حبيبتى وش سبب الحكة اللي تجي في العمليه من برا وبعدين وشلون اعالحها لايكون حساسية؟

جزاكم الله خير خواتي على دعواتكم ورفع الموضوع الله لايحرمني منكم حبايبي ..
بالنسبه للي سألت عن سبب العمليات لإن بنتي الأولى تعسرت ولادتها وجلست أطلق 3 أيام ولإنه كان مستشفى عره ماساعدوني قالوا تبين عمليه قلت إيوه وبدون نقاش ..ولما حملت ببنتي الثانيه بالرغم إني طولت 4 سنوات بس جات البنت وزنها كبير ومرتفعه مانزلت بالحوض فعملوا لي عمليه وبعدها خلاص خفت على نفسي صرت أروح قبل الطلق وأطلب العمليه ..

واللي تقول إن قلبي جامد والله ياأختي إني أكثر وحده خوافه بالدنيا واعيش الخوف والرعب من لما أحمل بس هذا حكم الله ولازم أصبر إيش أسوي ..

أم فيصل أنا تحت أمرك وتعبك راحه ياكل الغلا ..

تقبلوا حبايبي تحياتي ..

مشكورة حبيبتي على معلوماتك انا عملت ثلاث قيصري 2بنج كامل واحد نصفي بس النصفي ابرة الظهر مرة توجع انا في الكامل مايجيني مضاعفات وعندي سؤال انا مافهمت يعني ايش الالتصاقات وايش اعراضها ياريت توضحي لو سمحتي

حبيبة دحومي .. حبيبتي روحي إفحصي عند دكتور ممتاز جدا لإن مفروض ماتجيك هذي الآلام الشديده ولاتخافين مادمتي تشوفين العمليه من برا كويسه فلاتحاتين إن شاء الله ماعليك إلا العافيه ..وحاولي تطولين بعد هالولاده عشان تطيب العمليه زين وترجعين تولدين طبيعي ..الله ييسر لك ..

الروح الحره .. لاتخافين أبدا من إبرة البنج النصفي هم الآن يسوون إبرة الظهر وهم يولدون طبيعي وفيهم طلق ومع كذا ياخذونها وماجاهم الا العافيه واللي تحاول تخوفك سكتيها مابيجيك شي بإذن الله خذيها وأنتي مرتاحه وتوكلي على الله ..

اللي سألت عن الإلتصاقات أنا قالي الدكتور بعد الولاده الخامسه إنها عذبتهم حتى خلصوا العمليه لكن قالي غيري مكان العمليه وسكت وأنتي توكلي على ربك وثقي فيه مو في الدكتور وغيريه روحي لأحد ثاني وإسأليه عن الإلتصاقات وكيفية التعامل معها في ولادتك اللي بعد هذي ..

اللي ركبت لولب مافيه أذى بس بعد العمليه الثالثه لاتفكرين تركبينه تري بعض المستشفيات الخاصه مايخافون الله ولايهمهم يركبون بس عشان الفلوس ..وإن شاء الله ماعليك باس ..

المشي مفروض تبدين فيه من ثاني يوم عمليه كل ساعه تمشين شوي بس على خفيف وأنا أمشي كويس بعد شهر بس مو قوي عادي ولاأمشي على السير أخاف منه وألبس بنطلون عادي مو ضيق عشان مايضغط مكان العمليه وتعرق ماله داعي ..

تقبلوا خواتي تحياتي وبأرد على البقيه إن شاء الله بوقت ثاني .

اختي حبيت اسال عن لبس المشد متى تقدرين تلبسيه وتمارين البطن ممكن اسويها بعد القيصري ومتى
الله يجزاك خير على حرصك على افادة اخواتك