اه نسيت اقول لكوا .. دلوقتى اللى يدخل يرد ياريت يتكلم فى اطار الموضوع يعنى مش عايزين نغير الموضوع الا لما نخلصه علشان التشتت اللى بيحصل وكمان ياريت اللى يحب يعلق على المشاركات يستنى بعد ما كل اللى عايز يتكلم فى الموضوع يتكلم ولما كلنا نخلص سرد للعيوب دى ناخد مشاركه ورا التانيه ونعلق عليها علشان نبقى كلنا اتكلمنا فى مشاركاتنا بنظام وكمان ساعدنا بعض اننا نلاقى حلول لعيوبنا دى . اتفقنا يا بناتيت ؟؟
ام هيبا
•
بنات السلام عليكم ورحمة الله وبركاته
شدني عنوان الموضوع واشكر الاخت صاحبته
اريد منكم خدمة يابنات مصر الله يخليكم انا ان شاء الله مسافره الاسكندرية
وياليت لو تعرفون افضل الاطباء والمراكز هناك للحقن المجهري ...
ي
ولو ماتعرفون اسألوا اقربائكم الله يخليكم استناكم ياحبايب
الله يستر عليكم دنيا واخره واشكركم مره اخرى على هالموضوع
شدني عنوان الموضوع واشكر الاخت صاحبته
اريد منكم خدمة يابنات مصر الله يخليكم انا ان شاء الله مسافره الاسكندرية
وياليت لو تعرفون افضل الاطباء والمراكز هناك للحقن المجهري ...
ي
ولو ماتعرفون اسألوا اقربائكم الله يخليكم استناكم ياحبايب
الله يستر عليكم دنيا واخره واشكركم مره اخرى على هالموضوع
أولا ...أهلا بأختنا أم هيبه...و انا من القاهرة و معرفش حد فى اسكندرية ...لكن حبيت بس أدعيلك ربنا يوفقك و يكرمك
أما أختى رمال...فانا معاكى اننا منفتحش موضوع جديد الا لما نخلص الموضوع القيم ده ..ز كمان بعد ما كلنا نسرد العيوب لاوم نسمع رأي بعض واللى عنده نصيحة لتصليحها ...علشان نبقى استفدنا من الموضوع ده و ميبقاش مجرد رغى...
لكن اللى انا مش متفقة معاكى فيه هو ارجاء التعليقات لحد ما كلنا نخلص ...ليه؟ لأن فيه ناس مشغولة و ناس مسافرة و غيره....فبالتالى الموضوع ممكن ينام...فأنا رأيي اننا نناقش اللى اتكلم فيما ذكر...لحد ما ييجى حد تانى و يتكلم ....
لكن اللى انا مش متفقة معاكى فيه هو ارجاء التعليقات لحد ما كلنا نخلص ...ليه؟ لأن فيه ناس مشغولة و ناس مسافرة و غيره....فبالتالى الموضوع ممكن ينام...فأنا رأيي اننا نناقش اللى اتكلم فيما ذكر...لحد ما ييجى حد تانى و يتكلم ....
الصفحة الأخيرة
انا جيت تانى علشان اقر واعترف اهه وناويه ادخل فى الموضوع دغرى .. بس نتفق الاول على انى هقول عيوب بس ومش ناويه اقول مميزات لانى مش مقتنعه بالبند ده فى الموضوع اوكيه ؟
انا بقه عيوبى كتييير بس اكيد فى عيوب اقدر اكلمكوا عنها وخلى الباقى مستور الهى يستر عرضكوا :pinklove:
اولاا : انا مقصرة فى حق ربنا كتييير اوى وفى حق قرايبى مش بسأل عليهم باستمرار بجد وده مأنب ضميرى بس فى المناسبات بحاول انى اصل رحمى وكنت اتمنى انهم يبقوا فى نفس البلد اللى انا فيها.. وبرده انا مقصرة فى حق ناس اصحابى كتير ومش بسال عليهم على طول للاسف بس هحاول اسال على كل الناس
ثانيا : العصبيه لكن فى حالات محدده جدا او بمعنى ادق حاجتين همه اللى بيعصبونى و فيهم عصبيتى بتبقى زى العاصفه والحالات دى هى .. نمرة واحد لما بتظلم اوىى ومبعرفش اتكلم وادافع عن نفسى والاقى الناس ساعتها بتحط للغلطان اعذار وهمه عارفين انى على حق ساعتها بكون فى قمه انفعالى حقيقى مع انهم مش بيحطوا لى العذر ده لما بغلط اقل غلط وده اللى بيجننى اكتر وساعات العصبيه تبقى جوايا بس الدموع نازله على خدى لانى ما عرفتش اعبر عن نفسى فى المشكله .. بس طبعا بتعصب بأدب ومن غير اى غلط بالكلام ولله الحمد ..ونمرة اتنين الاهمال ... ونمرة تلاته الاهمال برده لانى منظمة جدا فى بيتى وفى حياتى وبحب كل حاجه بنظام حتى زيارات الناس مش بحب الناس تجيلى فجأه بموووووت من الموضوع ده ونفسى الناس تتعلم تستأذن زى ما النبى امرنا .. كمان ممكن اتعصب لما انضف الشقه وزوجى يبهدلهالى (اوعوا تفتكرونى مجنونه) بس ده بجد بيعصبنى مووووت .. لكن غير كده بقه رفايع مش بتعصب فيها لا بكبر نفوخى
ثالثا : انا عكس اشتقت اليك ونيفو خالص انتوا الحذر عندكوا عيب انا عندى عدم الحذر هو اللى عيب (وده المنطقى طبعا) يعنى مش بحط فى بالى انى ادرس البنى ادم اول مرة اشوفه لا انا بتكلم مع الناس وبحب اعرف ناس ومش من النوع اللى بخاف منهم ولابكون حريصه وده بيوقعنى فى ناس احيانا كويسين لكن فى احيان تانيه بيوقعنى فى ناس انتوا عارفينهم بقه .. وباخد مقالب للركب بقه بس ربنا بيلهمنى والحق نفسى فى الوقت المناسب
رابعا بقه : انى فى زعلى وحشه اوى يعنى لما بحب حد جدااا بياخد عينى لو طلبها وبيبقى نفسى معاه طويل وبسامحه بشكل ممكن يخلى ناس تستغرب انا بعمل ده ازاى وليه .. لكن لما بوصل لمستوى معين عنده مبقدرش اشوفه حتى ولا اسمع صوته وبيبقى القرار ساعتها البعد عنه الى الابد.. الى الابد.. الى الابد ..:icon35: وبلا رجعه ومش بيكون ليه اى فرصه معايا مرة تانيه .. وبالمناسبه ده حصل معايا فعلا
خامسا : الصراحه بس بغباء (معلش اسمحولى اشتم شويه) يعنى انا لما حد بيطلب رأيى فى موضوع بقول بصراحه ومبعرفش ازوق كلامى بقول رايى حتى لو فى اخواتى حتى لو فى امى (وده بيزعل امى منى جدا ) يعنى بصارح اللى قدامى باللى فيه لو فيه حاجه انا مش راضيه عنها بس طبعا بقول لكل واحد فى وشه مش بتكلم عليه مع حد تانى وده موقعنى الايام دى فى مشاكل مش عارفه اخلص منها .. لكن فى الاخر كله على الله
سادسا : بطبيعتى بعشق حاجه اسمها خصوصيه ومش بحب التطفل وبعتبر اى سؤال فى حاجه تخصنى اوى من اى حد حتى لو كان قريب تطفل :01: .. يعنى طالما مش اديت للى قدامى الصلاحيه انه يتكلم فى حاجه تخصنى مش من حقه يتجاوز حدوده ويسأل عنها ابداااا مهما كان .. وبلاقى نفسى ساعتها زى المدفع الرشاش وده طبعا بيزعل ناس منى بيبقوا عشمانين فيا بس للاسف ده طبعى ونفسى اتغير وابقى مرنه اكتر من كده
سابعا : مبحبش احط اعذار للناس اكتر مما يستحقوا يعنى مبحبش المبررات وخلاص الغلطان عندى غلطان من غير اى عذر :icon29: لكن اللى يستحق العذر اكيد بيكون ده حقه وبياخده يعنى من الاخر يا ابيض يا اسود مفيش رمادى فى الموضوع ده
ثامنا : مبقبلش الاسف ومش بحب حد يعتذر لى وده مش معناه انى مش بقدر الاسف لا طبعا .. بس لو زعلت من حد المساله مش بتنتهى عند كلمه اسف لكن بتتحل بالنسبه لى فى حاله واحده اللى هى ان الغلط ما يتكررش تانى ابدااااااااااا لان اصلا الواحد ممكن يغلط ويعتذر ويكرر غلطه تانى ويعتذر فا الحل ان الغلط يتنهى بدون ما يتكرر وللاسف انا بحس انى لوحدى اللى بطبق المبدأ ده لكن ما لقتش حد مبيكررش غلطه:06:
تاسعا : بحب الناس تعاملنى زى ما بعامل الناس بالظبط تماااااااااااااام .. يعنى لو عاملت حد كويس وعاملنى وحش بكتئب جدااا واقول الف لييييييييييييييييييه مع ان الناس غير بعضها وده معروف والناس متقلبين وزى ما فى كويسين فى وحشين بس بقى تقولوا ايه مخ صعيدى وبدخل ساعتها فى مود مهبب بعيد عنكوا:icon810:
عاشرا : لو صدر منى حاجه مش تمام ومتصحش فى حق حد بفضل اعذب نفسى واسهر طول الليل افكر فى الحاجه دى واجيب الشريط من اوله لاخرة واعيده بتاع الف مرة لحد ما اتعب وانام وبفضل على الحاله دى فتره لحد ما ربنا ينسينى زى ما برده لما بزعل مع حد بفضل افكر وامسك نفس الشريط وافضل اعييييييد فيه لحد ما اتعب بجد مع ان الموقف ممكن يكون بسيط ومش مستاهل او الشخص نفسه يكون ما يستاهلش :confused:
وفى حاجه كمان .. انى مبعرفش اجامل بالكلام خااالص .. مثلا انا مدايقه انى مش بقعد ادلع حماتى بكلام كده زى ما بشوف ناس واخدين قلب حمواتهم .. بس بحاول اترجم ده فى افعال تحسسها بحبى ليها مثلا بحاول اساعدها فى اللى اقدر عليه اعمل لها اى خدمه تطلبها منى بس مبعرفش اقعد األف قصايد شعر زى زى ما بسمع مع ان ده حقها برده عليا ونفسى اتعلم بصراحه ازاى يبقى كلامى احلى مش معاها بس لا مع باقى الناس اللى بحبهم :rolleyes:
اخر حاجه انى بقعد اعيد وازيد فى الكلام وافضل افسر فيه علشان اللى قدامى يستوعب وبحس انى برده ما عرفتش اوصل اللى اقصده يعنى احيان كتر مبعرفش اطبق مقوله " ما قل ودل" واكيد ده واضح جداااااا فى المشاركة دى :3_3_103:
وفى النهايه احب اقول لكوا ان الايه " افمن ينشؤ فى الحليه وهو فى الخصام غير مبين " فعلا تنطبق على كل واحده فينا سبحان الله لو دورنا كلنا على عيوبنا هنلاقى عيب مشترك عندنا كلنا اللى هو اننا فى الخصام يعنى المشاكل مبنعرفش نبين وجهه نظرنا علشان كده بنتعصب او فى مننا بيسكت كل حسب طبعه .