ملسمـــــــه .. هتوحشينا والله ربنا يكرمك فى العمليه ونسمع عنك خير واكيد ان شاء الله هنسمع خير ده بحسن الظن بالله طبعا .. واحنا كلنا معاكى بدعواتنا بس انتى كمان لو لقيتى اى فرصه تطمنينا عليكى يكون احسن علشان مش نقعد نسأل نفسنا ياترى عملتى ايه .. يارب يقدر لك الخير يا حبيبه قلبى

بالنسبه بقى للغايبين الاستاذه طماطم .. كان ليكى معاد يوم الاربع اللى فات مع الدكتور عملتى ايه طمنينا انا ممكن اخمن دلوقتى انتى مشغوله فى ايه ؟؟؟ بس انتى برده ما تسوقيش فيها يا بطه لو ما دخلتيش النهارده كلنا هنطب عليكى ونعمل كبسه يالا تعالى قوليلنا ايه الاخبار والتبويض اخباره ايه الشهر ده واخدتى الحقنه التفجيريه ولا لسه ؟؟ شفتى كل دى اسئله مستنياكى تردى عليها

ذا هابى مازر اكيييد الجو عندك متجمد علشان الجو هنا اصلا تلج ويمكن ده السبب اللى مخليكى غايبه بس يمكن كمان انتى واخده اجازة الكريسماس عندك فا اكيد انتى مشغوله علشان جوزك اجازة.. بس على فكرة الكريسماس خلص من زمان خلاص يالا ارجعى لنا بقه مش تقلقينا عليكى اكتر من كده .. وبعدين انتى كنتى قايله لنا انك هتبداى علاج فى اول يناير .؟؟ صح ؟؟ ايه الاخبار ؟

؛بيبتى رمال...متتخيليش انا فرحانة بيكى أد ايه...و طبعا كلامك مقبول من قبل ما تقوليه...و على فكرة انا فعلا كنت خفت لما شفت كلامك لتكونى بتحكمى على الناس بسرعة و تزعلى من قبل ما تعرفى الاسباب... لكن لما شفت تعليق نيفو على كلامك..و هى اكيد عارفاكى اكثر منى...كبرتى فى نظري اكثر و حسيت ان انتى اللى بتتهمى نفسك بالتسرع في حين ان ديه صفة مش فيكى...
وده طمنى اكتر

أما بخصوص حكاية صاحبتى فانا قلتعالك علشان اوصل فكرتى...و اقولك متتسرعيش و تبدأي برد الفعل السئ قبل ما تعرفى عذر اللى قدامك...لان لو هو مظلوم ممكن تصعب عليه نفسه و تخسريه...

لكن الموضوع له أبعاذ تانية خالص...وأولها انك لو تلاحظى ان انا قلت صاحبتى و ليس صديقتى... الحكاية باختصار ان الموقف ده كان القشة التى قصمت ظهر البعير...
يعنى ديه كانت زميلتى فى الشغل و كنا اربع بنات، لكن لما الاتنين التانيين مشيوا مفضلش غيري انا وهى، هى مكنتش احبهم الى قلبى و كان بينا اختلافات كتير..لكن زي ما تقولى وجودنا مع بعض وقت طويل عمل نوع من العشرة...و انا بطبيعتى باحاول اشوف فى البنى آدم الحاجات الحلوة قبل الوحشة و اوجد له الأعذار..(ده لو العيوب فى حدود المعقول...لكن لو زادت اوي يبقى قلته أحسن)...المهم قضينا مع بعض أيام حلوة (منها طبعا زي ما ذكرتلكوا انها حضرت جميع مناسباتى الحلوة) و أيام نص نص لكنى كنت بافوت (و لو قلتلك على اللى كنت بافوته هتقولى عليا جمل) كل ده لانى كل ما كنت آجى أخد قرار بانى أبعد عنها ..افتكر العشرة و المواقف اللى كانت بينا) على فكرة من قبل الموقف اللى حكيتلك عليه انا كنت عارف انها مش صديقة ليا..لكن كان القرار هو انى اخليها من ضمن معارفى ولا انسفها خالص (و اللى كنت عايزة أوضحهولك ان الطريقة ديه ممكن تهدد صداقة لو موجودة او تهدم علاقة من أساسها)..لحد ما جه موقف الفرح ده ..و على فكرة انا كان لازم أروح الفرح بتاعها أولا لرد جميلتها فى حضور مناسباتى، و كمان لأن جوزها إنسان يتحط على الجرح يطيب و كان عندي أمل ان نكون احنا و هم كابلز لطاف ممكن نتقابل مع بعض و نخرج بصفتنا معرفة طيبة ...لكن قلة زوقهاهى اللى خلتنى أقول قلة معرفتها أحسن ...

و على فكرة انا بعد ما قاطعتها اكتشفت حاجات خلتنى اتأكد انى كنت على حق...علشان كده قلتلك انى واثقة انك مش زيها و انك أطيب منها كتير، لكنى خفت عليكى ليكون فيكى الطبع ده.

عارفة من ضمن الحاجات....اننا كنا زمايل فى الشغل (لكن كان كل رؤسائى يثقون فيا تقة تكان تكون عمياء...و كنا كلنا لسه جداد انا و زمايلى لكنى حصلت على 6 ترقيات خلال عامين و نصف و أصبح منصبى أعلى قليلا و مرتبى كمان ضعف المرتبات المعتادة...لكن ربنا يعلم انى عمري ما طلعت على قفا حد ...لكن انا فعلا كنت حمار شغل ) المهم اكتشفت بعد فترة و من كلام كان بيفلت منها انها بتغير منى و بتحاول كمان تسئ الى فى عدم وجودي.. يعنى مرة مديرنا قرر يعطيها جزء من شغلى علشان يفرغنى لحاجة تانية..و الحاجة ديه كانت المهم الادارية فى الادارة بتاعتنا زي الحضور و الغياب(و ربنا يعلم ان اللى علمتها كل حاجة و قلتلها كل حاجة علشان أخليها تبتدي من حيث انتهيت انا)...ففوجئت انها كانت تقول اي معلومة جديدة للكل الا أنا ....و انها كانت بتحاول تسحب حاجات تانية من شغلى بحجة انها أكفأ منى (كانت بدأت تستغل غيابى الكتير أثناء فترة الحمل)...و مرة سمعتها بودنى كان مديرنا الأجنبى بيقولها انتى مش بترصدي أجازاتك بأمانة انتى رصيدك كبير أوي...تخيلوا راحت قالتله أنا؟ ده الشغل ما تظبطش غير لما انا مسكته...ده هى (قصدها على) اللى مكانتش بترصد كل حاجة كويس...المهم المضحك فى الموضوع ان مديري ده كان بيحبنى أوي فراح رد عليه و قالها ملكيش دعوة بيها و لا بالفترة اللى كانت ماسكاها..انا باثق فيها بشدة...و لعلمك لما كنت فى أجازة الوضع وصلنى انها كانت دايرة فى الشركة تقول ان ديه شركة زبالة مبتقدرش الا اللى مبيهمش و اللى بيغيب و غيره كتير...

المهم ربنا يسامحنا و يسامحها.....و هو المطلع على كل شئ....لكنى باحمد ربنا انى باحاول أكون صبورة مع الناس حتى لو بغباء ..و استحما اكتر من موقف لحد ماخد قرار اما بالاستمرار مع الشخص لو اقدر اتحمل عيوبه و اما بالبعد عنه بلاااااااااااااااااارجعة....و الحمد لله بيكون ضميري مرتاح

و دلوقى أنا هاعلق على ما ذكرتيه يا نيفو بس بطريقتك لانها عجبتني أوي...

العصبية ثم العصبية ثم العصبية و دة عيب بدأ يؤثر على حكم الناس علىّ لأنهم بيتخموا في عصبيتي و بظهر شريرة للأسف لكن بحاول و بحاول ان اسباب عصبيتي تنكمش و تتقلص لكن هم تقريبا 3 اسباب
1 - اكتر حاجة بتنرفزني و تخرجني عن شعوري هي ان اللي قدامي يكدب و يصر على كدبه و هو عارف اني كاشفاه و فعلا ببقى ( out of controle )
2 - كمان اللي يبقى عارف انه غلطان و يكابر
3 - ان حد يظلمني و مش يديني فرصة ادافع عن نفسي .......... ببقى زي الغول و يا ويله اللي يقف قدامي

طبعا انى عندك حق فى الاسباب اللى ذكرتيها و انها تعصب..لكنى عايزة اقولك نفس نصيحتك و هى انك تستغفري و تعدي من واحد لعشرة لو حسيتى ان حد هيضايقك وده لسببين..علشان العصبية و الصوت العالى بيضيعوا حق صاحبهم و الاهم علشانك انتى و علشان صحتك...وده عن تجربه ...انا بطلت اتعصب مع الناس الغريبة ...وقطعت شوط بسيط فى السيطرة على عصبيتى مع أحبائى (اللى هم جوزي و أمى و اخواتى و أصدقائى العزاز أوي) و هاقولك على الطريقة و ان شاء الله تنفعك ..وهى ان الناس ديه مبيزعلوش منى أبدا..فبقيت أطلب منهم انى لو اتنرفزت ميردوش عليا للحظة واحدة...ساعتها بانزل على مفيش و اتأسف زي ال...... المهم مع تكرار هذا الأمر بقيت أقول لنفسى كل مرة بتتعصبى و ترجعى تندمى و بيبقى شكلك وحش...فبقيت أفكر شوية قبل ما أثور علشان ماتأسفش و ماندمش ...و فعلا بقيت أسيطر على حوالى 50% من الواقف...اما الباقى فلسه.....ولسه...ولسه

2-انا بحترم اوي اللي اكبر مني و مش بقدر اجادله كتير و دي حاجة في ناس بتستغلها ضدي للأسف و اثرها بيظهر على بعد كدة في صورة مرض ( مرتين جهاز النطق اتأثر و مش كنت بعرف اتكلم لدرجة اني مهددة بفقدان النطق لو اتكررت تالت)

جميل أوي احترامك للناس ...واسمحيلى ده مش عيب ...لكن العيب هو استغلال الناس للنقطة ديه...و نصيحتى ليكى هونى على نفسك و متفكريش فى الحاجة اللى ضايقتك كتير و كونى موقنة ان هييجى مرة تانية تاخدي فيها حقك من الشخص ده..والأهم و اللى فادنى انا شخصيا حاجة من اتنين تدربى نفسك عليها...إما تاخدي حقك أوا باول و بلباقة علشان محدش يمسك عليكى غلطة ...يإما الحاجة التانية و ديه اللى نفسى أعملها فى كل مواقفى و هى أنى أوقن انى لو معرفتش آخد حقى من اللى ضايقنى أو ظلمنى انى ا}من ان ربنا مش هيسيبه و هو اللى هيخلص منه كل حاجة ...بس المشكلة اننا مش ملايكة ...آه لو نؤمن تماما بمقولة (حسبى الله و نعم الوكيل)ده فى حالة اننا مقدرناش ناخد حقنا بايدينا...

ثالثا
ما زال في العيب اللي عندك هو اني بتجيني حالة شلل لو حد فاجأني بتصرف مش متوقع لكن بالتدريب و المحاولة المستمرة قدرت بنسبة 40 % اني اقضي على العيب دة ( انا حاسة باحساسك لكن حاولي و هتقدري ) خصوصا ان في ناس كل مهمتها في الحياة انها تستغل الموضوع دة

طبعا الموضوع ده مفيش رد عليه أحسن من اللى قولتيه...بالإضافة انى مبقيتش أخجل من انى أقول للى قدامى أدينى وقت أفكر...

رابعا
اني اما بحب بحب من قلبي اوي و عشان كدة بنجرح كتييييييييييييييييييير

حبيبتى ده مش عيب و ياريت تفضلى على نقائك و قلبك الابيض الجميل...العيب يا حبيبتى عيب الناس اللى بتستغل الحب ده و تسئ فهمه....بس نصيحتى ليكى...عاملى الناس بطلاقة ..لكن قبل ما تسمحى لنفسك تتعشمى فيهم تكونى خدتى و قتك الكاااااااااااااااافى فى معرفتهم علشان المشاعر الغالية خسارة انها تنجرح أو تعطى لمن لا يستحقها...

خامسا
مندفعة ساعات مش دايما بس اندفاعي مش بيضر حد غيري و ممكن يضيع حقي و بحاول ابطله
تريثىىىىىىىىىىىىىىىىىىىى أختاه و باقولها بصوت عالى لانى باقولها لنفسى معاكى
سادسا
اول مرة بقابل فيها حد بكون قافشة لحد ما اكون فكرة كاملة عن اللي قدامي و كلامي بيكون بحدود و بحساب و دة مش كويس ساعات ( لان اوقات المقابلة بتخلص و انا لسة مش كونت فكرتي و الشخص بيكون مشي خلااااااااااااااص )
هاهاهاها
برضه انا زيك فى الموضوع ده....و معنديش له حل...عايزين حد تالت يقولنا نعمل ايه :)

سابعا
عنيدة جدا و مش بحب حد يفرض على حاجة مش عاوزاهاو حتى لو نفذت بثور بعدها و بتراجع بسرعة
طبعا في حاجات تانية كتير بس بتعدي

أنا مش هاقولك حاجة على النقطة ديه لانى حاسة انك مش بتعندي غير قصاد اللى بيحاول يمشى رأيه بغباء....لكن برضه هاقولك و فى الاعادة إفادة...اوعى تعندي في حاجة هتكون فى مصلحتك حتى لو اللى بيعرضها شخص بغيض ...بمعنى أصح اوزنى الطلب لو مفيد ليكى اعمليه..و لو مش مفيد يبقى متعمليهوش و طظ فى اللى بيطلب.............
نيجي للميزات بشهادة الشهود
انا هسيبهالكوا و بعدين اقولها بعدين و زي ما قلت بشهادة الشهود و الله بدون تجميل و لا كذب

وما زلنا فى انتظار النص الحلووووووووووووووووووووووووووووووووووووووووووووو

عارفين....خلونى افتح قلبى معاكو شويه.....
كلامنا عن العيوب فكرنى بحاجات كتيرة مرت عليا.....الخلاصة منها إن ربنا جميييييييييل أوي و رحيم أوي و هو فعلا يمهل و لا يهمل...
يمكن باقولكوا كده لسببين الاول:
لانى كنت قبل كده مقصرة شوية في حق ربنا...و كنت بافكر بمنطق دنيوي أوي...لكن و الحمد لله تجربة تأخير الحمل ديه ...قربتنى من ربنا و علمتنى حاجات كتيرة أوي...و الحمد لله انها مبقتش مرتبطة بانى عايزة الحمل....يعنى بقيت أصلى علشان أنا عايزة مقصرش فى حق ربنا مش علشان أنا عايزاه يدينى حاجة...

و الثانى: ان عدت مواقف اتظلمت فيها و مقدرتش آخذ حقى و كنت فى شدة الغضب لفترة طويلة...لكن لما نسيت هذا الأمر إذا بربنا يقولى حقك أهوه اللى كنتى زعلانة عليه أنا منسيتهوش ..و الأجمل انه ينور بصيرتك فى لحظة انك تتأكدي انه مسبش حقك و انه نقى قلبك علشان يخليكى تشفقى على من ظلمك سابقا بل و تقفى بجانبه....

بجد من عيوبنا العصبية و الزعل من اللى ضايقنا او ظلمنا.....عايزين نتفق على حاجة..و باطلبها من نفسى قبلكم...اننا ناخد حقنا بما يرضى الله....و ان مقدرناش منزعلش لأن هناك من لا يغفل و لا ينام....هياخدلنا حقنا ...و يبقى الاهم اننا منشيلش فى قلبنا و منبتش و فى قلبنا ذرة حزن أو غل أو حقد.......