كوكبة
اصمدي يابنت وبطلي وسوسة يمكن تكون بشرتك من النوع الجاف واتحسست من شي هذا بيحصل ممكن نوع من المكياج ما ناسبها او نوع من الاكل مع عوامل ثانية اتعرضت لها زي ماقالت لك جودي الترطيب زين شوفي زيت اللوز زين تدهنين به حتى للاكزيما وكمان ادهني بجليسوليد احسن مرطب للجفاف والافضل تروحي لدكتور جلدية وترى الذئبة مش بس بقع الذئبة تعب وشعرك كله بيهررررررر والبقع بتنتسر في كل الجسم مش بس الوجه ..

أم جنان
بارك الله فيك على السؤال والمعلومات بصراحة انا بستفيد كثير من المعلومات اللي بتعطيني اياها وبحس اني بخير في وجودكم ورغم بعد المسافات بس انتو أجمل أخوات وصديقات قابلتهن وباخذ وبعطي معاكم في كل شي وهذا دليل التقارب ..

نسمة
احنا على فكرة اتكلمنا كثير عن شغلات وامور كثيرة في الملف الاول والثاني وخلصنا ان الروماتويد جاي بسبب حسد أو عين وحطينا موضوع سورة البقرة اتكلمنا عنه كثير وأنا اتكلمت من كلام شيخ هنا قالي سورة البقرة نص الليل اقراها كاملة على ركعتين بس الصراحة انام متأخرة واقوم اقرأ الساعة ثلاثة ويأذن الفجر الساعة اربعة وعادني ماكملت مع اني بسرع في القراية قالوا لي ان البقرة نص الليل لمدة شهر الاول ويشوف نفسه الشخص اذا استفاد او يستمر يقولون زينة للي عندهم عين او حسد بس انا بنصحكم مادم ظروفكم ماتعطيكم ايش رايكم نسويها برمضان قد الناس بيسهرون الليل وينامون النهار وقدهي أجازة أنا بحاول والله يقدرني من شي اسبوعين استمريت اقرأ البقرة ثلاث ايام متواصلة بس بقراها العصرية وبعدها تعبت وتركتها ومش المفروض اتركها بس هذا اللي حصل معاي بعدين جتني الدورة ووقفتني من الكتاب كله ..

انتي على فكرة نسمة ماقلتي لنا ايش الادوية اللي بتتعاطينها أنا باخذ حبة كورتيزون وحده 5ملجم وحبة بلاكونيل وحبة كالسيد مكمل غذائي عبارة عن كالسيوم وفيتامين دي وكل اسبوع خمس حبات ميثوتريكسيت وحبة فوليك اسيد وطبعا الدم عندي ناقص بيطلع دايما تسعة وساعات عشرة وهذا كمان بيخليني احس بالتعب والدكتور كتبلي حديد بس انا كالعادة مش بحب آكل ادوية كثير قلت بعصرلي تمر وزبيب واشربهم على الريق ومع ذلك لحد الآن مكسلة وطبعا الدكتور بسلامته دبل لي الكورتيزون وانا ماسمعت كلامه ..

باسند
هذا بسبب الشاهي والقهوة انتي شكلك من النوع اللي بيتعب في رمضان مع الصيام اذا انتي بتشربي قهوة او شاهي كثير ..
بمناسبة ان نسمة طلبت تعرف ايش الاكل اللي ناكله انا بغيت انصحكم تقللون كثير من الشاهي والقهوة والملح والسكر وتبتعدون نهائي عن مشروبات الطاقة والمشروبات الغازية وتقللون في المقالي واللحوم وكثروا من الخضار والفاكهة والسلطات والسمك واكلوا تمر تراه غني بالمعادن ..

تعرفون بنات انا بقولكم نصايحي هذا عشان تتفادون أي مشاكل ثانية تزيد عليكم فوق الروماتويد وانتو مش ناقصين روماتويد ومشاكل في البيت وأزواج الله يعين وعيال وضغوط من هنا وهناك فالأحسن تعتنون بصحتكم وقاية من القولون والمرارة وترسبات الكلى ومشاكل الكبد والسكر والضغط وغيره وغيره ..

السلام عليكم ورحمة الله كيفكم يا بنات والله اشتقت لكم كثير اتمنى تكونوا بصحة وعافية باسلم على كل واحدة فيكم وحابة ابشركم اني ولدت وربي رزقني ببنت سميتها هبــــــــة الرحمان، الولادة كانت قيصربة بس الحمدلله على كل حال، بس بعد الولادة جاني حصى في المرارة وجرثومة في المعدة يارب تشفيني وتشفي الجميع دعواتكم معايا. احبكم في الله

هلا وغلا بصفوفة
الحمدلله على سلامتك ياعسل
ويارب تتربى البنت في عزكم
والف لا بأس عليك يارب

يسعد مساكم كيفكم بنات
مشكورين كل اللي ردو علي
صفصه الحمد لله ع السلامه والف الف مبروك ياعمري الله يحفضها لكم حبيت اسالك وش الادويه اللي تاخذنها وقت الحمل ردي ضروري

السلام عليكم ورحمة الله وبركاته
كيفكم يا احلى اخوات والله اشتقت لكم كثيييييير
باسند ..اموووون...جووودي..صفوفه ...اكليله...من وكب اخر..فتو ...رووووز..ووووومعليش اكيد ناسيه واكيد الجدد يسامحوني ........لمى :rolleyes :