حبايبي ..
الله يجزاكم خير على دعواتكم الله لايحرمني من هالقلوب الطيبه ..
بالنسبه للوزن أكيييييييييييييد إن اللي تسوي عمليه مفروض تكون أكثر حرصا من غيرها لإن الوزن الزايد يخلي إحتمال حدوث الجلطه بعد الولاده أكبر حتى يقولون الأطباء عادة للسمينه إمشي كثير لإن وزنك زايد ونخاف عليك ..وكل شي بأمر الله مو بإيدهم ..

بالنسبه حبيبتي للولب ..بعض زميلاتي ركبوا لولب وهم مسوين أربع قيصريات وسبحان الله بعد مافكوه كل ماحملت الوحده سقطت مارضى يثبت الحمل وغير التعب اللي جاهم ..شي بديهي يالغاليه الرحم مخيط كم مره ماتبينه يتأثر باللولب أنا عن نفسي والله العظيم إني رحت لأطباء أكفاء ومتميزين وكلهم يقولون لي بعد الولاده الثالثه مانركب أبدا لولب فيه خطوره مو عشان موضوع الحمل بسسسسسس لأن له آثار جانبيه وأنا لو أحمل كل يوم ماركبته وأدري إن فيه 1% خطر ..

إبرة الظهر يسوونها كل العالم مامنها خوف ومايجيك شلل ياقلبي ولاتحاتين وبعدين وخزتها بسيطه مو للدرجه اللي متخيلينها وبعدين ياقلبي ماهي أصعب من الطلق وعذابه جت عليها وعن نفسي ماجربت الانبوبه اللي تسحب الدم مثل ماقلتي ماأعرفها وأعتقد ماله أثر ولا ماعملوها .. حبيبتي توكلي على ربك ولاتحاتين ..

بالنسبه للحكه هذي على قول أهلنا تجبر العمليه وأي خياطه لما تجي تلتئم لازم تجيك فيها حكه والله إني أحيانا ودي أقطع بطني من كثر ماتجيني حكه لكن أحك بعيد عن العمليه وأتحمل ..أما الإلتهاب فيجيك ألم برا مع إحمرار وأحيانا سوائل لها رائحه كريهه وعلاجها بسيط ولازم بسرعه عباره عن تنظيفها وتعقيمها بمحلول معقم وتتركيها تجف ..

الإلتصاقات عبار عن أغشيه تلتصق بالأعضاء نتيجة فتح البطن وإغلاقه لكن ماتنكشف إلا مع الولاده أو بالمنظار والله يستر علينا وعليكم يارب ويحفظنا بعينه اللي ماتنام ..

حبيبتي أنا ماألبس مشد أبدا ولاأسوي تمارين بطن بصراحه أخاف ماني ناقصه تنفك العمليه من برا ولا من داخل وأرجع أقول ياليت ...
كفايه المشي بينزل وزنك وبيخفف كرشتك وعلى ضمانتي ..ولك تحياتي ..

طيب حبيبتي انا جبت بنتي الولى قيصري وعمرها6 شهور حملت وجبت الثانيه قيصري بعد..
ولي سنه ونص استخدم الحبووب وتعبتني تنصحيني اسيبها ..
لو حملت ماراح يكون فيه تعب وضرر على العمليه ؟؟

جووووووووووووود أنا حملت ببنتي الثالثه والثانيه عمرها سنه وشهر وحملت بالرابعه والثالثه عمرها سنه و8 شهور وحملت بالخامسه وعمر الرابعه 6 شهور فقط والحمد لله بخير ونعمه الله يحفظ بناتي ويرزقني برهم يارب

بالنسبه للحبوب أتركيها وإستخدمي العزل أو أشرطة التبويض الين تكملين سنتين وبعدها إحملي عادي بسسسسسسسسس عشان التربيه صعبه وتحتاج جهد كبير ..ولو حملتي قبل ماعليك بااااس بإذن الله ..

جزاك الله خيرا