حياكم الله على مائدة أفطار تينه المتينه .......!

أخواتي لازم مع هذي الكبسة دقوس كويتي هو مايبيلة شي تجبين مقلة عميقة تحمسين فيها البصل ومعجون الطماطم وكركم وبهارات وبعدين تحطين علية عصير الطماط ( تكونين عاصرتة في الخلاط) وتخلينة حتى يتماسك ...........
وهذا هو الطبق الرئيسي لكن عندنا مانستغني عن التشريب وهو عبارة عن مرق أي نوع خضار, لحم, دجاج , وبما أن المحمر دجاج نسوي المرق خضار تحمسين البصل مع شوية بهارات ومكعب ماجي ومجموعة من الخضروات مثلا فاصوليا خضراءجزر بازاليا وأنا أستخدم الجمدة الي تجي بأكياس, ممكن تحطين كوسا أو باذنجان , حتى يتجانسو تحطين معجون الطماط
بعدين عصير الطماطم وتخلينة يطبخ على النار ,,,, تقطعين خبز التنور مربعات وتشربينة المرق .....وتقدمينة وبالعافية :o:23:
ولازم نكمل بسيدة السفرة الرمضانية وهي الشوربة شرايكم نسوي شوربة العدس يمييم
كوبين عدس
4كوب ماي
5 أكواب سلق مفروم( نوع من أنواع الخضارالورقية )
1ملعقة ثوم مفروم
1كوب طماطم معصور
ملعقة معجون , مكعب خضار ,ملح ,كركم , فلفل أسود
1/2 كوب تمر هندي (الصبار)
1/4 كوب زيت ذرة
الطريقة : تسلقين العدس ثم يخلط بالخلاط الكهربائي لمدة 1/4 دقيقة فقط أنتبهوا دقيقة !
تحمسين الثوم والبصل ثم الطماطم ويقلب لمدة دقيقتين ثم يضاف البهارات ومعجون الطماط
تحطين بعدين السلق المفروم حيى يذبل ثم يضاف العدس وعصير التمر الهندي ةتخلينة يغلي
1/4 ساعة وتقدمينة بالعافية

يعطيك العافيه
لذيييييييييييييييييييذ:26: :26:

بصراحة مرة عجبني محمر الدجاج ...

لكن للأسف احس الطريقة مب واضحة .. يعني ما عرفت الدجاج مسلوق ولا لا .. مو مذكور في الطريقة .. لكن بعدين مكتوب ناخذ ماء الدجاج ..

والشي الثاني اني مستحيل تقريبا اسوي طبق ما شفته ولا ذقته بحياتي اذا كانت المقادير عايمة ومو مذكورة ..وخوصوصا لو كانت البهارات ايضا غير محددة .. فالكثير من الأطعمة سرها في بهاراتها ..

رجاء أختي اذا ما عليك أمر تكتبين لي المقادير بوضوح :(

بقايا جرح مشكورة ياعمري على الرد ماقصرتي
المقبلات :شرايكم نسوي فطاير مقلية ....... حلوة مو جذي باين علي بخليكم مزروعين بالمطبخ ههههههههخخخخ
بس كلة يهون لجينا ناكل ههههههههههههخخخخخخخخ.
المقادير : 4كوب طحين
4م ك حليب بودر
3 م ك سمن
1م ص سمن نباتي
1/2 م ص خميرة
1/2 م ص Bp
كوب ونصف ماء
م ص ملح ...... الطريقة : تنخل المكونات الجافة ثم تضاف السمنة والماء وتعجن حتى تصير عجينة طرية وتتركينها حتى تتخمر . ثم تحشى وتقلى بزيت وسلامتكم
والحلو اللقيمات مممممممممم وطريقتي مثل طريقة أم خالد الله يذكرها بالخير ويعطيها العافية
ترى هي وايد مضبوطة وأذا ما قريتوها أكتبها لكم ok...
وحلى بعد الفطووووووور :



عبارة عن







كيكة فظيعه






يسلام على طعمها




المقادير كيك سويرول .................................. الطبقة الاولى
قيمر + كريم كراملة + دريم ويب = تخلط باليد بواسطة الملعقة ................ الطيقة الثانية
ندخلها الثلاجة


رمان مفرق عن بعض ترشينة على ( حبات الرمان ) الطبقة الثانية ................. الطبقة الثالثة

جلي أحمر بنكهة الكرز تسوينة مثل مو مكتوب على الكرتونة ةتضيفين نصف المقدار على الطبقة الثالثة
ختى تتجمد تم تصيفين الباقي ..................................................... الطبقة الرابعة
أنشاالله يعجبكم فطوري ويكون عند حسن ظنكم :26: :26:

ياسمينة حياتي أنا كاتبة بعد ماتحمسين الدجاج تحطين ماي في الجدر وتتركينة الى أن ينضج يعني الى أن ينسلق
وحبيتي أسفة أني ما كتبت بتفصيل, البهارات ألي أنا أستخدمها عادية المشكلة , ودارسين وكركم ومكعبات ماجي ونومي مطحون ........... والطريقة على حسب كمية الدجاج والعيش .... ,اقولج على شي سهل مثل ماتسوين الكبسة الخليجية العادية .......بس الاختلاف حمسة السكر والمعجون والدارسين المطحون هو الي راح يخلي لونها موأصفر
بني محمر ونسميها محمر وسلامتك ..............وهي سهلة وايد واذا مافهمتي أكتب الطريقة بالتفصيل ........ولا يهمك حياتي :26: :26: :cook: