مشكورة اختيو جزاك الله كل خير
أنا ولدت قيصري وكان اول حمل لي
الجرح عندي واااااضح مااختفى و الالم للان ماراح هل هذا طبيعي او لا ؟؟؟؟
مع العلم أني ولدت منذ 3 أشهر ونصف ؟
وكثيييير بيقولو انه اثار الجرح بتختفي
وهل صحيح أنه لازم عامين بعد القيصري حتى تحملي ؟؟؟؟
مشكورة مرة اخرى

حبايبي ..
بالنسبه للسن بين كل طفل والثاني كل ماطولتي كان أفضل أنا بين بكري والحمل الثاني أربع سنوات والحملات بعد كذا من سنه ونص لسنتين فقط ورا بعض ..مستعجله ماأدري ايش القصه ؟؟ خرجوا عيني بتربيتهم الله يحفظهم ..

والدكتور بالرغم من إنه قالي فيك إالتصاقات بس مامنعني من الحمل قالي فقط تغيرين مكان العمليه وكل شي بأمر الله ..

بالنسبه لنوع الخياطه ماأدري بس الثنتين الأولى خياطه عاديه بعد كذا أحسها خيوط تنحل من نفسها يمكن كبس لإني أطلع من المستشفى ولايحتاج أرجع إلا للضروره ..

المانع ..معروف بعد عمليتين اللولب يعتبر خطير وأي وحده تركبه تكون الدكتوره ماعندها ذمه .. أنا إستخدمت بعد حملي الرابع حبوب ياسمين لمدة سنه بعد كذا إشتريت أشرطة كشف التبويض وإستخدمتها وماشيه الحمدلله معي تمام ..

ولاداتي ..الأولى والثانيه والثالثه والخامسه بمستشفى أبها العام ممتاز جدااااااااا الرابعه فقط في مستشفى أبها الخاص عند الدكتور الأمين غني عن التعريف عند أهل الجنوب خاصة ..

بعد البنج الكامل تحتاجين من ساعه إلى ساعتين عشان تصحين وطبعا كل ولاده يطولون فيها أكثر من اللي قبل أنا ولادتي الرابعه إستغرقت يمكن ساعتين بالرغم إنها على بكري يمكن ماخذت نص ساعه وخلصت ..والبنج النصفي روعه عيونك كأنها فناجيل مايحتاج ..

البطن مع الولادات القيصريه يتهدل وينزل تحت ويكبر عن حجم البطن بعد الولاده الطبيعيه لكن أنا جربت لما كنت سمينه كان كبير بزياده ولما نزلت وزني صحيح إنه مازال كبير نوعا ما بسسسسسسسسس راح نصفه وصار معقول ومايبان في بعض الملابس خاصة البف منها ..وبصراحه أنا بعد خمس ولادات لايمكن أغامر وأسوي رياضة بطن أخاف تنفتح أو تضعف العضله ويصير شي من الداخل ماأشوفه ..والله إن المشي أروع رياضه للبطن والتخفيف قدر الإمكان من النشويات يخفي البطن ..

إاللي خلصت 3شهور ونص مازالت تشعر بألم يمكن أنتي تقومين بجهد كبير سواء بالبيت أو على أطفالك وعلى العموم إذا كان العمليه سليمه من برا وخليتي أحد يشوفها وقال تمام إن شاء الله ماعليك باس وإذا إستمر الألم روحي الطبيب وخليه يفحصك فحص دقيق ويطمنك عشان ترتاحين ..

إاللي سألت عن أثر العمليه حبيبتي هذا فتح لجدار البطن لازم يترك أثر بس مو كبير لاتحاتين وبيروح مع الوقت وجدار البطن يضعف جدا لبعض الأشخاص وهم والدين طبيعي خلي عاد عمليه أنا باقي ماعلي إلل بكري كان تجيني تقلصات غريبه بجدار البطن وقالت لي الدكتوره عندك ضعف شديد بجدار البطن ومايصلح تحملين كثير والحمد لله حملت وولدت بعدها ولاأحد قالي إنه ضعيف مايتحمل ..

وتقبلوا حبايبي خالص حبي وتقديري ..

الله يجزاك خير

معلومات مهمه
رفع للفائده

مشكورة على جهدك بس ياليت نشوف حل لازالة الكرش بعد القيصري لانه اخت زوجي مسكينه ثاني قيصرية صار لها بطن يروع كانها بالشهر الخامس وهي والدة لها عشرة شهور
ودي نتكاتف ونوجد حل للكرش خاصة القيصري

الله يجزاك الجنة
انا ولدت قيصري مرتين بنج كامل بس اتوقع الثالث نصفي لان جاتني حساسية بالشعب الهوائيه اعرف اللي عنده مشكله بالصدر ماتتحمل البنج الكامل ذا عندك. معلومة افيديني