الله يهدي سركم يا رب

حبيبتي احمدي ربك على زوجك بس اسمعي كلامي ارجعي زي ماكنتي باول زواجك نفس المراه الاولى لم اخذها يمكن بعد الاولاد يحس بلغيره منهم الرجل مثل البيبي يب حنان وعطف ونتي تقولين اني اسوي خير بامه هذا دليل انه يغار حتي من امه لانك مهتمه فيهاارجعي المره الي تهتم بزوجهاخليه بلمرتبه الاولي والله يحفظكم من كل شر اختي

الغاليه كل المطلوب اشوية تجديد...
وغير هذا العشره تبين بعض الامور...وصعب المجاملة وايد بالحياة الزوجيه...لازم مرات مانتحمل ونتكلم بصراحه...بس اول باول ماتخليه يتراكم وينفجر بغير وقته على شي مايسوى..
واذا على طبع زوجج ..فهو عادي لكونه رجل..
زوجي كلام الغزل عنده صعب بس مثل ماقلتي اي شي احتاجه بحصله واحسه يحاتيني ويخاف اذا صار علي شي..
الحين انا حامل وهو حاس اني تعبانه..ويجيبلي اللي اباه من اكل وغيره..بس يضحكني ويقهرني بنفس الوقت...انه يحاسبني على تقصيري ببعض الامور...
ووايد وايد اشياء بعبيلج صفحه كبيره..ويتني فترة مثلج...كنت متضايقه واشتكي ومخنوقه خاصة اني كنت بمشاكل مع اهله...بس يوم صفى الجو...رديت آخذ الموضوع من صورة ابعد...الريال زين..مصلي وصايم ويخاف ربه فيني...هذا الشيطان بس مب عارف كيف يخربها..ويخلينا اندقق ونتحسس من امور صغيره....
مابقولج هالامور ماتضايق هي تضايق وخطأ منهم...بس كلميه فيها واتناقشي بس انتبهي لاتخلينها سبب لزعل او مشكله

واعتذر عن الاطاله

مشكورا بنات حواء كل من ردت وكل من دعتلي وكل من نصحت نصيحة طيبه
برجع لكم وحده وحده .. بعد ما أكمل..

كل البنات اللي قالوا اني داشه افضفض واني متضايقه حزة كتابة الموضوع..
معاهم حق أنا البارح فعلاً كنت حزينه ونوعاً ما مصدومه في الحياة..
بعد ما كتبت الموضوع وحسيت اني فرغت شوي .. بديت افكر بشكل مختلف..
أو يمكن بديت اتنازل بشكل مختلف!!

انا امر بضغوطات نفسية .. احس اني مستهلكه! من جد! وزوجي ما يرحمني
أنا احبه حب جنوني لكن كثر الدق!!!!!! عموماً خلوني اكمل لكم بعض
التفاصيل اللي خلتني اتغير! وبالتالي تتغير علاقتنا

للمعلومية بنات احنا متزوجين تقريباً سنتين.. ومافي فتور سافرنا كثير وحياتنا
كلها فعاليات وما يمر علينا شهر روتين! (هذا قبل ما انا اتغير).. عموماً

زوجي يا بنات مثل ما قالت وحده من الأخوات هوس نظافه! ودقيق على كل شي!
هذا عااااااادي تفهمته من أول شهر! وما كان عندي أي مشكله! بيتي كل من دخله!
يقول احس اني داش لوبي فندق! دايم البلاط يبرق وكل شي مكانه ومستحيل عداوة
بيني وبين الغبار!!! طبعاً مافي داعي اقولكم كل هالحرص عادي يدش! يقول ترى
في بصمة يد على الشباك!!!! يعني أحد سكر الشباك وعلمت ايده على الزجاج!!

زوجي من النوع اللي اذا قلتي له الله هاللوحة جميله!! يقول بس إطارها بشع!
قلتيله سبحان الله كيف هالورد الجوري أوراق ملتفه على بعضها!! بيقول بس يذبل بسرعه!

دائماً يشوف الشي السلبي! .. (عكسي تماماً)
ومافي مشكله هذا كله لأني انا عكسه تفهمته وشفت سلبيته! بشكل إيجابي

اللي قالت لي أنتي بري بأمه من غير ما تنتظرين كلمة شكر!
ماهي مشكلتي انه ما قال لي شكراً .. ولا عندي عتب لأنه ما شكرني!
أنا ما لحقت أسوي شي حد يشكرني عليه ما امداني !!
أنا مشكلتي كانت انه تضايق مني لسبب (اني ما نسقت معاه) وترك اني
فعلت ذلك لسبب اجمل!

بتقولون يا شييييييييييخه الرجال وش عرفهم والرجال! انا زوجي يعرف وهني
تكمن المشكله!

زوجي نوعه! إذا قلتله بزور صديقتي يقعد معاي يخطط ويعطيني مقترحات وش ممكن
اشتري لها هديه وش ألبس!! إنسان إيتيكيتي ويعرف الذوق

الناس اللي يهموني يسابقني بأنه يوجب لهم!!!
يقترح علي دايم اني أعزم اهلي عشان يقعد معاهم!!
ولو رحت لهم زياره يمرني هناك ويقعد معانا ويسهر مع اهلي

ما عنده مشكله إنسان متفتح ومنفتح على الناس!! يمكن يستانس أكثر
مني إذا صارت عندنا في البيت جمعة اهلي!!

ما علينا من هذا كله! صرت احس اني دائماً في تشويش!
بنات بدون مبالغه انا عمري ما شكيت لأحد! انا متعوده انه الناس
تشكيلي هموماً وتطلب نصيحتي! دائماً مكالماتي مع اللي حولي
استشارات وحل مشاكل! ما توقعت ايي اليوم اني مب عارفه كيف
احل مشكلة يمكن يكون تصنيفها (تافهه) بين المشاكل الجدية!

لكن بالنسبة لي انا اشوفها كبيرة علي اني اطيح في هالمطب!
ومثل ما يقولون غلطة الشاطر بألف!..

احس وصلت لمرحلة انه ما يهمني ! زعل .. رضى؟! تغدى ولا لا!!!
وهذا يمكن يكون رد للبنات اللي يقولون جربي تدلعينه وهو مدلعج فقط!

من تزوجنا وانا ماخذته على كفوف الراحه.. وأحب دايم أشوفه مرتاح
.. يشكيلي ويشاركني كل همومه، يشاورني حتى بتفاصيل عمله
واشتغل معاه في البيت واشاركه في كل شي..

من يدش انا معاه وتركيزي كله له، مب تصنع او عشانه لا
لأني أحبه ولا اقدر أكون غير ذلك..

علاقتنا طبيعية وصحية! إن كنت راضيه له عيوني المركبة
وأنواع الغزل! ما يمر يوم ما يسمع مني كلام حلو لأنه طالع
من قلبي قبل لساني!! وإن كنت زعلانه أو متضايقه اعاتبه
ولا اخلي المشكله لين تنحل! مافي اي تصنع في حياتنا عايشينها
بكيف ما هي !!

انا قاعده أردد مزاياه ومزايا علاقتنا مع بعض عشان تعرفون وش انا فقدت!
أو افتقدت! اكتبها عشان اذكر نفسي فيها! عل وعسى
يرجع كل شي مثل ما كان..

أنا فاقدة أبوي من سنين! وهالإنسان حسسني انه هو عندي ولي وسندي
رجعلي احساس فقدته مع ابوي!! الله يرحمه!

بنات هذا زواجي الثاني وكان لي زوج أول عانيت معاه وعشت الجحيم متمثل في حياة!!!!
انوع اللامبالاه وانواع الإهمال! وضاعت أيام طفولتي مع شخص رفض يعتقني بحجة انه
هو يحبني! يمكن هالشي أثر علي مع زوجي! بأني أحيان احس بخوف من تملكه الزايد

بنات لو أروح بيت اهلي اقعد ساعتين من غير ما اتصل فيه يسويلي سالفه!!!
لو لأي ظرف كان!!!! طلعت لسوق عيادة .. ألقاه شايل بخاطره مع انه قال لي روحي
وعادي ومن هالكلام!! ويقعدلي صرتي تحبين تروحين بدوني!! وانتي ما تحبيني!!!
ومن هالكلام!

هذا كله ماعلينا منه!.. صرت احس بضغط نفسي

صلاة الفجر! يا بنات بروح اصلي

اسمحولي على الفضفضه الزايده لكن
التفريغ جزء من العلاج .. وعساكم على القوة
واحبكم في الله يا بنات حوا ..

معليش يااختي انت هدا موعاجبك اللي مهتم فيك لاقصى الحدود واخدتي اللي قبلة غير مهتم فيكي
ايش تبين