و على فكرة انا فى انتظار نصائحكم فيما يخصنى....
لكن اسمحيلى يا رمال انا ليا بعض التعليقات على ما كتبتى....فيه حاجات باحييكى عليها جدا و حاجات تانية أنا مش معاكى فيها خالص...
واضح انك شخصية واضحة و حاسمة و تتمتعى بقدر كبير من الشفافية و الطيبة...وده اللى بيخليكى بتزعلى أوي من الإساءة....لكن برضه حسيت من كلامك انك من النوع اللى معندوش طاقة لسمع الكلام الكتير و خصوصا فى حالة الأعذار...
فبالتالى من الحاجات اللى باحييكى عليها هى الصراحة و عدم المجاملة و الرغبه في تفسير الامور للناس لا ده بيريح اللى قدامك حتى لو تضايق من الاعادة، و التلقائية و حب الخصوصية ....(لكن تعليقى الوحيد انك حاولى تدخلى قدر من المرونة فى هذه الامور...علشان متخسريش حد كان قصده خير لكنه لم يجيد التعبير...و كمان علشان لما تحبى توقفى حد عند حده توقفيه بهدوء من غير ما تؤنبى نفسك بعد كده )
و بالنسبة للعصبية فده شئ طبيعى و كلنا بتعرض ليه..بل بالعكس انا باعتبر ده و سيلة الواحد ينفس بيها عن غضبه علشان ميبتش و هو مفروس (و بصراحة من ساعة ما بقيت باخلص حقى أول بأول و مبكتمش اي انفعال و انا بقيت فى قمة الروقان) :27:
لكن اسمحيلى أقولك ان موضوع يا ابيض يا اسود بدون المرونة الكافية بيكون صعب أوي و ممكن يخسرنا ناس كتير....لعلمك انا زيك شوية فى الموضوع ده...لكن اتعلمت انى ماتسرعش علشان ماخسرش حد كويس و أمين....لان الناس ديه بقت قليلة أوي فى الزمان ده...
يعنى بصراحة اللى أنا خايفة عليكى منه هو انك لو حبيتى حد و جرحك ..انا حاسة انك ممكن يكون ليكى رد فعل عنيف شويه وممكن ده يمتد لحد تانى غير صاحب المشكلة...فحاولى يا حبيبتى انك تفزغى انفعالك لوحدك و تدي نفسك فرصة للتفكير فى الامر بهدوء...و تشوفى اللى غلط ده كان قاصد فعلا و لا لأ...و ميمنعش انك تسأليه عمل كده ليه...ده هيبين حاجات كتير....و لو ثبت انه غلطان يبقى يروح بلا رجعة و غير مأسوف عليه كمان...و لو ثبت غير كده...يبقى مظلمناش حد...
أنا باقولك كده ليه...لانى ساعات كنت باعمل زيك...و طلع ان فيه ناس تستاهل...لكن اللى كان قاسى عليا انى ظلمت البعض...و ما أدراكى لما تباتى بالليل و انتى حاسة انك ظلمتى حد أو حتى أساتى لحد بتسرع...فبالتالى نخليها علينا و ننتظر شويه علشان لما ناخد قرار منندمش عليه (أنا باقولك الكلام ده عن تجربة...و فعلا حاولى و مش هتندمي)
و على فكرة موضوع الصراحة ده بالرغم انك شايفاه عيب بس أنا باحييكى عليه...لان أنا عكسك شوية...مبقدرش أبدا اقول رأي أحس انه هيجرح حد...فبقعد الف حواليه علشان أوصل المعنى بأخف الطرق...لكن ده بيوقعنى فى مشكلة عدم الحسم فى بعض الأمور (يعنى لو واحد كذاب قدامى وواضح وضوح الشمس..اتكسف اقوله انت كذاب...لكن ممكن أقوله يا ريت تقول الحقيقة مع انى باكون باتمنى انى اقدر اقولهاله كده فى وشه:42:) ...لكن بصراحة ده بينفعنى مع الناس الكويسة انى ماجرحهاش ....علشان لو خلطونا انا و انتى مع بعض هيطلعوا اتنين عاقلين شويه :39:
و معلش انى طولت عليكى شويه لان كلامك فكرنى بواحدة كانت صاحبتى بس بعدنا عن بعض لأسباب مشابهة لبعض ما ورد فى مشاركتك.. و بالتحديد نقطة عدم السمع و عدم قبول الأعذار...فعلشان كده أنا حطيت نفسى مكان الطرف الآخر و باكلمك من وجهة نظره...عارفة...هاقولك على موقف...صاحبتى ديه حضرت كل مناسباتى (خطوبة و كتب كتاب و فرح و سبوع ابنى)..وانا حضرت خطوبتها...و لما عزمتنا على كتب كتابها و فرحها....كان الاتنين بينهم اقل من شهر...و كنا فى عيد و مضغوطين انا و جوزي أوي...و جاتلنا فرصة سفر للترفيه و مكنش ينفع تأجيلها لان جوزي مكنش هينفع ياخد اجازة تانى و لانى انا كنت داخلة على شغل جديد ومينفعش فى اول الشغل اطلب اجازة...المهم قررت انى اسافر و ماحضرش كتب الكتاب...لكن أعوضها بانى احضر الفرح و اروح اباركلها فى بيتها...و لما روحنا الفرح مش عايزة اقولك قلبت بوزها عليا من اول ما شافتنى...فده خلانى ماروحش اسلم عليها فى وسط الناس وشاورتلها من بعيد و استنيت لما الدنيا هديت ...عايزة اقولك اننا لمل جينا نسلم عليها...جوزها سلم علينا و هى راحت لفت وشها الناحية التانية و مسلمتش....طبعا موقف زبالة و روحنا سيبنالهم الفرح و مشينا..و ده خلانى مرضيتش اتصل بيها اعرف مالها لانى محبش حد يعاملنى كده مهما كانت اسبابه...عايزة أقولك انها بعد كده اشتكتنى لحد من أصحابنا و قالت انى لما شفتها فى الفرح مفكرتش انى اقرب و ابوسها علشان كده زعلت)...يعنى هى عقدت الموقف برد فعلها المتسرع و عدم رغبتها فى السمع...
طبعا انا حاسة انك اطيب منها كتير و فعلا بحبك فى الله علشان كده قلتلك و جهة نظري و أهمها نسمع الناس الاول و بعدين نحكم....و فى انتظار تعليقاتكم
أختى مسلمة.....الحمد لله انك طمنتينا عليكى...و ان شاء الله توصلى مصر بالسلامة و تكون التالتة تابتة.....و يمن الله عليكى بالتوأم اللى يقروا عينك و قلبك ان شاء الله....بس متنسيش تبقى تدخلى تطمنينا عليكى كل ما الظروف تسمح...
عايزة اقولك حاجة...انا متفائلة جدا بتجمعنا ده...و حاسة ان هيبقى وشه حلو علينا كلنا ان شاء الله ...و بكره تقولوا...
عايزة اقولك حاجة...انا متفائلة جدا بتجمعنا ده...و حاسة ان هيبقى وشه حلو علينا كلنا ان شاء الله ...و بكره تقولوا...
الصفحة الأخيرة
وأنا هستأذنكم أخرج عن الموضوع الجميل ده ثانية واحده فقط
أنا بإذن الله مسافرة بكره جاية مصر بمشيئة الله
طبعا يمكن معرفش أدخل على النت كتير يعني كل أسبوع مرة :(
هتوحشوني قوييييييييييييييييييييييييييييي
أسألكم الدعاء لي لأني بإذن الله هعمل عملية طفل الأنابيب الثالثة المرة ده لو ربنا أراد
أما الموضوع بتاع العيوب ده جميل والله قوي
أنا إتفاجئت بيه ومش عارفه أقول عن نفسي إيه ولا إيه بلاوي والله ربنا يلطف
بس أكتر عيب هقولكم عليه لأني معنديش وقت خالص والله ورايا هم ما يتلم
العيب هو إني هاديه زياده عن اللزوم وقليلة الكلام جدا مع إني والله بيبقى جوايا كلام كتير عايزة أقوله وبرجع أندم إني مقلتهوش وبعض الناس بتفسر ده إني ضعيفه أو جاهله
لكن مؤخرا قررت أتغلب على العيب ده وبقيت نوعا ما لما الاقي حاجة محتاجة تعليق بالذات لو هتفيد حد بحاول أتكلم فيها
وعلى فكره أنا عكسكم تماما ومع ذلك شايفاه عيب وهو إني مبتعصبش بسهوله وبعض الناس بتفتكرني مكبره دماغي بس أنا مش كده والله أنا بحب الموقف الصعب ده يعدي من غير نرفزه علشان الدنيا متبظش أكتر وبعد كده أتكلم بهدوء
عموما ده نبزة مختصره عن عيوبي الكتييييييييييييييرة
ولو لقيت وقت إن شاء الله أدخل تاني اقولكم الباقي
وربنا يهدينا كلنا ويصلح شأننا يارب
محدش قال آمين:mad:
آمين آمين آمين