كل عام وانتم بخير

صفوفة
ماشاءالله عليك هبة الرحمن الله إسم جميل جداً الحمدلله على سلامتك انا كنت بفكر فيك وفكرت انك ولدتي عشان كذا اتأخرتي علينا حصى المرارة كثري عليه شرب الموية الله يحفظك وطلي علينا عشان تطمنينا او خلي رقم تلفونك لوحدة فينا بس ماسج بعد كل وقت والثاني عشان نطمن عليك ومبروك ألف مبروك البنوتة تتربى في عزكم وطهور *****الله ..

إيميس
نورتي ايش اخبار بنتك الحلوة سلميلي عليها ورمضان مبارك عليك وعلى الجميع يارب يقدرنا على قيامه اللهم آمين ..

صباح الخير
بنات نفسيتي تعبانة مدري من إيش طول الوقت أبكي ومكتئبه؛ مع إني الحمدالله ما أحس بأي وجع الروماتيد نايم عندي بس مدري وين المشكله
ادعولي ربي يشرح صدري

ياحافظ على قلبك وروحك يازينة البنات انتي فيه شي مكدرك وبتفكرين فيه وهو اللي مخليك مغمومة ومهمومة ومسويلك اكتئاب وبعدين الاكتئاب والهم هو اللي يصحي الروماتويد ويخليه يلعب في جسمك انتبهي تراني بحذرك.. اسمعي غلط اننا نهتم ونغتم ونستعين بعباد الله واحنا معانا رب كريم بيسيرنا ويسهل لنا كلللللللللللللل شي نبغيه والمفروض هو اللي نستعين به ونطلبه مو نطلب من الخلق ونظل نلح في الطلب مهما قست علينا الظروف اللي حوالينا عادي ترى كل بيت فيه مشاكل وكل انسان في الحياة بيعاني بس الله سبحانه وتعالى بيحب المؤمن اللي يكظم غيظة ويصبر ويتحمل الهموم والمشاكل ويمسك نفسه من الرد بسوء احنا كلنا نعرف نرد ونسب ونشتم ونوقف اي حد يآذينا عند حده بس هذا اسلوب الناس الضعفاء ترى الناس الاقوياء اللي هم بيكونون في شددددة ومايتكلمون يصبرون ويستغفرون ويدعون الله يفرج همهم والله سبحانة وتعالى يقول انا عند ظن عبدي بي دايما خليك متوقعة انه بيحصلك كل شي زين وخير فالله يعاملك على حسب ظنك به فكلما كنتي حسنة الظن بالله فالله لن يخيب ظنك ولن يضيع عملك ولن يخيب أملك وإذا دعيتيه سيستجيب لك ..

هذه غمة اللي تمرين بها كلنا نمر بها وكلنا بتشتد علينا الظروف ويشتد علينا الحال وكلنا لنا أمنيات نتمنى انها تتحقق ياتوفي شوفي الحرمة المتزوجة طفشانة واللي معاها العيال طفشانة واللي بلا عيال كحالتي طفشانة واللي بلا زوج كحالتي برضه طفشانة وأصلاً لا عيال بينفعوك ولازوج ينفعك ولا أم ولا أب مابينفعنا في الدنيا والأخرة اللا عملنا لازم نحسنه ولازم نحاول نكثر حسنات عشان يذهبن السيئات والغلطات اللي بنرتكبها في حياتنا ..

شوفي انتي حاولي تسوين شي للآخرين يعني حاولي تسعدين الآخرين اذا قدرتي تتصدقين على ناس فقراء مرره او تساعدين اي حد بأي طريقة حتى تدعين له أو تستغفرين له هذي الأعمال بتجيب السعادة والانشراح الى القلب .. صلي الارحام اتصلي على أقاربك قولي لهم شهر مبارك زي خالتك عمك خالك جدتك انعشي نفسك سوي لنفسك زحمة في حياتك عشان تنسين الشغلات اللي مخيتك مكتئبة ..

وأنا من رأيي انك اذا انتي قادرة تسوين شي وبتحسين نفسك بخير والعمل حق الحكومة عاده ماجاء فاشتغلي في أشياء تطوعية جمعيات خيرية مساجد أي شي تساعدين الناس وتحسين نفسك انك بتسوين شي مهم في الحياة وتسوين لك رصيد ينفعك وغير كذا ناس بتدعيلك وبتذكرك بالخير ..

وأما بالنسبة للزواج فهذا تراه مايجيبه اللا رب العالمين هذا اذا بغيتيه ألحي في طلبه من الله وعليك بدعاء التعار نص الليل وأديله ركعتين بعده وافرحي يابنت كلما سويتي استغفار وحاجات حلوة بتحسين نفسك ياأرض اتهدي ماعليك أدي جيبلك مسبحة أبو مية اذا كنتي من النوع اللي بينسى زي بعض الناس مسابح ابومية في كل ركن في البيت طبعا بستغفر وانا أمشي وأنا أغسل الصحون وأنا نايمة واذا حبيت احسب شي باخذ المسبحة سويلك سبحان الله والحمدلله والله أكبر ولا ألألأاه ألألأا الله مية والصبح بعد الأذكار الله لا إللاه إلا هو وحده لاشريك له له الملك وله الحمد وهو علىكل شيء قدير مية شوفي انا مو قاعدة أستعرض لك أنا بس بذكرك هذي الشغلات بتودي الاكتئاب أنا مجربه الاكتئاب ومجربة علاجة بهذي الشغلات استمري بعدين بيصير عندك عادة وبتحسين فرح وسرور في قلبك ..

بس شكلي قرقرت كثيييييييييرررر الله يستر علي منكن أكيد الحينه بتقولون علي هذي كل يوم قرقر هههههههه ماعليه بستحملكم قدر الله ..

يالله باااااااااااااااااااااااااااااااي ..

اثنعش ركعة نوافل صليها زينة ومابتاخذ منك وقت والقرآن تقرينه يومي حتى لو الظروف ماخلتك علىالأقل صفحة يومي وفيه حديث يقول خمسين ماادري مية آية يوميا ماادري ايش أجرها ذكروني ياروماتويديات ياحلوات وعشر مرات قل هو الله أحد تسويلك نخيل ماادري بيوت وقصور في الجنة وقومي بآخر آيتين من البقرة ونامي عليهم ترى انا بحاول أسهلك الأمور واللا المفروض اكثرمن كذا مو بس آخر آيتين بس انا ما بغيت أكثر عليك لاني عارفة انك بتكوني مشغولة في البيت وضيوف وخرجات ودخلات والله يستر عليك ..

البكاء حلو وزين وماأحلاه يوم يكون نص الليل على السجادة تشتكين له واتدللي عليه واتذللي برضه هههههه ماحد بيفك عليك اللا هو من الآخر انا بقولك بس فيه شغلة مهمة هنا تجين عندنا تفضفين لان احنا صاحباتك وخواتك واذا فيه شي مترددة فيه استشيري الناس لازم تستشيرين وتشوفين آراء الناس وبعدين استخيري الله فهمتيني ياحلوة ؟؟؟

احنا اللي بنقدر عليه نواسيك نرفع معنوياتك ونقولك شي حلو فيك انتي ناسيته نذكرك به فتفرحين هههههههه نذكرك انك حلوة وزينة وفريدةمن نوعك نذكرك انك شاطرة وروماتويدية ذكية وتسوين شغلات انا مااعرفلها زي اللي في توقيعك هههههههه هكذا ..

يالله قومي شدي الهمة وبطلي هبل وبشريني بعد كم يوم انك احسن وامورك حلوة آآآآآآآآآه ونسيت سويلك برنامج في رمضان حلو كذا ينفعك فكري ايش بتسوي في رمضان واشتركي في المسابقات حقت رمضان اجتهدي فيها ماحد يدري يمكن تفوزين وتعطيني الحلاوة ..