يا الغالية
باكتب بس أتمنى ما تزعلي وتضايقي من كتابتي
الأساس انتي وأبوهم تعدلوا بيتعدل كل شيء
صح جيل هذه السنين متعب جداً وشقاوة ولكن
إذا الهدوء من الأم والأب صدقيني لا شعورياً بيتعدل وضعهم
بنتك ما شاء الله مو طفله بنوته ربي يحفظها يعني فاهمه
خليها مسؤوله أقل شيء عن نفسها وانتي حفزيها والمكافأه ضروري
قولي لها انتي صديقتي وخلي اسراركم مع بعض استشيريها في اي شيء علشان تتعدل
يعني غرفتها مرتبه وأدوات الدراسة والأدوات الشخصية من شرابات وشباصات...الخ مرتبه بدرج وانتي ساعديها نهاية الأسبوع علميها على الترتيب صدقيني اخواتها بيقلدوها علميهم إذا احد أخطأ على أحد لازم تصالحي بينهم
وتعدلي سلوكهم أي شيء يضايقك احكي لهم اي قصه من خيالك وضعي بالقصه الجانب الإيجابي علشان يستوعبوا
او استخدمي خاصية الصح والإكس ضعي ورقه خلف الباب او اي مكان واكتبي الأسماء واي طفل عمل اي شيء صح يعني حتى لو أكل تمام كافيئه بعلامة صح والعكس اي شيء سلبي ويضايقك اعملي اكس وبعدين اخبريهم انك
بتشوفي قد ايه الصح وبتجيبي هدايا طبعاً يكون قول وفعل جيبي لهم كلهم هدايا حتى لو رمزيه من سوق الريال والريالين دفتر ألوان او ميداليات لسيارة طفلك او مقلمية لبنتك اي شيء تحسي انهم بيستفيدوا منه .
بس الله يرضى عليك اجتنبوا الدعوات عليهم اطفال فيهم البراءه والحب فرضاً احد فيهم تحققت الدعوة انتي وهم سليمين مو لاحقه عليهم يعني لو صار شيء فيكِ تشيلي وتأكلي وتقومي احمدي الله دائماً على صحتهم
انتي كمان تغيري بالتدريج دلعي نفسك وانبسطي والعبي معاهم نظمي وقتك قدر ما تقدري.

انا كل ما عصبت وجيت بدعي

على طول اقلب الدعوه زي مثلا بقول الله ياخذكم اقول الله يهديكم خخخخخخخ يمديكم عالامثله

الحال من بعضه لاكن مانقول غير الله يعينا على تربيتهم ويصبرنا ويرزقنا برهم
طفلي تعقد مني صار يدعي علي مش انا الي ادعي عليه من كثر مايسمع من هاالدعاوي مني
صرت احاول كل مابدعي عليه اقول بصوووت عالي يارب الصبر ولا حول ولا قوه الا با لله وعلى ذا كله صار يحط اصابعه ف اذنه من شان صراخي
يارب يعينا ويصبرنا ويهدي عيالنا،،،

الا الدعاوي يا اختي لا تدعين
انا الحمدالله ما ادعي على بناتي بس اجلس اتخيل اذا وحده منهم صار لها شي والله اني ابكى بكى اخاف افقدهم وعندي فوبيا
تخيلي جلست فتره وهالتفكير يجيني ان يصير لوحده منهم شي ما ادري هالحساس طبيعي في كل الامهات ولا كان انذار لي اني بفقد وحده منهم والله كلهم احبهم بس اللي توفت متعلقه فيني كثير وماتنام الا بحضني والكبيره الله يحفظها يارب متعلقه في ابوها وسبحان الله راحت قطعت قلبي يا اني تعذبت بس الحمدالله على كل حال
اسفه اني طولت عليك بس اللي ابي اوصله لك اجلسي بينك وبين نفسك وتخيلي من غير شر تفقديهم وش بيصير في حالك وقد ايش بتندمين على دعاويك عليهم
وشوفي حاولي تخليهم يساعدوكي بالشغل وكافئيهم بترتاحين شوي من كثر الشغل

مدري ايش اقولك


بس حزنت وربي على اطفالك


اختي


كل وحده فينا تتمنى ان عيالها يكونون احسن الناس علما وادبا ودينا واخلاقا

ربي اختارك انتي من بين ملايين الامهات عشان تكونين امهم

ليش تدمرين هذا الشي فيهم



اختي جاوبيني بس

ايش شعورك لو عرفتي ان بنتك تقول في نفسها ياليتك مو امي ياليت ام فلانه امي او ياليت اني بنت فلانه

بنتك الحين عندها شي ناقصها يخليها دايم تنظر لصديقاتها وكيف علاقة امهاتهم معهم


لاتوصلين بناتك لهذي المرحله

صراخك عليهم يخلي بينكم حواجز البنت بكره لو صار لها شي ماتقدر تجي تشكي لك






وطبعا هذا كوم والدعاء عليهم كوم ثاني


يااختي

برضو جاوبيني
من فين يخرج الكلام السيئ والكلام الحسن؟؟
كلها مخرجها واحد اللسان

فاللي خلاك تدعين عليهم يخليك تدعين لهم




انتي دعيتي عليهم عشان تريحين خاطرك لاكن للاسف

هذا انتي الحين تتعذبين وترجعين تتندمين وتبكين وين الراحه اللي كنتي تنتظرينها من الدعاء

هذا غير ان الدعاء راح يزيدهم اكثر يعني مارااح تخلصين دايم بيرفعون ضغطك

عكس لو دعيتي لهم ربي راح يهديهم لك ويعوضك وكلها فتره وترتاحين





واخيراا

انتبهي لايصيرون اولادك يذكرون منك هذا الشي وبعدين مايعطونك البر ولايريحونم في كبرهم لانهم ماراح ينسون هذا اللي سويتيه فيهم