كيفك اصرار
والله اني متابعة موضوعك وادعي لك ربي ييسرلك
هذا رجيم سويه بعد ما تخلصي رجيم المويا اتوقع يناسبك وبينحفك وتقول صاحبته ان يفتح البشرة يعني مناسب للي عروسه مثلك اكثره مويا علشان الشحوم تذوب بسرعه
بالتوفيق
كيفك اصرار
والله اني متابعة موضوعك وادعي لك ربي ييسرلك
هذا رجيم سويه بعد ما تخلصي رجيم...
صباحكم فل
طيب طيب ايش اقول و ايش اخلي
صارلي كم يوم مممم اليوم رح يكون اليوم 17
ممم كثير صح ؟
لا مو صح لازمني اكثر من كذا بس ادعولي
عاد امس كانت عندنا جارتنا و جايبه معها سينابون بالقرفه و الجوز تهئ تهئ ريحتها تجنن بس ايش نسوي
تواريت عن الانظار و ما ظهرت الا بعد ما اختفى الحلا هههههههههههه
الله يعين لابد نكسر نفسنا الشريره اللي تحب الاكل و خصوصا الحلا و المعجنات
خلاص لازم تصير حياتنا صحيه و حلوه و ننتبه على اكلنا مو اي شي نلاقيه قدمنا فتحنا فمنا و اكلناه وي ههههههههه
اقولكم على شي ..؟
حتى خطيبي قلت له لازم تعرف أني مارح اطبخ الاكلات الدسمه و اكلنا في البيت لازم و حتماً و لابد يكون صحي×صحي
لأن كل واحد و يعرف نفسه و انا اعرف لو شميت ريحة الاكل اروح اوزن الاقي نفسي زدت كيلو هههههه
الله يعين بس
لازم لما تقرري تنحفي و انتي اصلا جسمك من النوع اللي يستفيد من كل لقمه اكلتيها لازم تغيري نظام حياتك عشان تحافظي على النقصان اللي نقصتيه
مشكلتي دائما كانت اسوي ريجيم عشان عندي مناسبه اخلص الريجيم ارجع لأكلي العادي و ارجع كل شي خسرته
بس لما تخلي نظامك صحي و مافي سعرات حراريه عاليه مارح تنحرمي من شي و بنفس الوقت مارح يزيد وزنك
و ممكن لو زاد رح يزيد 3 كيلو بس تقدري تسوي لل 3 كيلو كنترول
بس لما يصيروا 20 او 15 كيلو هنا التعب الحقيقي و الهلاك كمان
أدري طولت عليكم بالكلام بس حبيت اوضح القناعه اللي وصلت لها
و مع الاصرار و الامل و الدعاء قبل كل شيء مافي شي صعب
انتي لو ربة منزل غيري الاشياء اللي بثلاجتك استبدليها بأشياء صحيه
استبدلي الدانيت و الشوكولا و الاكلات الخفيفه بالفواكهه الطازجه سوي سلطه فواكهه و كليها
اشتهيتي الشوكولا عادي اشتري شوكولا دايت او شوكولا جالكسي العاديه بس كولي منها حبه مو تاكلي اللوح كامل و تروحي تتعشي كمان هههه
استبدلي السمن بالزبده المارجرين المازولا اللي ما فيها كوليسترول
استبدلي العيش العادي بالعيش البر او توست اسمر
استبدلي الشابوره العاديه بالشابوره البر
استبدلي الشاي الاحمر بالشاي الاخضر
حاولي تعودي نفسك على شرب الشاي و القهوه من دون سكر و مندون حتى المحليات الصناعيه البديله
صدقوني بس تتوصلي لهالقرارات رح تلاقي نفسك صرتي غير و جسمك خفيف و لطيف و مافي احلا من كذا
طبعا فيه قائمه كبيره للاستبدالات ما اقدر اقولها كلها بس اتمنى الفكره تكون وصلت
في نقطه اساسيه كمان
وجبه العشا اهم وجبه و لازم تكون اخف وجبه و كل ما كانت بعيده عن موعد النوم كان افضل و احسن
كثير بنات اشوفهم لما يوقفوا عشا او يكون عشاهم خفيف مثلا زبادي و توست او توست و عصير برتقال
و تكون وجبة الفطور و الغدا عندهم عاديه يلاحظوا نزول بالوزن
العشا وجبه اساسيه في تخفيف و زياده الوزن عشان كذا لازم ننتبه لها
حتى لو تلاحظوا اغلب برامج التسمين مثل خلطة اختنا حلم بدون تفسير تقول كلي ملعقتين من الخلطه و اشربي كاس لبن و ناااامي لان الاكل و النوم بعده يزيد الوزن و العكس صحيح
هذي نقطة مهمه حبيت اوضحها
كمان في ملاحظه صغيره بخصوص موضوع حميتي ان شاء الله تغير موعد قياس الوزن و القياسات الى يوم الاثنين القادم مو السبت يعني ان شاء الله و اذا ربي احياني بيكون بتاريخ 19\11\1432هـ الموافق 17\10\2011م
بتسألوني ليش لأني يوم السبت و الاحد اخذتهم فري فما اقدر احسبهم و حسبت من يوم الاثنين عشان الاسبوع الثالث ما يكون ناقص و يكون فيه نتايج تبشر بالخير
أتمنى ما تنسوني من صالح الدعاء
و يا رب يا كريم كل وحده و كل واحد مريض بأي مرض تشفيه و تعافيه و تصرف عنه و يارب كل وحده و كل واحد بخاطره ينزل وزنه يا رب ينزل من دون مرض و كل وحده بخاطرها يزيد وزنها يا رب يزيد من دون مرض و يارب تكملنا بالايمان و الصحه و العافيه و تبعد عنا شر الامراض ,,,اللهم آمين..
سبحان الله و الحمد لله و لا إله إلا الله و الله أكبر و لا حول و لا قوة إلا بالله العلي العظيم