها تتاخد رخصة ولا شكلها ناوية لاتقللي من عزيمتها مو ناقصها هالكسلانة
- انا ؟؟ ومين طلب رأيك؟؟ وبعدين لو بدي اخد الرخصه كنت بحسن اخدها من سنتين بس مابدي لأنه ماني بحاجتها
- ليكي ليكي هي مقهى تيم هورتنز خلينا ننزل نشرب قهوة ونسألهم :)
رحلتنا لم تبدأ بعد!!
خليكم معي وللقصه بقية
سلام عليكم
رنيــم
يالله احنا معاج بس لا تطولين ~~~~~ اموت في القصص...