بسم الله الرحمن الرحيم
صباكم / ومسائكم خير يارب
ببدا معاكم حمله بعد اسبوعين بإذن الله
( وبتستمر 6 اسابيع بإذن الله )
الحمله هي عنايه في الجسم بالكامل من الداخل والخارج
ومن بشره وشعر ورجيم وتسمين وتحسين قوام
كل وحده ممكن تنوي تعتني وتشتري اغراض للعنايه ويوم او اسبوع وتقول مليت او مانفع :icon32:
او كان نفسي شي يشجعني اما شخص او مناسبه
اول شي عنايه اقل من شهر ماعتبرها عنايه ، مع اني افضل العنايه اللي شهر ونص
وعنايتنا بتكون بإذن الله ست اسابيع
وبترك لكم مطلق الحريه في اختيارها و رسم جدول خاص بك اللي ممكن يكون مسار لغيرك مستقبلاً
وراح يكون فيه ثلاث فائزات وماراح يكون الفوز عشوائي او ضربة حظ لا
الا كثر نقاط هي الي تستحق الفوز ، وانا الود ودي اخلي الجوائز لعشرين عضوه
بس لاني اتكفل فيها بروحي بكتفي بثلاث :king::king::king:
الاولى بقيمة 500 ريال من المنتجات المغربيه
الثانيه بقيمة 300 ريال من المنتجات المغربيه
الثالثه بقيمة 200 ريال من المنتجات المغربيه
طبعاً بكون مشاركه وياكم كا مشجعه ونفس الوقت فعلا ابي اعتني في نفسي :35:
ولا راح استخدم اي شي يكون من مبياعتي الا اذا كان متوفر عند غيري عشان ماكون اسوق لنفسي
اللي ابيه منكم ، تقرون الشروط ، والي متحمسه :S_45: وتقدر عليها تسجل
وتجمع اغراضها وتصوره وتنزلها في الموضوع الثاني
اللي بفتح بإذن الله بعد اسبوعين والتسجيل يكون خلال هالايام
بعد فتح الموضوع الجديد ماسمح لاي عضوه بالاشتراك
كل الشروط واضحه ، ياليت مانشوف اسئله متكرره
وترى الموضوع في ذمة كل مشترك ماتكتب الا الحقيقه
( لانريد تقرير مثالي اريد يوميات حقيقه )
لان هناك اعضاء بياخذون ع تجاربكم ولانبي نضر احد
الفكره خذيتها من منتدى كويتي وبتحديد من اختنا ( حيادر ) الله يذكرها بالخير
الموضوع هذا مابي منه الا دعواتكم ( فلا تحرموني )
رجاء خاص :-
اي سؤال عن هذا الموضوع يكون في نفس الموضوع
مابي رسايل خاصه عنه ،عشان ماضيع وقتي وقتكم
وكل ماشوف نفسي فاضيه ماراح اقصر بإذن الله
كان ودي أشترك معاكم بس لاني توني والدة
بالتوووووفيق للجميع