kokar_2001
kokar_2001
ربنا يكرمنا جميعا يا رب
مميزات
مميزات
ايه يا بنات انتو حتسيبو الموضوع ولا ايه

شيمولاتا انتى فين ؟؟
كنتى بتسالى هل يحدث حمل مع التكيس ؟
انا كان عندى تكيس والحمد الله حملت بس مهم اوى لو كنتى سمينة تخسىالى الوزن المثالى وكمان امشى كل يوم نص ساعة
علشان التكيس بيخالى الدهون تتركز اسفل البطن
وكمان لازم تاخذى جلوكوفاج قبل التنشيط لمدة 6شهور ده مهم اوى علشان يحسن استقبال البويضة ويخليها صالحة للاخصاب
وربنا معاكى يا جميل

يا بنات ياريت ما تسيبوش الموضوع علشان يستمر التجمع والكل يستفيد وكمان نحس ونشارك بعض فى مشاعرنا
ونحكى ونفضفض لبعض
والله يا بنات انا قلت اروح لقسم الحمل والولادة بس ماعجبنيش لانى حبيت القسم ده لانه فادنى كتير وكمان حبيت التجمع ده
علشان كده حفضل معاكم على طول لحد ما نختار اسامى عيالنا مع بعض
شيمولاتا
شيمولاتا
مميزات ياحبيبتى معلش انهارده نفسيتى تعبانه شوية رحت عملت تحاليل هرمونات لإن النهارد تانى يوم الدورة قلت اطمن على هرمون الحليب احسن يكون ارتفع تانى انا بس مندهشة ده تالت شهر باخد جلوكوفاج وحمض الفوليك وكلوميد وتابعت تبويض الدكتورة قالتلى بويضتين واحده 18 والتانية 21 وسبحان الله ربنا مقدرش حمل بس انا مش عارفه أخس وزنى 69 وطولى 161 بس انا بفكر اعمل أشعة صبغة ومترددة انتى رأيك ايه يامميزات مشكلتى انى فى الامارات من سنة ونص ومش عايزة ارجع مصر الا اما ربنا يكرمنى بالحمل عشان نفسيتى متتعبش من كلمة كده ولا كده أنتى عارفه بقى بس بصراحة ماما وحشتنى قوى وبفكر انزل مصر للدكتورة رجاء منصور ادعولى
مميزات
مميزات
ازيك يا جميل
انا كنت باخذ جلوكوفاج لمدة6شهور من غير اى منشيطات وكانت الدكتورة رافضة تماما لغاية لما اخلص 6شهور
وكانت بتقول انى البويضة بتكون غير صالحة للاخصاب حتى لو حجمها كويس
وانا اول شهر بعد ما خلصت 6شهور اخذت منشيط والحمد الله حملت فى نفس الشهر
اما بخصوص الكلوميد انا اخذته قبل كده وماكنش نافع معايا وانا اعرف انه لمدة 6شهور بس وبعدين لازم يتغير وتستعملى ابر منشطة وكمان ابر تفجيرية بعدها

اما بخصوص الرجيم انتى وزنك مش زائد اوى يعنى ممكن شهرين وتنزلى لو عاوزة اكتبلك الرجيم اللى انا استعملته انا تحت امرك
اما التاس وكلام الناس فاسيبك منهم خالص اللى مش عجبه يشرب من البحر وهو احنا نملك من نفسنا ايه ولا حنعترض على قدر الله
ويكون فى علمك كل اللى بيقول كلمة وحشة بتتردله
انا عاوزاكى اول لما حد يضيقك تقولى حسبى الله ونعم الوكيل وحتشوفى ربنا حينصرك عليهم ازاى
انزلى مصر وزورى اهلك وامك وخاليها تدعى لك واستمرى على الجلوكوفاج واحجزى د/رجاء وكملى معاها العلاج وهى حتطلب منك
اللى هى محتاجة سواء كان اشعة صبغة او تحاليل
احجزى عندها من دلوقتى علشان ماتضيعيش وقت
ربنا معاكى يا جميل
وعد محمد
وعد محمد
اختى مميزات عندى سؤال ازاى نحجز عند الدكتوره رجاء

بالتليفون و لا لازم نروح

و ارجوكى اكتبى الرجيم هنا علشان الكل يستفيد

و ربنا يفرح بالمولود و يجعله من الصالحين