حياتي الماساويه

والله انا مش مجربه الغربه ابدا الله يصبرج
بس اختي ونسي عمرج بالصلاة والقران والدعاء وعندج التلفزيون والنت وطلعي الاسواق والحدائق وصاحبي جاراتج
هونيها وهي تهون دايما قولي انج احسن عن غيرج

والله ودي اشرح اكثر بس ما عندي وقت ان شاءالله المره الثانيه من ادش بكتب التفاصيل اكثر

رراح الكثير معاد بقى الا القليل
المفروض اختي انك توقفين مع زوجك انتي مثل ماقلتي ان ظروفه صعبه وانه جته سخونه وعنده ضغط نفسي انتي حبيبتي وين دورك وين وقفتك مع زوجك المفروض تكونين البلسم الشافي هو في غربه وتعبان وانتي تزيدين عليه الهم هم
اختي المفروض تلعبين دورك في الغربه وتحسسينه انه مش في غربه
يعني تحاولين تكسرين الروتين اللي عايشه فيه
يعني هوطول اليوم مشغول انتي في هاليوم روحي لصديقه زوري جاره بتقولين ماعرف احد تعرفي حاولي تعاشرين الناس حاولي انك تدخلين مع هذي وهذي حاولي تعزمين
انتي عزيزتي خليتي حياتك مأساويه بصنع يدك
اتوقع ماتبين تتعرفين ماتبين الا اهلك ماتبي تكيفين نفسك على هالوضع خليك اختي مرنه وهينه لينه ادخلي السعاده في قلب زوجك لاتكونين انتي والزمن عليه
زي ماقلت اكسري الروتين يعني حاولي انك تغيرين في شكل البيت فاجأي زوجك بسهره خاصه وليله رومنسيه
اختي في الله انا اتوقع دمار نفسيت زوجك منك انتي اولا ثم ظروفه الاخرى قابلي زوجك بأبتسامه ترى الابتسامه تسحر قلوب الناس فمابالك بزوجك اكسبي فيه الاجر
راجعي نفسك اختي وراجعي تصرفاتك
بالله عليك تطلبين الطلاق بسبب وجودك بالغربه والكآبه اللي عايشتها
مفتاح الحل بيدك انتي مو بيد زوجك عزيزتي انتي اللي تقدرين تغيرين من حياتك
وتخلين بيتك اما جنة او نار واعرف لك كثيرين راحو اول ماتزوجو وعاشو في غربه وكيفو حياتهم وتفانوا مع ازواجهم وحاولوا انهم يسعدون ازواجهم على قد مايقدرون والمرأة اول ماتتزوج خلاص يكون زوجها هو امها وابوها واخوها واختها فتفاني في اسعاد زوجك ..عزيزتي عليك بالدعاء والصلاة اخر الليل وصلاة المكروب ودعاء المكروب
اختي عندي كلام كثير لتقديم النصح لكي ولاكن الوقت لايسعني وتأكدي ان للحديث بقيه والبنات ان شاءالله يساعدونك وما يقصرون
وآسفه اذا جرحتك بكلمة او زعلتك بس هذا كله لمصلحتك
وربنا يوفقك

ريري وسعي صدرك وانا اختك واحمدي ربك اول شي على الصحه والعافيه وكثري من قراية القرآن وان شاء الله ترتاحين ولاعاد تطق لك هالواجيس والضيقه الي متعبتك لدرجة خلتك تفكرين بالطلاق,, وانتي تفائلي وحاولي تعيشين يومك ولاتكدرين على نفسك وتستسلمين للهضيقه وهالتفكير لان صدقيني اذا استسلمتي للهلافكار وانك بغربه وهولتي على نفسك بيكبر معاك هالشي وبيضرك ,, لكن احمدي ربك على كل حال والله يكون بعونك ويرجعكم لديرتكم بااسرع وقت وتصير سوالف تنذكر بس ماتنعاد يـــــــارب ..

والبنات ماقصرو ا وخصوصا اختي المعشووقه وربي كلامها جنان ..

تصدقين اختي اني بعد ما قريت موضوعك ارتحت كثير الصراحه حسبتك يوم قلتي ان حياتك مأسويه بتتشكين من زوجك والا من اهل زوجك والا من مرض

انا ما اقلل والله من الغربه لكنها والله صارت في هذي الايام اهون الهموم والمشاكل الثانيه وان شاء الله بكره ترجعين السعوديه وتخلفين من العيال اللي يملون عيونك باذن الله بعدها صدقيني بتتذكرين هذي الايام وتضحكين

على العموم اختي حلا لمشكلتك بااقولك عن تجربه وحده من قريباتنا تغربت مع زوجها خمس سنوات في ايطاليا كان يكمل دراسته وهي المسكينه ما كانت تعرف الا شويه انقليزي لكن ما شاء الله عليها استفادت من الوضع هناك بالمره
تعلمت ايطالي وكمبيوتر واتقنت الانقليزي ورجعت بشهايد فادتها هنا ان شاء الله تستفيدي من وضعك زيها
على العموم اختي الله يرد غربتك ويعجل برزقك بالذريه الصالحه اليوم قبل بكره واعذريني اذا ضايقتك بشئ

ريري ..

انتي وين مغتربه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كم لك متزوجه ؟ وهل عندك عيال ؟؟؟؟

ماتجتمعون مع السعوديين ابد ؟؟

عندي لك حلول ان شاءالله بس خلني اعرف وضعك بالاول ..