السلام عليكم ورحمة الله
اول شي حابه اقول للي بيعلقون على موضوعي وعارفه تعليقاتهم ...
النحيفه تعاني بالضبط مثل ماتعاني السمينه والموضوع حساس عند الاغلبيه مابقول الكل ...
ونعاااااني اشد المعاناه من التعليقات اللي نسمعها ... المشكله انه الناس تعلق علينا تحسب ان الموضوع عادي مايجرح وياخذون راحتهم بهالشي وقدام الكل ..
المهم مالنا بالطويله هذي خلطة تسمين ان شاء الله انها مضمونه ... والأهممم انها صحيه ...
بس قبل لا تجربونها لازم تتأكدون ان المكونات ماتسبب لك حساسيه ....
كل مافي الموضوع (مكسرات) ههههه شفتوا كيف السالفه سهله مره
روحي محل عطار تضمنين ان بضاعته نظيفه واختاري هالمكسرات بكميات بسيطه .. لوز ، جوز ، كاجو ، فستق ، حمص
هالخمسه تطلع حلوه مع بعض وخليه يطحنها ناعم ويخلطهم سوا
وبعدين اطلبي سمسم بس خليه في كيسه لحاله وانتي بعدين حطي شوي شوي ع الخلطه عشان لا يخرب طعمها لو كثرت .. بس حتى السمسم ضروري ومفيد
وخذي الخلطه ياحبيبة قلبي وحطيها في علبه قدام عيونك وخذي منها ملعقتين مع كاسه لبن او حليب عادي او بالشوكولاته .. اقل شي مرتين باليوم ... الطعم لذيييذ والنتيجه ان شاء الله تبان من ثاني اسبوع ... ولكككككن ضروري تحسنين اكلك مو بس تعتمدين على المكسرات ... هي فقط زيادة سعرات حراريه ....
اشياء ممكن تضيفينها في اكلك مفيده .. او لنقول منخفضة الضرر ،، ورح تزيدك سعرات حراريه
الموز .. بالفطور حاولي تدخلين الاشياء الدسمه مثل ساندوتش زبدة الفول السوداني مع مربى .. قشطه مع عسل .. زيتوووون مفييد ...بيض .. شاي مع حليب ..
بين الوجبات اشربي حليب تشوكليت او كلي شوكولاتات .. ع القهوه حطي طحينيه وسمسم على التمر ..
في السلطه حطي ذره وزيت زيتون
مره وحده كتبت موضوع ان الفطور مهم مهم مهمممم للي تبي تسمن .. ولازم يكون بدري الساعه ٦ او ٧ الصبح هالشي رح يخلي شهيتك مفتوحه طول اليوم .... ولو مستعجله كلي ان شاء الله كيك مع حليب المهم تاكلين شي بهالوقت
ايه صح شي مهم الفيتامينات
فيتامين سينتروم مره ممتاز لو اخذتيه اثناء الوجبه يفتح شهيتك شي بسيط
اللي تستفيد من الموضوع تدعي لي ربي يفرج همي وييسر امري
ياسمين88 @yasmyn88
عضوة نشيطة
يلزم عليك تسجيل الدخول أولًا لكتابة تعليق.
حنين&
•
فعلًا المكونات اللي ذكريتها ممتازة لزيادة الوزن بطريقة صحية ولازم كل وحده حاطه في بالها اكتساب كيلوات اضافية تكون عن طريق زيادة في عدد السعرات الحرارية بغذاء صحي لتحافظ على صحتها وتتجنب الامراض المزمنة .. وشيء رائع لو تمارس الرياضة راح تلاقي نتائج مرضية .. ومن الطبيعي إذا عند أي شحص نقص في الفيتامينات والمعادن راح تقل الشهية والاقبال على الطعام لذا التغذية السليمة والمكملات الغذائية تعتبر حل أكيد لترجع الشهية لمستواها الطبيعي. والله يعطيك ألف عافية حبيبتي على هالموضوع الجميل .فعلًا المكونات اللي ذكريتها ممتازة لزيادة الوزن بطريقة صحية ولازم كل وحده حاطه في بالها اكتساب...
الله يعطيك العافيه إن شاءالله راح اجربها
ياسمين88 :
بالتوفيق لكم يارب جزاك الله خير اماني فيصلبالتوفيق لكم يارب جزاك الله خير اماني فيصل
آمين وإياك غاليتي..
وننتظر منك الجديد المفيد.
وننتظر منك الجديد المفيد.
الصفحة الأخيرة
ولازم كل وحده حاطه في بالها اكتساب كيلوات اضافية تكون عن طريق زيادة في عدد السعرات الحرارية
بغذاء صحي لتحافظ على صحتها وتتجنب الامراض المزمنة ..
وشيء رائع لو تمارس الرياضة راح تلاقي نتائج مرضية ..
ومن الطبيعي إذا عند أي شحص نقص في الفيتامينات والمعادن راح تقل الشهية والاقبال على الطعام
لذا التغذية السليمة والمكملات الغذائية تعتبر حل أكيد لترجع الشهية لمستواها الطبيعي.
والله يعطيك ألف عافية حبيبتي على هالموضوع الجميل .