رمـــــال :

السلام عليكم ورحمه الله وبركاته كل البنات ازيكم يا حبيباتى اتمنى الكل يكون بخير .. ربنا يوفقكوا فى تعبكوا مع الدكاترة ده اللهم آمين ويجيبوا بفايدة .. احب اذكركم بصيام الايام التسع الاولى من ذى الحجه واللى ابتدوا امبارح السبت وكل سنه وانتوا طيبين . .. معلش الظاهر دوامه الدكاترة اخدتكوا اكتر من اللازم ونسيتوا تعيدوا على بعض<زى ما كنا متعودين زمان> وتفكروا بعض ب الصيام والاكثار من التقرب الى الله بالدعاء خصوصا ان الايام دى افضل ايام الدنيا و الدعاء فيها مستجاب بأمر الله وكل سنه وانتوا طيبين والسنه الجايه ربنا يكرمكم بالذريه الصالحه جميعا يارب العالمين .. تحياتى للجميع :27:

السلام عليكم ورحمه الله وبركاته كل البنات ازيكم يا حبيباتى اتمنى الكل يكون بخير .. ربنا...

فاطمة الزهراء912 :

بسم الله الرحمن الرحيم والله عندك حق يا رمال احنا فعلا الدنيا والدكاترة شغلتنا ربنا يكرمك على التذكرة ويجعلة يا رب فى ميزان حسناتك وانتو يا بنات روحتو فين تنضيف الشقق اخدكو ولا اية :39::39::39:

بسم الله الرحمن الرحيم والله عندك حق يا رمال احنا فعلا الدنيا والدكاترة شغلتنا ربنا يكرمك على...

muslima627 :

إزيكم يا بنات وحشتوني قوي عاملين إيه كلكم واحدة واحدة أنا الحمد لله بخير وكويسة لسة معنديش جديد في موضوع نزولي مصر المهم إدعولي إن الأمور تمشي على خير العملية الجديدة أحسن الدنيا ملخبطة معايا شوية أما بالنسبة لرروامس أنا عملت عمليتين أطفال أنابيب عند الدكتور أبو الغار وأنا مقيمة في الكويت كنت بقوم بمراسلتهم علي الميل بتاعهم وهما كانوا كويسين وبيردوا بسرعه ومهتمين بصراحة وفضلت متابعة معاهم لحد ما حددولي معاد نزولي مصر وفعلا نزلت قبل معاد العملية بثلاث أسابيع فقط وكل التحاليل اللي كانوا بيطلبوها كنت بعملها عندي وأبعتلهم نتيجتها حتى علاج العملية نفسه إبتديت فيه هنا وزي ما قلتلك نزلت في الوقت اللي هما حددوه ليه المهم هو فعلا المركز كويس جدا ونسبة النجاح فيه عاليه وأنا أعرف ناس كتير راحوا وربنا أكرمهم معاهم لكن أنا ربنا مأرادليش إني أحمل معاهم في المرتين بس للأمانة مؤخرا دكاترة كتير قوي وهما ثقة بالنسبة ليه نصحوني بعدم تكرار العمليه عندهم وقالوا إن أصبح هناك مراكز أكتر تقدما من المركز ده وإن نسب النجاح عندهم أعلى وإن نوعا ما الأساليب اللي بيستخدموها قدمت وإن الدكتور أصبح غير متفرغ للمركز زي زمان ونصحوني بمراكز تانية أغلبهم أجمعوا على مركز إسمه جنين للدكتور حسام زكي وهو ده اللي أنا بحاول أراسلهم دلوقتي و***** الله أعمل العملية الثالثة عندهم وعموما صلي إستخارة وأدخلي على موقع المركزين إستكشفيهم وربنا يوفقك للي فيه الخير ولو عايزة أي إستفسار أنا تحت أمرك

إزيكم يا بنات وحشتوني قوي عاملين إيه كلكم واحدة واحدة أنا الحمد لله بخير وكويسة لسة معنديش...