وحنا بالخليج نسمي الرز عيش :42:
وطعمه مميز ولذيذ جدا وخفيف
وما صورته الا صوره وحده بس امس كنت مزحومه اششششوي والصحن ماهو مرتب :09:
بالاول نحضر الرز :
بان ناخذ الرز ونغسله ثم ننشفه جيدا وبعدها نطحنه ونحفظه بزجاجه
بس ما نطحنه ناعم جدا ولا خشن وايد يعني يكون مابين الناعم والخشن :) مثل السميد الخشن
المقادير :
2 كوب عيش (رز ) مطحون
ملعقة صغيره هيل وزعفران
3 فنجان سكر
وماء ساخن تقريبا 3 كاسات ماء حار او اكثر حسب نوع الرز اللي عندج
2 ملعقة زيت
والقرفه او الدارسين
الطريقه :
نحمر الرز على النار حتى تظهر لنا رائحته المميزه ... ومانحمره كثير مجرد يصفر اشوي وتطلع ريحته
وبعدها ابعده عن الناء واضيف عليه الماء الساخن (انتبهو راح يفور ) ونحرك فيه بسرعه حتى ما يتكتل علينا ... ومو مشكله ان زاد الماء لانه راح ينشف بعدها
ونضيف عليه السكر والهيل والزعفران والزيت.... وبعدها نرده على النار وتكون هاديه ونحرك فيه لما يشرب الماء ويكون سمكه مثل العصيده :)
وبعدها نوزعه بالصحون ونزينه بالدارسين بهذا الشكل
وبالعافيه
:cook:
مادري اذا اهل الخليج او الدول العربيه تعرف هذا الطبق او له مسميات اخرىىىىىى
بس اعتقد اهل الامارات يعرفونه
:42: