خيانـــــــه .. في خيانـــــــه . في خيانـــــه <<>>

هذى قصه بنت كسرت خاطرى قلت انقلها عشان تدعون لها
حالتي حاله
وقلبي ضايق محتاس

قلبي مكسور من هم استقر باقصاااااااه وتمادى
كله من اسباب من عطيته قلبي وكياني

ايوه هذه حكااااااايتي يا الشقارده يوم حبيت ..

ابشركم حبيت واحد وانا اللي ما اعرف احب غير امي وابوي

انهبلت وطحت واقفه وحبيته

حبيت ولد جارنا (( سليمانوه ولد صنان المنتهي ))

شاب صدق انه شين مرررررره
وقصير بالحيل
وشعر وجهه مغطي ثلاث ارباع خشته
بس حبيته

هو اللي خلاني انهبل واحبه

تخيلو كان كل يوم الساعه ثنتين وقت الغدا يجيب من قدر غداهم مرقوق علشان بس افتح له الباب واشوفه

كان ينتظرني كل صباح عند باب البيت وانا طالعه للمدرسه ويجدع علي علبه سن توب
ياما طاردني بسيارته الهايلكس موديل 78 لوحتها حمراء

ياما تغافل السواق ورمى لي مع شباك السياره صورته وشريط محمد سليم

بعذري لا حبيته

كله كوووووووم وشباك غرفته اللي مقابله زريبة ابوي كومين

كنت كل ليله اروح للزريبه اودي باقي الاكل علشان اطل عليه من الشباك

كنت اسمع منه كلام يودي بداهيه
لحس مخي وطير عقلي وهد حيلي

مره من المراريت رحت بيتهم اودي كرتون برحي ابوي خارفه من مزرعتنا بعنيزه
من اول ما نغزت الجرس ذابت اصابيعي على جرس الباب

سمعت صوته يقول يا لبيه ...........؟؟

واااااااااااااااااووو
ضاعت علومي

فتح لي الباب ومن الربشه طاحت الطرحه من على راسي ورفعت راسي يعني اني بتغطى وانا والله ما نويت

ناظرني بعيونه
عيونه تسحر <===== يا لون الغمص فيها جذااااااااب

زادت نبضات قلبي
اعتفست شرايني
اختلط كريات الدم عندي

صار لوني كحلي وهو من اول اصفر من الوله
نطق وقااااااااااااااال :- هلالالالالالالا عمري

يا ويلي ويلالالالالالالالاه ..
وانا ناااااقصه

سمعت صوته نشف ريقي
لصق لساني بلهاتي
بقول هلا بك يا بعد عيني ما قدرت
بس اشرت له بيديني وفهمني <==== والله ما ضني فهم شي

من زود الحيا رميت كرتون البرحي عند درجتهم ولفيت بدلع وغنج وقلت فمان الله حبيبي <===== واعيباااه مدري وشلون طلعت

بعدها بساعه دق تلفون زريبتنا <=== سنترال بكل غرفه خط حتى بالزريبه خط

المهم رفعت وقلت هلالالالالالالا
قال هلا بك

روااااااابي
قلت ايوه مين
قال انا جاركم

قلت اي جار
قال حبيب القلب

قلت ايوووووووه وهل يخفا القمر

هلا بك يا بعد كل من لي

قال يعني انتي مثلي رايحة فطيس بحبي
قلت لا يا بعد مصاريني
انا اللعن منك بس مقدر اعبر

قال طيب وش رايتس باااااتسر الضحى اخر الليل العصر نطلع جميع نتمشى بسوق الغنم

ناوي اشتري لامي ناقه وابيتس تختارينها معي
وفرصه بعد ما نشتري الناقه نمر ماكدونالز نتبادل السواليف <=== واخزيااه بس

قلت ابشر يا بعد كل نياااااااق الرياض وبعارينها
ابشر يا كل الحب <==== والله اني خطيره بقوووووه

المهم قفلت منه وطلعت على الموعدد

ركبت الهايلكس طبعا تمركزت قدام<==== ياحسره هي اصلا غماره وحده

المهم مسك يدي
وانا يعني اني استحي
سحبت يدي بشوييييييييش من يده

ورجعتها ابيه يمسكها مره ثاانيه بس للاسف ماعندك احد<=== هذا اولها ماعنده سالفه

المهم هو ما تكلم طول الطريق
وانا كمان ما تكلمت

بس كان معي منديل فاين اصفر ومغير امسح عرقي من الحيا اللي صاااااابني
وصلنا اخيرا لسوق الغنم

كان لابس فروه
خفت على فروته تتعرفط وتصير ريحتها غنم <=== وهي ريحتها من قبل سمك

قلت له حبيبي سوسو<===== اسمه سليمانوووه
قال يا لبيه يا بعد سوس اسناني كلها

قلت عطني فروتك احضنها علشان ما تتوسخ
طبعا ما صدق شال فروته وعفسها وجدعها على رجليني ونزل

ظيمت الفروه بقووووووووه
يا ويلي وش حاط بجيب الفروه

طبعا لاني حبيبته امووووون فتحت جيب الفروه القدامي

يا تسبدي وش لقييييييت ........؟؟

صوره بنت لها جديلتين وعيونها زرق وسمراء
مكتوب ورى الصوره

حبيتك لاخر قطره
(( معيظه )) بنت عمك


خاااااااااااااين

خااااااااااااين

خااااااااين

خداااع

مجرم

متوحش

ورميت فروته بوسط السوق وركبت مكانه بالسياره وشغلتها
الحمد لله اني اعرف اسووووووق<=== خبره دوجه بران خمس سنوات

وطبعا على طوووووووول وقفت عند اقرب مصلخ يذبح غنم
قلت له

تكفى انا حبيت واكتشفت ان اللي احبه خااااااااين وغداااااااار

الله يخليك ابيك تصلخ اللحين وهالحزه راس بعيرين يحبون بعض بقووه قدامي علشاان ابرد تسبدي
قال صاحب المصلخ طيب واذا لبيت طلبك وش تعطيني

قلت ابشر بعطيك هالهاااايلكس اللي انا جايه فيها

ماقصر لبى طلبي والله

طلع لي بعيرين رايحين وطي من زود الحب وقشطهم قداامي

احسن محد قالكم حبو بعضكم وماااااحي..

وتوته توته خلصت الساااااااااالوفه

صدق الرجاله مالهم اماااااان
وانا وخشتي توووووبه ان حبيت نوبتن ثاااانيه

لو اني عاشقة لي بعير ابرك لي ..