السلام عليكم ورحمة الله وبركاته

كيف حالكم اخواتي ان شاء الله الجميع بخير وصحة وعافية

ومبااااارك عليكم الملف وان شاء الله يكون فاتحة خير عليكم اميييييييييين

اسمحو لي عندي سؤال وقد تكونون اجبتم عليه مسبقا في الملف لكن الصفحات كثيرة واحتاج وقت طويل حتى اقراها جميعا
اخواتي انا مسافرة انا وزوجي الى القاهرة بعد العيد ان شاء الله تعالى وهذه اول مرة ازور فيها القاهرة يقولون انها حلوة المهم ياحلوات المطلوب انكم تساعدوني فكما تعرفون انه الغريب اعمى ولو كان بصيرا اريد طبيبة شاطرة اخصائية نسائية في القاهرة او في سته اكتوبر ارجوكم اللي تعرف لا تبخل علي الله يوفقكم وايضا طبيب اخصائي عقم رجال

اعتذر طولت عليكم بالاسئلة لكن سؤال اخير ما له علاقة بالموضوع :) اللي تعرف حلاقة شعر نسائية يعني للنساء فقط لاني سمعت انه في القاهرة الرجال يحلقون للنساء او قد يدخل الرجال على الصالونات النسائية وما اعرف مدى صحة هذا الكلام لكن ارجوكم اللي تعرف حلاقة امينة وللنساء فقط ترد على الله يبارك فيكم لان شعري تااااااااالف وتعبااااان انتظر ردودكم علي وجزاكم الله خيرا

حبيبتى فى 2 كويسيين و مش بيخش عندهم غير الستات
واحدة فى الجيزة قدام مدرية أمن الجيزة فى الشارع اللى قصادها على طول و اسمها "بطة صلاح"
و التانية فى المهندسيين فى ميدان اسوان اسمها سوزى دى فى عمارة وواخدة البدرون بتاع العمارة شقة كل اللى فيها ستات و محدش برضو بيخش غير الستات العمارة بتاعتها لونها بنى

مشكورة حبيبتي kokar على الرد

لكن بصراحه خوفتيني من الطبيبات ليش يا اختي ؟؟؟؟؟؟؟؟؟ يعني معقول ما فيه ولا طبيبة شاطرة غير رجاء منصور يعني هذه مشهورة وانا سمعت عنها في النت فقط

طيب ما العمل ؟؟؟؟؟؟؟؟؟ بما انه يوجد اطباء نساء لايجوز التكشف عند الاطباء الرجال لاحول ولاقوة الا بالله

ومشكورة على صالون الحلاقة اعتقد اللي في المنهدسين مناسب اكثر لاننا لن نذهب للجيزة ( لااعرف اصلا كم تبعد عن القاهرة يعني نحن سوف نذهب ان شاء الله الى القاهرة و سته اوكتوبر فقط) وجزاك الله خيرا حبيبتي ما قصرتي وانتظر بقية الاخوات الحبوبات

مساء الخير يا بنات

اخدكم واحدة واحدة ذى رمال

سمسمة يا رب بجد متزعليش من كلامى انا حسيت انى عاوزة افوقك من زعلك و انى مخلكيش تستلمى للزعل دا خالص و الكلام دا اللى قلتهولك بقولو لنفسى على طووووووووووووووووول
ربنا يطمنا عليكى يا رب


نييفو مش حقولك غير ......................... و انتى كملى بقى انتى على طوووووووووووول مختفية نتكلم فى مصر بقى


رمال حبيبتى ربنا يطمنى عليكى على طول ياااااا رب و اديها يا سيتى وحم و اتدلعى و اعملى كل اللى انتى فى نفسك كله يااااااااااا رب و ان شاء الله تعدى شهور الوحم و تخشى مرحلة جديدة من مراحل الحمل بأذن الله


هيميش الجميلة انا بخير الحمد لله و هارية نفسى دعاء و ربنا يتقبل بأذن الله





حكاية العمرة يا بنات

انا وصلت لنى كنت تعبانة و روحت اعمل السعى فى الصفا و المروة
مقدرتش اوصل الا لما ارتاح قعدت شوية تحت مروحة و قعدت احط على شوى ماية زمزم عشان افوق شوية و قلت يالا "اصلى كنت قلقانة لعك الدنيا من لسانى اللى عاوز يتقص دا و ابوظ الاحرام" روحت عملت اول شوط و التانى و جيت عند اول التالت قعدت و مقدرتش خلاااااااااااااااااص البطارية فضيت بجد فراح وزى ربنا يكرمه جابلى كرسى بعجل عشان اكمل السعى عليه و الحمد لله خلصنا و فكيت الاحرام "عشان ابدع"

و روحت الاوتيل و فضلت نايمة لبعد العشا و روحت بعد العشا صليت فى الحرم كل اللى فاتى و يا سلاااااااااااااام على جمال الكعبة حلوة حلوة حلوة قلت لجوزى انا عاوزة افضل هنا جوا الحرم

اما تانى يوم بقى فحصل معايا خناقتين واحدة كنت بدافع عن واحدة أأد جديتى كان واحد حيخبطها بعربية الماية و واحد تانى لما واحد من العيال بتوع الامر بالمعروف واحد صغير يعنى يمكن فى ثانوى بيتكلم معايا بمنتهى قلة الذوق عشان عاوزيين يقومو الصف اللى انا فيه عشان يجيبو رجالة بدالنا

و حسيت بجد ان هناك الستات مش مهمين خااااااااااااااااالص مش درجة عاشرة درجة صفر و كنت متضايقة جدا جدا من الموضوع دا
و واحدة من بتوع الامر بالمعروف برضو على طول بتزعق بسب و من غير سبب لدرجة انى كنت عاوزة اشتكيها "عشان ارفع أذاها عن الناس"
و ساعة الصلاة يا بنات مافيش خشوع خالص كنت محتاجى اصلى لربنا مع نفسى عارفيين الاحساس دا اللى هو عاوزة تصلى من قلبك و بقلبك مافيش اللى بتزق و اللى بتيجى تقف فى المكان اللى حتسجدى فيه و هى شايفانى انى بركع خلاص يعنى تحاسب عسان الاقى حتة احط فيها دماغى لأ لازم و انا بسجد اوعاها بأيدى
كنت زعلانة و حاسة انى مستمتعتش خالص فى الموضوع دا
بس اللى كنت بحس فيه بروحانية لما كنت بصلى قدام الكعبة على طول و لما صليت فى حجر اسماعيل يا سلااااااااااااااااااام الحنفية اتفتحت برضو
و اكن نفسى المس الحجر الاسود بس دا كان بعيد عن شنبى ذى ما بيتقال بس الحمد لله لمست الركن اليمانى

و بعدين روحنا المدينة عارفين حسيت انى ذى ما يكون كنت عاوزة استحمى و استحميت

جمييييييييييييييييييييييلة و مريييييييييييييييييحة و عرفت ليه الرسول عليه الصلاة و السلام ساب بلده مكه و عاش و مات و اتدفن فى المدينة بجد مشاعر تانية خالص و الروضة الحمد لله ربنا كان ميسرها انى اصلى فيها ركعتين و احساس جميييييييييييييييييييييل انى احس ان موضع قدمى دا الرسول عليه الصلاة و السلام حط رجله الشريفة فيه و انه اتنفس هنا و اتكلم هنا حاجة جميلة جميلة جميلة
و سلمت عليه و احساسى ان ربنا حيرد روحه عشان يرد عليا السلام ففضلت اسلم اسلم اسلم كأنى بكلمه و عاوزاه يرد عليا
يا حبيبى يا رسول الله

و حتى المسجد هناك مرتب جدا و الصلاة فيها كانت جميلة حتى البنات اللى بيرتبو الستات هناك فى منتهى الادب و الرقة لدرجة انى و انا ماشية روحت ميلت على واحد و قلتلها انتو فعلا تستاهلو ان الواحد يشكركم على اللى بتعملوه معانا قلت انا كنت عاوزة اشكى واحدة فى مكة طيب دول يستهلو الشكر
حتى الناس هناك بشوشين حتى اهل البلد و الخير اللى حطوه على الفطار فى المسجد و أد ايه كانو بيتسابقو على انهم يحطو اكل و شرب و حلويات و حتى مكسرات و بلح خير خير خير ناس جميلة و بلد جميلة
قلت لجوزى المدينة هى بلسم الرحلة اللى مسح اى حاجة تعبتنا و ضايقتنا اى حاجة
و فعلا يا سامنتا المدينة مختلفة بكل حاجة بالمسجد و بأهلها ربنا يحميهم و يبارك فيهم يا رب

و رجعت الكويت مهدود حيلى و كنت مبعملش حاجة غير انى اكل و انام و اصلى


و دى يا بنات حكايتى اللى انتهت و الحمد لله بوعد من زوجى بانى اعمل عمرة كل سنة بأذن الله بس مش فى رمضان عشان الزحمة و عشان استممممممممممممممممممممتع بالكعبة و بالروحانيات
بأذن الله

يا حبيبتى الجيزة و المهندسين جنب بعض جدا
و القاهرة عندنا يعنى القاهرة الكبرى يعنى الجيزة و القاهرة و قليوب دول 3 محافظات

و يا حبيبتى الفرق بين محافظة القاهرة و الجيزة هو تعدية النيل اللى هو اذا حبيتى تعديه على رجلك تاخدى حوالى 10 دقائق المسافات مش بعيدة خالص عن بعض


بصى يا حبيبتى انتى عندك حق فى موضوع الدكاترة ان الاولى انك تروحى لدكتورة بس اذا مكانش فيه كويسيين يعنى "مافييش" يبقى خلاص الراجل و بعدين يا حبيبتى الدكتور الراجل اذا كان كويس و ذو ثقة اصلا مش بيبص خالص اثناء الكشف بالسونار لان الممرضة هى اللى بتحطه و هو بيشوف على المونيتور

يا حبيبتى توكلى على الله
و احتمال حد من البنات يفيدك اكتر و يكون جرب واحدة ذو ثقة

و انا مش بقول ان مصر مافيهاش ستات دكاترة وحشيين انا لا اثق فى اى دكتورة فى الوطن العربى كله مش مصر بس

و اذا حبيبتى اى خدمة راسلينى على الخاص و انا تحت امرك فى اى استفسار ممكن تحتاجيه اثنار رحلتك لمصر

و عموما تنورى مصر كلها