للرفع للفايدة
الله يجزاك خير

جزاكم الله الجنه وأثابنا جميعا على التعب والبلاء ..

بالنسبه للكرش حلها الوحيد تخفيف الوزن وعدم أكل النشويات بكثره والمشي والله تخف وبشكل قوي أنا مجربه أما غير كذا ماأقدر أغامر وأضحي بصحتي ..

فتات ..
والله لو تجربين النصفي تطلقين الكامل بالثلاث لااااااااااا مقارنه حتى الدكتور قالي هذا ماله أي مضاعفات وتطلعين من العمليه تضحكين أنا لما ولدت بولادتي الخامسه كانت معي سودانيه بتسوي ولادتها معاي وحتى هي القيصريه الرابعه أو الخامسه ماأذكر وحامله هم البنج الكامل لإنها تتعب منه ونصحتها بالتخدير النصفي وطلبته والله إنها طلعت من العمليه وأنا برا غرفة العمليه أنتظر دوري تضحك وتدعيلي ومتحمسه تقول بعد كذا بأطلب نصفي وناسه .. أحسن ياقلبي لك ولصحتك الله ييسرأمرك يارب ..

أختي ألمى جزاك الله خير على موضوعك القيم


انا موعدي باذن الله بعد 9 ايام القيصرية الرابعه

كل عملياتي كانت تخدير كامل

وهالمره ترددت كثيير بالنصفي واخترته وبالاخير فضلت الكامل تدرين ليه

لأن قلبي ضعيف وماظن بتحمل جو العمليات :(

لكن الصراحه مازال داخل مزاجي حتى الدكتور ماخلى شي يقنعني فيه بس زي ماقلت لك خااايفه من جو الغرفه اكثر من خوفي من العمليه نفسها

طيب الحين سؤالي

بما انك رابع قيصريه اخذتي نصفي وزي ماقلتي ان كل عملية تطول عن اللي قبلها كيف قدرتي تستحملي جو العمليات مدة ساعتين ؟!!

وشي اخر كيف تقطعين وقتك وقت العملية

طيب مع شدة الخوف ماتحسي بقوة ضربات القلب لدرجة الاختناق << هذا اللي شايله همه

الدكتور قال لي راح يجيك شوية صداع من اثر النصفي هل حسيتي فيه وهل هو شديد او صداع عادي

طيب ماجاك رجفة بررد من شدة التكييف حقهم << مدري ليه غرفة العمليات باردة

ياعمري ازعجتك عارفه بس نفسي اسوي نصفي واتغلب على ضعف القلب

جنان ..
ياقلبي مافيه نقاش النصفي أفضل أنا بولادتي الرابعه رحت مستشفى خاص متعمده ودفعت 10000 ريال فقط عشان البنج النصفي ولما جاني الدكتور بعد الولاده يشوفني قالي أحسن شي سويتيه إنك إخترتي البنج النصفي وقالي بعد كذا لاتسوين الا ببنج نصفي وقال بالحرف الواحد ( لإن البنج الكامل ممكن ماتقومين بعده أبدا أما النصفي إن شاءالله ماتخافين منه ) وقعد يشرحلي كيف إن الدول المتقدمه الأجنبيه كلها منعت في الولادات البنج الكامل إجباري مو إختياري ..
حبيبتي توكلي على ربك ولاتخافين وفي وقت العمليه إقرأي الأذكار ولاتفكرين فيهم خلي زوجك جنبك أو ممرضه أو إقرأي قرآن وكلمي نفسك وقولي مافيه شي يخوف وأحسن لي أرتاح وماتجيني إن شاء الله مضاعفات وأشوف طفلي وبعدين ولادتك الرابعه يمكن تاخذ أقل من ساعه وإذا بردتي قولي لهم أنا بردانه ولما تحسين بكتمة نفس تذكري إن مافيك شي هذا مجرد خوف إقنعي نفسك بنفسك وصدقيني تروح تلقائي وماتحسين بشي وتذكري المؤمن القوي خير وأحب إلى الله من المؤمن الضعيف ..وعادة إذا خفتي مره يعطونك مخدر خفيف يدخلك عالم ثاني بسسسسسسسسسسس أنا متأكده إنك قويه وماراح تخافين ..
وبالنسبه للصداع ماجاني أبدا ولاحسيت بشي بعد العمليه يكون جزءك السفلي منمل ومخدر يروح تدريجيا خلال نص ساعه وتكونين بعدها مثل الحصان ..
الله ييسر لك يارب ويقومك بالسلامه وتشوفين طفلك وتكونين في قمة السعاده والراحه ..

up