مشكوره اختي فاطمه الزهراء

الله يوفقك دنيا و اخرى يارب


انتي تعالجتي عندهم او تعرفين احد تعالج عندهم ؟ لانه عندي اسال كثيره


بنسبه للمواعيد قبل كم تقريبا احجز ؟



يعني قبل شهر او كيف ؟؟

وياليت تعطيني ارقامهم واذا امكن رقم الدكتوره رجاء << موبايل

وكم تقريبا احتاج مبلغ لدخله الاولى والتحاليل؟ والدخله الثانيه ؟ ياليت التفاصيل اذا امكن ^_^ اسفه طولت عليج بس ان بامس الحاجه للاجوبه


:)

السلام عليكم ورحمة الله وبركاتة
اختى العزيزة رروامس انااعرف بنات كثير راحو المركز وحملو فى توام وعقبلنا جميعا بس انا لسة مروحتش
اولا الحجز يعنى قبلها بشهرين انتى ممكن تتصلى وتقللهم انك هتيجى من السعودية وعايزة ميعاد ضرورى وهيحددولك الميعاد وتيجى علية وربنا يكرمك ان شاء الله
اما بالنسبة للتكلفة فانا اعرف ان اطفال الانابيب تتكلف حوالى عشرة الف بالادوية تقريبا اما التحليل على حسب الى هيطلب منك يعنى مش كلة زى بعضة وانتى لو عملة تحليل قريبة او اشعة هتيها معاكى
وهذا رقم تليفون المركز 25254944
وانا تحت امرك لو عايزة تحجزى ابعتيلى على الخاص اسمك ورقم تليفونك وكل التفاصيل وانا احجزلك وتشرفينا فى مصر ام الدنيا وان شاء الله يكون وشنا حلو عليكى
ربى لا تذرنى فردا وانت خير الوارثين

إزيكم يا بنات وحشتوني قوي
عاملين إيه كلكم واحدة واحدة
أنا الحمد لله بخير وكويسة لسة معنديش جديد في موضوع نزولي مصر
المهم إدعولي إن الأمور تمشي على خير العملية الجديدة أحسن الدنيا ملخبطة معايا شوية


أما بالنسبة لرروامس
أنا عملت عمليتين أطفال أنابيب عند الدكتور أبو الغار وأنا مقيمة في الكويت
كنت بقوم بمراسلتهم علي الميل بتاعهم وهما كانوا كويسين وبيردوا بسرعه ومهتمين بصراحة
وفضلت متابعة معاهم لحد ما حددولي معاد نزولي مصر وفعلا نزلت قبل معاد العملية بثلاث أسابيع فقط
وكل التحاليل اللي كانوا بيطلبوها كنت بعملها عندي وأبعتلهم نتيجتها
حتى علاج العملية نفسه إبتديت فيه هنا وزي ما قلتلك نزلت في الوقت اللي هما حددوه ليه

المهم هو فعلا المركز كويس جدا ونسبة النجاح فيه عاليه
وأنا أعرف ناس كتير راحوا وربنا أكرمهم معاهم
لكن أنا ربنا مأرادليش إني أحمل معاهم في المرتين
بس للأمانة مؤخرا دكاترة كتير قوي وهما ثقة بالنسبة ليه نصحوني بعدم تكرار العمليه عندهم
وقالوا إن أصبح هناك مراكز أكتر تقدما من المركز ده وإن نسب النجاح عندهم أعلى
وإن نوعا ما الأساليب اللي بيستخدموها قدمت وإن الدكتور أصبح غير متفرغ للمركز زي زمان
ونصحوني بمراكز تانية أغلبهم أجمعوا على مركز إسمه جنين للدكتور حسام زكي
وهو ده اللي أنا بحاول أراسلهم دلوقتي و***** الله أعمل العملية الثالثة عندهم

وعموما صلي إستخارة وأدخلي على موقع المركزين إستكشفيهم وربنا يوفقك للي فيه الخير
ولو عايزة أي إستفسار أنا تحت أمرك

ياااااااااري ااااااااااحريم يالله انا عايزة دعواتكم معاي لاني انا حاليااااااااااااا في مصر واستعد لعملية الحقن المجهري ومتابعة مع الدكتور حسام زكي وهو فعلااااا اسان رااااااااااااااائع بكل معنى الكلمة والحمد لله ارتحت معها كثير وان شاء الله احمل ياااااااياااارب .....

على فكرة مصر نستني في موضوع العملية والحمل يعني جوهم حلو مرة وكثير مريح من ناحية الطقس .................

السلام عليكم ورحمه الله وبركاته

كل البنات ازيكم يا حبيباتى اتمنى الكل يكون بخير .. ربنا يوفقكوا فى تعبكوا مع الدكاترة ده اللهم آمين ويجيبوا بفايدة .. احب اذكركم بصيام الايام التسع الاولى من ذى الحجه واللى ابتدوا امبارح السبت وكل سنه وانتوا طيبين . .. معلش الظاهر دوامه الدكاترة اخدتكوا اكتر من اللازم ونسيتوا تعيدوا على بعض<زى ما كنا متعودين زمان> وتفكروا بعض ب الصيام والاكثار من التقرب الى الله بالدعاء خصوصا ان الايام دى افضل ايام الدنيا و الدعاء فيها مستجاب بأمر الله وكل سنه وانتوا طيبين والسنه الجايه ربنا يكرمكم بالذريه الصالحه جميعا يارب العالمين .. تحياتى للجميع :27: