Neevooo
Neevooo
هي طمطومة فين يا بنات ؟
محدش شاف بنوتة زي القمر و دمها شرباااااااااااات و اسمها طمطم
مختفية من يوم 30 / 12 / 2008
و آخر مرة شافها الشهود كان الساعة 15.55
في المشاركة رقم 890 في شارع 89
نداء الى كل الوحدات
كل واحد يحط عينه في وسط راسه و لابد و حتما هيعرف خلاصه
:icon32: :icon32: :icon32:
مهمتنا البحث عن طمطومة في جميع المنتديات و يا ويلها لو عثر عليها في منتدى آخر غير منتدانا
:icon810: :icon810: :icon810:
انتهى
حوووووووووووووووول
Neevooo
Neevooo
النداء الثاني و يخص العضوة هابي مازر اللي اختفت هي كمان في ظروف ضلمة قصدي غامقة ييييه غامضة
و كان آخر ظهور ليها في يوم 29 / 12 / 2008
في الساعة 21.47
و في شارع 89 ايضا و لكن في مشاركة رقم 888
معلومات مهمة
قد تكون المدعوة هابي مازر تاهت في 8 من ال 3 888
او قد يكون شارع 89 مخرووووووووووووووووووووم
على جميع الوحدات تكثيف البحث عن الخرم المفقود لأنه هو اكيد اللي جايب لنا البرد دة
و بالمرة شوفولنا هابي مازر راحت فييييييييييييييييييين
Neevooo
Neevooo
يا بنات انا هفضل لوحدي كدة
الدنيا برد يا بنات
هفضل في الهو دة
الووووووووووووو
رمـــــال
رمـــــال
و على فكرة انا فى انتظار نصائحكم فيما يخصنى.... لكن اسمحيلى يا رمال انا ليا بعض التعليقات على ما كتبتى....فيه حاجات باحييكى عليها جدا و حاجات تانية أنا مش معاكى فيها خالص... واضح انك شخصية واضحة و حاسمة و تتمتعى بقدر كبير من الشفافية و الطيبة...وده اللى بيخليكى بتزعلى أوي من الإساءة....لكن برضه حسيت من كلامك انك من النوع اللى معندوش طاقة لسمع الكلام الكتير و خصوصا فى حالة الأعذار... فبالتالى من الحاجات اللى باحييكى عليها هى الصراحة و عدم المجاملة و الرغبه في تفسير الامور للناس لا ده بيريح اللى قدامك حتى لو تضايق من الاعادة، و التلقائية و حب الخصوصية ....(لكن تعليقى الوحيد انك حاولى تدخلى قدر من المرونة فى هذه الامور...علشان متخسريش حد كان قصده خير لكنه لم يجيد التعبير...و كمان علشان لما تحبى توقفى حد عند حده توقفيه بهدوء من غير ما تؤنبى نفسك بعد كده ) و بالنسبة للعصبية فده شئ طبيعى و كلنا بتعرض ليه..بل بالعكس انا باعتبر ده و سيلة الواحد ينفس بيها عن غضبه علشان ميبتش و هو مفروس (و بصراحة من ساعة ما بقيت باخلص حقى أول بأول و مبكتمش اي انفعال و انا بقيت فى قمة الروقان) :27: لكن اسمحيلى أقولك ان موضوع يا ابيض يا اسود بدون المرونة الكافية بيكون صعب أوي و ممكن يخسرنا ناس كتير....لعلمك انا زيك شوية فى الموضوع ده...لكن اتعلمت انى ماتسرعش علشان ماخسرش حد كويس و أمين....لان الناس ديه بقت قليلة أوي فى الزمان ده... يعنى بصراحة اللى أنا خايفة عليكى منه هو انك لو حبيتى حد و جرحك ..انا حاسة انك ممكن يكون ليكى رد فعل عنيف شويه وممكن ده يمتد لحد تانى غير صاحب المشكلة...فحاولى يا حبيبتى انك تفزغى انفعالك لوحدك و تدي نفسك فرصة للتفكير فى الامر بهدوء...و تشوفى اللى غلط ده كان قاصد فعلا و لا لأ...و ميمنعش انك تسأليه عمل كده ليه...ده هيبين حاجات كتير....و لو ثبت انه غلطان يبقى يروح بلا رجعة و غير مأسوف عليه كمان...و لو ثبت غير كده...يبقى مظلمناش حد... أنا باقولك كده ليه...لانى ساعات كنت باعمل زيك...و طلع ان فيه ناس تستاهل...لكن اللى كان قاسى عليا انى ظلمت البعض...و ما أدراكى لما تباتى بالليل و انتى حاسة انك ظلمتى حد أو حتى أساتى لحد بتسرع...فبالتالى نخليها علينا و ننتظر شويه علشان لما ناخد قرار منندمش عليه (أنا باقولك الكلام ده عن تجربة...و فعلا حاولى و مش هتندمي) و على فكرة موضوع الصراحة ده بالرغم انك شايفاه عيب بس أنا باحييكى عليه...لان أنا عكسك شوية...مبقدرش أبدا اقول رأي أحس انه هيجرح حد...فبقعد الف حواليه علشان أوصل المعنى بأخف الطرق...لكن ده بيوقعنى فى مشكلة عدم الحسم فى بعض الأمور (يعنى لو واحد كذاب قدامى وواضح وضوح الشمس..اتكسف اقوله انت كذاب...لكن ممكن أقوله يا ريت تقول الحقيقة مع انى باكون باتمنى انى اقدر اقولهاله كده فى وشه:42:) ...لكن بصراحة ده بينفعنى مع الناس الكويسة انى ماجرحهاش ....علشان لو خلطونا انا و انتى مع بعض هيطلعوا اتنين عاقلين شويه :39: و معلش انى طولت عليكى شويه لان كلامك فكرنى بواحدة كانت صاحبتى بس بعدنا عن بعض لأسباب مشابهة لبعض ما ورد فى مشاركتك.. و بالتحديد نقطة عدم السمع و عدم قبول الأعذار...فعلشان كده أنا حطيت نفسى مكان الطرف الآخر و باكلمك من وجهة نظره...عارفة...هاقولك على موقف...صاحبتى ديه حضرت كل مناسباتى (خطوبة و كتب كتاب و فرح و سبوع ابنى)..وانا حضرت خطوبتها...و لما عزمتنا على كتب كتابها و فرحها....كان الاتنين بينهم اقل من شهر...و كنا فى عيد و مضغوطين انا و جوزي أوي...و جاتلنا فرصة سفر للترفيه و مكنش ينفع تأجيلها لان جوزي مكنش هينفع ياخد اجازة تانى و لانى انا كنت داخلة على شغل جديد ومينفعش فى اول الشغل اطلب اجازة...المهم قررت انى اسافر و ماحضرش كتب الكتاب...لكن أعوضها بانى احضر الفرح و اروح اباركلها فى بيتها...و لما روحنا الفرح مش عايزة اقولك قلبت بوزها عليا من اول ما شافتنى...فده خلانى ماروحش اسلم عليها فى وسط الناس وشاورتلها من بعيد و استنيت لما الدنيا هديت ...عايزة اقولك اننا لمل جينا نسلم عليها...جوزها سلم علينا و هى راحت لفت وشها الناحية التانية و مسلمتش....طبعا موقف زبالة و روحنا سيبنالهم الفرح و مشينا..و ده خلانى مرضيتش اتصل بيها اعرف مالها لانى محبش حد يعاملنى كده مهما كانت اسبابه...عايزة أقولك انها بعد كده اشتكتنى لحد من أصحابنا و قالت انى لما شفتها فى الفرح مفكرتش انى اقرب و ابوسها علشان كده زعلت)...يعنى هى عقدت الموقف برد فعلها المتسرع و عدم رغبتها فى السمع... طبعا انا حاسة انك اطيب منها كتير و فعلا بحبك فى الله علشان كده قلتلك و جهة نظري و أهمها نسمع الناس الاول و بعدين نحكم....و فى انتظار تعليقاتكم
و على فكرة انا فى انتظار نصائحكم فيما يخصنى.... لكن اسمحيلى يا رمال انا ليا بعض التعليقات على ما...
صحيح يا بنات العلم نوووووووووورووووننن .. واكبر منك بيوم يعرف عنك بكام ساعه .... حبيبتى اشتقت اليك ابله شوشو بين قوسين والله انتى سكر خالص وكلامك حلو اوى ووصلنى تمام الوصول ربنا يكرمك وجزاكى الله خيرا .. بس انا ليا رد صغنون اوى (قد انس كده)عليه لو تسمحيلى ,,,

بالنسبه لنصايحك فادتنى جدا وجميل ان الواحد يلاقى حد فاهمه كده وينصحه يحل مشاكله الشخصيه ازاى وفعلا انا محتاجه لكثييير من المرونه ويارب فعلا ادرب نفسى عليها اكتر من كده ..بس زى ما قلت لكوا قبل كده انى ممكن ما اعرفش اوصل اللى عايزة اقوله بحيث يوصل زى مانا عايزة .. فا للاسف كلامى وصل لك معنى انى متسرعه فى الحكم على الناس او انى مش بحب اسمع اعذار .. بالعكس والله يا شوشو انا مش من النوع المتسرع ابداااااااااااااا والصفه دى مش فيه بالعكس بالاضافه الى انى من النوع اللى مابحبش اخسر اى انسان كويس بدليل انى كتبت انى بتحمله للاخر لحد ما يكون تعدى حدوده معايا ودايقنى بشكل كبير ساعتها بقول له انت عملت فيا كذا ومش هقدر اكمل معاك .. الحاجه الاخيرة موضوع الاسف انا قلت فعلا انى مش بحب اسمعه لكن من باب ان الخطأ ما يتكررش ليس الا وقلت ده مش معناه انى مش بقدر الاسف بالعكس فى ناس بيكون صعب عليها انها تعتذر جدا فا لما بتعتذر لى انا بحسسهم انه خلاص الموضوع خلص وان الاسف على راسى من فوق بس بفهمهم بعدها انا طبعى ايه وانى بحب اننا ما ندايقش بعض بتكرار الموضوع لان ده افضل لينا ولصداقتنا .. وشكرا يا حبيبه قلبى على كلامك اللى حقيقى حسسنى انى ليا اخوات من القلب للقلب

فى حاجه خاصه بيكى ممكن اتكلم عليها ؟؟ اكيد انتى هتوافقى .. بالنسبه للقصه اللى ذكرتيها عن صاحبتك انا بصراحه لو مكانك مكنتش ابدااااااااااااااااااااااا اتصرف تصرفك ده اسمحيلى يا شوشو انتى غلطانه فى الموضوع من اوله لاخره .. اولا غلطانه لما سافرتى وسبتى اعز صديقاتك فى اهم يوم فى حياتها وغلطتى لما شفتيها ولما هى دورت وشهاه سبتى الفرح ومشيتى معلش اللى هى عملته ده حتى لو كان اوفر فا هو فى النهايه كان رد فعل لتصرفك الاول او لغلطتك الاولى فهمتى .. وبعد كده انتى غلطانه علشان كان لازم تكلميها وتجيبيها قدامك وتقوليلها ظروفك اللى حكيتيها دى وتبرري لها مش تسيبى الموضوع لحد ما يتعقد لمجرد انها جرحت كرامتك لما ادتك بوز تمام ؟؟ انا مستغربه تصرفك اوى يا شوشو وانتى كده بجد تسرعتى ولو هى انسانه كويسه هتبقى انتى اللى خسرتيها

اقللك على قصه صغيره اوى .. كانت صاحبتى الانتيم هتتجوز وهتسافر امريكا وجوازها كان فى عيد وساعتها كنت فى البلد عند اهلى وكان فرح ابن خالتى وفوجئت انها بتكلمنى وتقللى انا مسافره بكرة لزوجى وخلاص والفرح كان اليوم اللى وراه .. عارفه انا عملت ايه ؟؟ اخدت بعضى وصممت انى اسافر لها وارجع على القاهره اسلم عليها ولو ان مكانش فى فرح ولا حاجه وكلنا عرفنا فجأه بس تقديرا ليها ولصداقتنا اتحايلت على ماما علشان تسبنى اسافر لوحدى وسافرت فعلا وقضيت اليوم معاها وبيتت فى القاهره وتانى يوم هى سافرت وانا رجعت البلد علشان احضر الفرح .. مع ان امى من النوع المحافظ جدااااااا وشديده اوىىىىى مع ذلك مش عارفه ازاى هى وافقت انى اسافر واعمل ده كله .. معلش يا شوشو انتى لازم تحاولى تكلمى صاحبتك دى وترجعى صداقتكم لان انتى اللى كنتى السبب انها تروح ..
رمـــــال
رمـــــال
في الآخر هنجمع العيوب المشتركة بيننا كلنا و نشتغل عليها بجد الجد ولحد ما نغيرها بأمر الله
في الآخر هنجمع العيوب المشتركة بيننا كلنا و نشتغل عليها بجد الجد ولحد ما نغيرها بأمر الله
عارفه يا نيفو انتى عامله زى ايه ؟؟ زى صاحب صاحبه زى ما بيقولوا لان الصاحب بيفهم صاحبه من جواه لبراه وانتى فاهمانى اوىىىى مع اننا نعرف بعض من شهور مش كتير بس انتى من النوع اللى بتوصلى للناس جدااا وتدخلى جواهم بشكل مخلينى منبهره بيكى اوىى واكيد اتمنى انى افهم الناس بقدر فهمك ليهم لان هى دى الصداقه الحقيقيه وانتى فعلا صديقه حقيقيه ومن النوع النادر اوى اللى لا يعوض .. معلش كان لازم اقول الكلام ده لانى حسيت بيه بعد ردك على عيوبى وحسيت انك فاهمانى اوى لدرجه انى مش قادره اعارضك فى اى كلمه انتى قلتيها يا نيفين وفعلا كل كلامك اللى قلتيه صح عنى حتى طريقتك فى الرد دايما منظمه وانا معجبه بيها اوى لان النظام ده بيخلينى اركز فى الكلام واستوعبه .. واكيد الواحد هيصلح اللى فيه بس ربنا يعينه .. بجد يا نيفو ربنا يكرمك ويجزيكى خير ويخليكى ليا ونكون على طول اصحاب .. وبالنسبه للمشاركه بتاعتك انا ناويه ارد عليها برده استنينى