بقولك سر غريب نبهت عليه طباخة مرة ببرنامج طبخ
انك ضروري تغطي القدر اغلب الوقت قد ماتقدري انتبهي حتى تحتفظي بالنكهة

ونصيحة البصل قطعيه شرائح رفيعة جدا افضل والنار الهادية وقت التكشين سر خطييير جربيه
واول ماتبداي التكشين اضيفي الزيت بكمية مناسبة لاتكون قليلة لاوسط
وضروري يسخن زين يسير حار وبعدها اضيفي البصل وغطي القدر
وخففي الحرارة لاخف درجة 4 دقائق تقريبا بعادها اضيفي الماجي ولبهارات والكمون و1الليمون الناشف خليها برضوا 5 دقائق وبعدها اضيفي الدجاج وخليه يتسبك على نارهادية فترة 10 دقائق وبعدها اضيفي الطماطم المطحونة فترة
وانتبهي لكمية الماء تقريبا لكل كأس رز كاستين ماء فقط
ووقت ماتضيفي الرز خليه على نار عالية 5 دقائق وبعدها نار هادية جدا واضيفي 2فلفل حار

اما المعجنات الزبادي والحليب البودرة يعطيها طراوة
والفرن ضروري يكون حااار وقت ادخال الصينية وبعد اخراجها على الحافظة فترة بسيطة لاتطولي

الله يساعدك
شفي انا لازم انقع الرز (الشعلان او ابو كاس او الوليمه ) بمويا حاره قبل الطبخ بساعه بصير الرز مفلفل و الحبه رويانه
البهارات اذا كان ابيض بس الكبر ٣ هيل و ٢ اعواد قرفه و٣ قرنفل بس ورق غار
كثرت البهارات مو زين
واطبخ بالكاتم واقيس المويه على حسب كاسات الرز وازود كاس موايه واحد لطبخ
ويطلع الطبخ من احسن ما يكون
اذا كان كبسه حطي صلصه يكفي عن الطماطم

ياقلبي والله كنا مانعرف نطبخ لكن مع الوقت تعلمنا والأصرار والعزيمة أهم شي لولا الفشل مانجحنا ياقلبي....
شوفي أمك أو أحد من أخواتك يعلمك الأساسيات ويكون التطبيق عملي وأنتي معاها عشان الكلام مو مثل الفعل ولو شفتي الطريقة قدامك ماراح تنسيها وصدقيني مع الوقت بتتعلمي والمنتدي ماقصروا البنات اللي فية الله يوفقهم ويسعدهم طبقي من الطبخات وألتزمي بالمقادير أهم شي وبيضبط معاك أن شاء الله,,,,,,

بالنسبة لطريقتك بالكبسة
احذفي الطماطم
راح تدعين لي
هو اساس المشكلة

اما حطي صلصة اذا تبغين الرز احمر..والا لاتحطي شي

الشي الثاني
الرز محتاج تنقيع
لازم تنقعينه ع الاقل ساعة قبل الطبخ
وكل ماتنقع اكثر كل ماصارت الحبة رويانة اكثر

اخيرا
بما انك تشيلي الجلد
فمويتك محتاجة زيت او زبدة او سمنة
انا افضل زيت دوار الشمس




وحاجة تزيد الرز لذاذة
البزار اللي فوق الرز

احمسي بصل جوانح بزيت غزير شوي
وبعد مايتشقر
ضيفي الزبيب وكركم وقرفة مطحونة وليمون اسود مطحون
حركيه شوي
وصفيه من الزيت

اذا شرب الرز ماه وبان
وزعي البصل على وجهه مع قرن فلفل حار وحركية وسكري عليه
بيضيف لك نكهة خيالية ع الرز

طبعا اذا جيتي تقدمينه
شيلي البصل مع الطبقة الاولى من الرز
وبعد ماتحطين رزك بالصحن وزعي البزار عليه ويممم



فيه طريقة صنية مكرونة طحت عليها وانا عروس لانه مظموووونة
اسلقي مكرونة اسباقتي بملح وزيت فقط وخلي الموية زايدة شوي عادي

وحمسي بصل مفروووم وجزر مبشور بزيت وخليك كريمة مثلا بصلتين و10جزر وكل مازاد الجزر زادت لذاذة
بعد ماتستوي المكرونة صفيها من الموية ع الصنية
وجيبي الكشنة وحركيها زييين مع المكرونة

بعدين اخلطي علبة قشطة ونصف كاس جبن سايل الصغيرون واذا تحبون الجبن زيديه
ووزعيها ع وجه الصينية

ودخليها الفرن من تحت واذا تحمرت حمريها من فوق لحد مايتشقر الجبن ووبس
لذيييييذة امووت عليها


الله يسعدك ويوفقك وتصيري امهر شيف ويرفعك بعيون اهل بيتك يااارب

الشهر مبارك
وكل سنه وانتي طيبه
ولا يهمك كلنا هنا للمساعده
ردوا عليك عضوات وردودهم كويسه
ادخلي ملفي الشخصي وبتلقين دوره عن اطباق الارز
بالمقادير المضبوطه ميه الميه
حتى رز البيشاور اللي الاغلب ما يغرقه يطبخه ؟؟,,, تلقينه في دورة اطباق الارز بتصوير فيديو
مستعده اتابعك واسألي على كيفك ,,,,, تبيني احفظ رابط هذا الموضوع واشيك عليه كل يومين
والا تبين على لخاص
الخطوه الاولى ادخلي الملف الشخصي وروحي لدورة اطباق الارز 20 طبق ارز
بالتوفيق ان شاء الله