السلام عليكم :26:
الحمد لله الجو النهاردة كان حلو الصبح درجة الحرارة قلت شوية رحمة من عند ربنا
كوكر حبيبتي حمد الله على السلامة تقبل الله منك ياارب وحشتينا كتيير
هنووف حبيبتي انا معرفش النسبة بالظبط كام بس انا عارفة انها من اعلى نسب النجاح في الدول العربية وفي الاول والاخر كلوا بإذن الله ربنا يرزقك بالثلاث توائم ياارب
المشتاقة للأمومة اتفضلي تنورينا طبعا ، اهلا بيك معانا وايوة كدة عايزين بنات مصر كلهم يشتركوا معانا ،أدينا بنهون على بعض شوية
وعندنا سكرة التجمع نيفو جاهزة لاي نصيحة :) مش كدة نيفو
سمسمة حبيبتي ياارب تكون نفسيتك احسن دلوقتي

إليكم هذه القصة عن الاستغفار



في عصر الشيخ أحمد بن حنبل ، كان الشيخ احمد مسافراً فمر بمسجد يصلي فيه ولم يكن يعرف احداً في ذلك المنطقة وكان وقت النوم قد حان فافترش الشيخ أحمد مكانه في المسجد واستلقى فيه لينام وبعد لحظات إذا بحارس المسجد يطلب من الشيخ عدم النوم في المسجد ويطلب منه الخروج وكان هذا الحارس لا يعرف الشيخ احمد ، فقال الشيخ احمد لا أعرف لي مكان أنام فيه ولذلك أردت النوم هنا فرفض الحارس أن ينام الشيخ وبعد تجاذب أطراف الحديث قام الحارس بجر الشيخ احمد إلى
الخارج جراً والشيخ متعجب .. حتى وصل إلى خارج المسجد . وعند وصولهم للخارج إذا بأحد الاشخاص يمر بهم والحارس يجر الشيخ فسأل ما بكم ؟ فقال الشيخ أ! حمد لا أجد مكانا أنام في والحارس يرفض أن أنام في المسجد ، فقال الرجل تعال معي لبيتي لتنام هناك ، فذهب الشيخ أحمد معه وهناك تفاجأ الشيخ بكثرة تسبيح هذا الرجل وقد كان خبازاً وهو يعد العجين ويعمل في المنزل كان يكثر من الاستغفار فأحس الشيخ بأن أمر هذا الرجل عظيم من كثرة تسبيحه .. فنام الشيخ وفي الصباح سأل الشيخ الخباز سؤالاً وقال له : هل رأيت أثر التسبيح عليك؟

فقال الخباز نعم! ووالله إن كل ما أدعو الله دعائاً يستجاب لي ، إلا دعاءاً واحدا لم يستجاب حتى الآن ، فقال الشيخ وما ذاك الدعاء ؟ فقال الخباز أن أرى الإمام أحمد بن حنبل

فقال الشيخ أنا الإمام أحمد بن حنبل فوالله إنني كنت أجر إليك جراً ، وهاقد أستجيبت دعواتك كلها ..

{أستغفر الله الذي لا إله إلا هو الحي القيوم وأتوب إليه}
{أستغفر الله الذي لا إله إلا هو الحي القيوم وأتوب إليه}

{أستغفر الله الذي لا إله إلا هو الحي القيوم وأتوب إليه}

مساء الخير يا بنات يا رب تكونو كلوكو بخير يا رب


المشتاقة للامومة اهلا بيكى معانا يا ست البنات و تنورينا و ان شاء الله نكون وش الخير عليكى و نفرح بيكى قريب قوى

سامنتا حبيبتى الله يسلمك انا كمان بقيت احسن مما جيت كنت جاية حولة بصراحة من كتر التعب


نيفو انتى فييييييييييييييييييييين؟ ايه الاختفاء دا؟ لعل المانع خير
طمنينا طيب و اختفى تانى

رمال الجميلة طمنينا عليكى و على البيبى يا رب تكونو بخير ان شاء الله


رب لا تذرنا فردا و انت خير الوارثين

ازيكوا يا بنات وحشتوني موووووووووووووووووت انا هنا لا اختفيت و لا حاجة مش انا قلت لكم خميس و جمعة بكون عند ماما
كوكر حبيبتي 0000 الف 100 مليون سلامة و مشتاقة اعرف منك التفاصيل الدقيقة جداجدا جدا
قوليلي 0000لأ قوليلنا عشان نتمتع كلنا اول حاجة احساسك كان ايه اول ما شفتي الكعبة المشرفة؟
و دعيتي بذمة و ضمير و لا لأ ؟ حسيتي ان ربنا فتح عليكي و شرح صدرك امتى بالظبط ؟
بكيتي ؟ عارفة ؟ انا نفسي مش عارفة اسألك عن ايه و لا ايه ؟
بصي انت تحكيلنا عن كل حاجة باتفصيل من اول ما وصلتي لحد ما غادرتي بالتفصيل الغير ممل ابدا ماشي ؟
سمسومة المسمسمة 0000 و الله العظيم وحشتييني جدا 000و خلي بالك احنا جامدين اوي و محدش يقدر يطفشنا المهم انت طمنيني نفسيتك اخبارها ايه و يا ترى اقتنعتي بكلامي و لا من جواكي بتطاوعيني و خلاص ؟ 000 انا اقسمت لك بالله يا رشا ان انا بكلمك من قلبي و فعلا بعتبرك اختي و كلكوا و الله احساسي ناحيتكو واحد و صدقيني انا كنت بعمل زيك كدة و اكتر فكانت النتيجة اني ضيعت سنين من عمري في مش بعمل حاجة غير اني مستنية حاجة مش هتحصل غير اما ربنا يريد
عشان كدة انا قررت اني افضل وراكي عشان متضيعيش و لا ثانية من عمرك في انتظار و نكد
و مفيش لحظة بتعدي و بترجع تاني و اللي بنعيشه النهاردة مينفعش ابدا نعيشه بكرة و لازم هتكون فيه حاجة ناقصاة او حاجة مختلفة 000فهمتي ؟
و بعدين يا بنتي تعالي هنا انت عاوزة بيبي تروشيه معاكي زي ما روشتينا مش هيستحمل؟
ربنا يسعدك يا حبيبتي و يرزقك بكل اللي تتمنيه
سامنتا حبيبتي 000 وحشتيني جدا جدا جدا و ربنا يخليكي على الكلام الحلو دة انا مش اده و بجد مشتاقة للكلام معاكي جدا
المشتاقة للأمومة 000 انت مش محتاجة اذن عشان تدخلي 000 زقي الباب و ادخلي على ما اعملك شاي هههههههههه
طبعا اهلا بيكي و احنا يشرفنا نزييد واحدة في التجمع و المحبة و يا رب ما كلنا نبقى في تجمع الحوامل 000 يااااه دة التجمع هيضيق اوي مش مشكلة نبقى نعمله بنس نوسعه هههههههههه
العشر الاواخر يبتدوا النهاردة كلنا ندعي لبعض بظهر الغيب و نكثف الدعاااااااااااااااااااااااااااااااااااااء

السلام عليكم ورحمة الله وبركاته
ازيكم يا اخواتى فى الاسلام
انا مبسوطة من تجمعكم دة جدا وخاصة انه تجمع كلة خير
انا قرأت من اول صفحة كنت بدور على د/ عادل فاروق .... فى جوجل وظهر صفحتكم الثانية عندى وقعدت اقرأء من اول مميزات لحد الاخر ولقيت مشاركة جميلة ودعوات خالصة ووقفات جميلة ومواساة طيبة وبشريات اسعدتنى كثيرااااا
واخيرا اتمنى من ربى ان كل من اشترك ومن لم يشترك بالمداخلة وتتمنى الذرية ان يرزقها الكريم الوهاب الذرية الصالحة
آمين...آمين...آمين