wt ever :

والله يا اختي تضايجت و انا اقرا موضوعج .. لانج في نعمه مش عارفه قدرها .. اعرف وحده مثل وضعج بالضبط .. تزوجت واحد و صاروا يحبون بعض و علاقتهم صداقه مش زواج وايد متناغمين مع بعض و هو الكل حسدها عليه يوم شافوا كيف قايم بواجبها وواجب اهلها حتى خواتها يوديها وياهم يوم يجهزون لعرسهم و عادهم خواته .. و طبعا هي محترمتنه و مسويه له قدر كبير و اسلوبها حلو وياه ,,, طبعا هو له عيوبه اخس عن زوجج لسانه طويل يعني يمزح معاها مزح ثجيل .. يعني زوجج حليله يتضايج هذا لا تسوي الشي زين ايي بيمزح وياها يعميها .. و هي الله يهداها قامت تشوف الاشياء التافهه مشاكل و بدت تحط في خاطرها لين انفجرت اخر شي ... لين بالاخير صار الي محد توقعه و تطلقوا ... بعد عشر سنين الظاهر .. شو السبب محد قدر يحدد سبب واضح .. تقول نفس كلامج بالضبطططططط والله يا اختي نفس الشي بس بطرق ثانيه .. و هو طبعا نفس زوجج لقى منها نفس الي قاعده تسوينه الحين .. صح ردوا لبعض على طول .. بس علاقتهم ابد ما رجعت مثل قبل يا اختي والله اني عيزت الاقي عيب في زوجج .. الي تشوفينه عيوب هذي بكل بساطه اطباع الريايل .. و الي فيج طبع الحريم .. هم ما يدانون الرمسه الزايده و ما يدانون التخشيش والله جنج ترمسين عن ريلي .. حركة ييب و بع دين تعرف هذي تجلطه .. و الاساسيات ما فيه مشكله مهما كلفت بس شو تبين بالكماليات ... يا اختي هذا رياااال و هذا طبعه .. موب عيب فيه و انتي دام ريلج هب مقصر فيج قدري منه و بادليه بالتنازلات لين تصيرين وياه على خط واحد ... ترا والله اذا خربتي علاقتكم بحركات الحريم هاي ما بيرد وياج شرا قبل .. الحين البنات يالله تلاقي ريال مصلي و صايم و انتي ماشاء الله لا حول ولا قوة الا بالله محصله ريال حنون و طيب و على دين و فوق هذا بينكم صداقه والله اخاف هذي عين صايبتكم مثل الي كنت اكلمج عنها .. ارخي على ريلج و تعلمي من المواقف هذي شو يضايقه ولا تسوينه .. و شوفي كيف بترتاحين حتى لو بالاول حسيتي انج ضاغطه على عمرج على فكره الريال ما يعبر عن حبه ب الكلام لا بالتصرفات و ريلج مثبت موب بس حبه الا حب كبير و معزه كبيره بتصرفاته ... ووالله و عن تجربه يا اختي .. اذا ما حس منج انج تقدرين هالشي و تبادلينه الشي والله تتغير نفسه عليج و ما اظن يرد معاج بعدها مثل ما كان

والله يا اختي تضايجت و انا اقرا موضوعج .. لانج في نعمه مش عارفه قدرها .. اعرف وحده مثل وضعج...