داعية الى الله
نسيت اقولك على اسم دكتور كويس فى عقم الرجال انا زوجى مجربوش لسة بس ناس كتير قوى شكرت فيه

اسمه دكتور كمال شعير و مكانه فى شارع التحرير عند ميدان الدقى مستشفى شعير

و ان شاء الله يكون كل الخير فى زيارتك لمصر بأذن الله

حبيبتى نصيييييييييييييييييحة ابعدى عن دكاترة النسا معلش استحملى و روحى لدكتووووووووووور الواحد مش ناقص لعب و لخبطه معرفش ليه مسمعتش على حد شاطر ستات غير رجاء منصور و دى محتاجة لحجز قبلها بـ 3 شهور فى المركز المصرى لاطفال الانابيب

اولاً السلام عليكم ورحمة الله وبركاته كوكر حبيبتي موضوع ان دكاترة النساء السيدات مش بيفهموا وان الرجاله بيفهموا احسن منهم ده اعتقاد خاطئ وكلام شيطان بيلعب بيه في دماغ السيدات لان اولا الرجاله ولا جربت وجع ولا حمل ولا اعراض اي شئ يخص امراض النساء فما بالك بقي بست متخصصه وشاطرة في تخصصها وعارفه تفاصيل كل حاجة وكل وجع لانها مجربة ودرسه في نفس الوقت ده من الناحية العملية .
اما من الناحية الدينية اسألي فيها لان حرام علي اي ست يكون عندها البديل دكتوره ست شاطرة حي ولو بعيده عنها وتروح تكشف عند رجل حتي لو الرجل ده احسن من الست وفي الاخر كلهم سبب من الاسباب وربك يفعل ما يريد
كوكر حبيبتي ارجو ان تتفهمي كلامي وان تسألي برده وربنا يوفقنا جميعاً لما يرضها و يبعدنا عن ما يعصيه ويرزقنا جميعا بالذرية الصالحه

جزاك الله خير

هيميش انا سألة فى اللى انا قلته دا و متأكدة منه و الموضوع مجرد اختلاف مذاهب مش اكتر واحد احل و التانى قال لأ
و الواحد حر يختار المذهب اللى بتناسب مع طريقة تفكيره

انا قلت رأيى و دا مش ملزم لحد خالص هو ملزم ليا انا بس

و دكتورة النسا عشان جربت فالموضوع بيكون بالنسبة ليها مافهوش مشكلة مش ذى الراجل اللى مجربش
و حاجة تانية الست بطبيعا كونها ست معندهاش الوقت اللى تقدر تدرس فيه و تشوف اخر الابحاث و تسافر تحضر مؤتمرات فى الخارج لتطلع على احدث الاراء فى الطب و دا لكونها زوجة و ام و دا شئ طبيعى مش ذى الراجل ابدا اللى اذا سافر و راح و حتى اذا مظهرش فى بيته بيكون عادى فى البيت غير الست خالص فى مجتمعنا الشرقى عشان كدة انا حددت انى لا اثق فى الدكتورات فى "الوطن العربى" لكونهم شرقيات فى مجتمع مبعاملش الست ذى الراجل و يتقبل طبيعة عملها ذى الراجل بالظبط

و انا عارفة ان كلهم اسباب بس ربنا خلانا برضو نشغل عقلنا و نحاول نجتهد اننا نوصل للاحسن مش مثلا نروح لداية و نقول اصلها سبب
لازم نطلب العلم و اعلى درجات العلم كمان اذا نقدر نوصله


و دا برضو رأيى و انا حرة فيه و برضو مش بلزمه على حد لأن كل واحد ربنا حيسأله هو عن افعاله بس

و عموما يا حبيبتى اخالاف الرأى لا يفسد للود قضية

و ربنا يسامحنا جميعا بأذن الله

السلام عليكم و رحمة الله وبركاته
حبيبات قلبي كلكم وحشتوني جدا جدا جدا
سمسمة 000 انت فين يا حبيبتي طمنيني عليكي ضروري
داعية الى الله000 اهلا بيكي نورتي تجمعنا و زدنا زهرة جميلة في بستان محبتنا في الله
كوكر 000 حبيبتي جزاك الله كل خير على نصايحك لأخواتك نفعك الله و نفع بك
هيميش 000 اخبارك ايه دلوقتي ؟ ان شاء الله تكوني احسن
بصوا بأة انا لي رأي متواضع جدا في الموضوع اللي بتتكلموا فيه و اسمحولي اقوله
موضوع دكتور راجل و لا ست دي حاجة اختلفت فيها آراء علماء الديييييييييييين و زي ما بيقولوا اختلاف العلماء رحمة
و كل واحدة فينا مرت بتجربة حلوة او وحشة كونت عندها فكرة اة رأي في الاول و في الآخر دة شيء يرجعلها
و احنا اصغر بكتييييييييييييييييييييييييييييييير اننا نحلل و نحرم اي شيء احنا بناخد بالاسباب و ربنا يكرمنا
بلاش نتكلم في امور احنا اصغر من اننا نتكلم فيها و اختلافنا فيها مش هيوصلنا لشيء
تعالوا اما اوريكوا حاجة صغيرة كتبتها و عاوزة رأيكوا فيها بصرااااااااااااااااااااااااااااااااحة

يا رب محتاجة حضنك
ضمني
و في خوفي و ضعفي و قلة حيلتي
طمني
و من المعاصي و الذنوب
اعصمني
و للطاعة والصلاة و العبادة
شدني
ومن الشيطان و همزاته
احفظني
و على فراق الاهل و الاحباب
صبرني
و في كل امتحان
ثبتني و ما تهزني
و اجعل ولادي في الدنيا سند و جذور
لأصولي تمدني
و بأرحامي برحمتك
اوصلني
و ان اذنبت و ليك تبت
اقبلني و لا تصدني
و في كل دعوة ليك اجبني
و لا تردني
و بحبي ليك و رحمتك
عوضني و اكرمني :44: :44: :44: