انما الحلم بالتحلم

دربي نفسك على عدم الضرب بالتدريج وحاولي تفهمين نفسك وقت الغضب ليش اضرب وايش السبب

انا مثلك واكثر منك واحاول اعدل من طبعي واسئل الله مايواخذني
اذا دعيت عليهم استغفرالله بقلبي علشان مايسمعوني ويقولون امي هدت وتبتدي لعبة الاعصاب معاهم

الواضح عصبيتك الزايده من الشغل الله لايحرمك الاجر

حاولي تنظمين شغلك بالبيت نظفي الغرف وقفليهم واقعدو بمكان واحد راح يسهل عليك اشياء كثيره لان لعبهم بالبيت هو اللي يعفسه وحاولي الاواني تكون كلها بلاستيك استعمال مره وكل بعدين تكرمين بالزباله

خففي الشغل بالبيت راح تحسين بعيالك لان الشغل باعدك عنهم

الله يصلحهم ويخليهم لك يارب

اهلين لازانيا


تدرين ماراح اقول لك شي
باقول ارجعي اقرئي كلامك من جديد اللي كتبتيه

وانتي تقرئينه تخيليها وحده ثانيه مو انتي
وشوفي الصوره اللي بتنرسم بخيالك عن هالاطفال
وبعد ماتخلصين وتنقهرين وتبكين
ارجعي للواقع هالعيال للاسف عيالك وانتي اللي تسوين فيهم كذا

تخيلي اولا انهم امانه ربي ائتمنك عليها ولازم تنتبهين لها زي ماعطاك اياها سليمه كامله بدون اضرار

ثانيا تخيلي انك انتي وابوهم مصدر الامان في حياتهم
وين يروحون اذا مصدر الامان نفسه صار يبي لهم يبحثون عن الامان خارجه
ارحميهم
تعوذي من الشيطان
استغفري دائما
وبالذات اول ماتعصبين
روحي اي مكان على طول سكري فمك
واركضي لاي مكان لحالك لو الحمام
قفلي عيونك واستغفري
لو كنتي بحوسه بعزيمه
بوسط شغل مهم
وعصبتي والنتيجه بترجع عليهم
اتركي كل شي وروحي لحالك وسوي اللي قلت
لاترجعين الا وانتي صرتي اهدأ
بعد ماتعالجين نفسك وتصيرين وصلتي لهالمرحله الممتازه
ابدئي احضني عيالك داااااااايم
لو عصبتي لو انقهرتي مالهم ذنب والله في انهم 4
وان ماعندك شغاله
وانك تعبانه
مابيدهم شي يسوونه وماسووه
كل هذي ظروف حياتك هم مو مسؤولين عنها

بعد ماخلصنا منك وتعديل سلوكك
وانك ترجعينهم لاحضانك باللم والبوسات المستمررررررررررره
صدقيني بتلقين اشخاص جديدين بعد فتره
بتتعدل سلوكياتهم ونفسياتهم
وووقتها ارجعي ازرعي فيهم الثقه في النفس والجرأه وكل السلوكيات الحلوه
الطفل اذا حس انه مو محبوب يفقد كل شي له علاقه بالطفوله


سواء بالفصل او البيت او العائله


ابوهم ماعليك منه
انتي تزرعين لك انتي

تكفين كم ابو يهتم بعياله بالذات الخليجيين
ماعمم
بس نقول 20%
او ياالله لاتزعلون 50%

الباقين معناته عيالهم ينتحرون



انا وحده قدامك
زوجي حتى مايشوف عياله بعض الايام
انا اودي وانا اجيب
ااكل واشرب
واذاكر
واقابل
واكلم
واجيب اغراضهم من اغراض البقاله
الى المستشفيات
هو ان ذكرنا تابع بالتلفون


لا مو رجل اعمال
موظف عادي
بس تعرفين الرجال
يقوم بعد مانطلع
يروح شغله
ويرجع ينام والله احيانا مايدرون انه جا
ويقوم وهم يتجهزون للنوم
ان فزع معي فزع بالهواش عشان لايتاخرون عالنوم
ينامون هم انا اكمل اشغالهم برا وجوا البيت
وابدا اشغالي انا
لاني معلمه
وانتهي انام


انا زيك تجيني اوقات اكون تعبااااااااااااااااااااااااااااااااااااااااااااااااااااانه اكثر من العاده
وقت ضغوط
اعصب بس انتبه بالنص
العالم كللللللللللللللله وراي واشوف بس عييالي
كل شي في العالم ملحوق عليه
عيالي لا
مالهم الا انا
وانا وبس


كنت اضرب لوقت قريب
بس وقفت لانه كبروا وصاروا يفهمون ويتضااااااايقون وتوصل لانهم مايكلموني يحسون كرامتهم انهانت

وقتها انتبهت ان الضرب مو حل ولا هو علاج
صار عندي عقابين جديده
المخطئ خطأ كبير وهو فاهم وعارف مااكلمه ربع ساعه وبعدها نتناقش انا وهو


او اوديه لغرفه من غرف البيت هم عارفينها غرفة العقاب العقاب من 5 -10 دقايق

وبعدها نرجع نتناقش


عيالي صاروا يعرفون كلمة انا معصبه الحين ماابي اتكلم
صاروا يعرفون اكلمك بعدين
الحين مااقدر
صاروا يعرفون انا اسمعك بس مافيني اتكلم الحين
صاروا يقدرون لاني انا بديت اقدرهم

علما ان اكبرهم 10
واصغرهم 4 زيك بالضبط
وماعندي شغاله وموظفه
واشتكي من امراض الله بها عليم

لكن هذا مو ذنب عيالي ولا لهم قدره يشفوني ورفضوا
ولا لهم قدره يجيبون لي شغاله وعيوا

واخيرا طمنيني عنك وعن عيالك

فلذه اكبادج تدعين عليهم

والله لو ينتفون شعري ويخلوني مهبلوه مادعيت عليهم

غيرج يتمنى الضنى وانتي تدعين عليهم

باجر بتشوفينه ويمكن دعائج يجي بوقت استجابه

خافي ربج في عيالج

اسمحي لي لاتزعلين مني

حبيبتي ... حاسه فيك والله .. انا زمان كنت كذا وربي ان بنتي كانت تعاند اكثر ..

ولاتنسين حديث الرسول ( ان الله يعطي على الرفق مالايعطي على الشده ) تأملت في هذا الحديث كثييييييييير وفعلا التربية باسلوب لين وتعويد الاطفال باللين يجيب نتيجه افضل من الصراخ عليهم والله ماراح يتغيرون بالعكس يسؤون اكثر

وفعلا زي ماقلتي الصراخ يخليهم مساكين يخافون منك .. تخيلي الصدر الحنون في هالدنيا مايقدرون يلجأون له وين يروحون مساكين ..

الحل اللي ريحني ولله الحمد

كنت دايم اعصب عشان البيت والترتيب والنظافه قلت لنفسي ستوووووووب يعني الحين البيت اهم من عيالي ..
بكرة اذا كرهوني او سببت لهم عقد نفسيه كله عشان احصل على بيت نظيف ومرتب 24 ساعه

هنا كانت نقطة التغير ..

كل شيء بالطقاق الا عيالك ..
وفي نفس الوقت حاولي ترتبين الامور حولك وتخففين عليك الشغل
علميهم يرتبون تخيلي بنتي الكبيره ثالث ابتدائي والى الان تحوس بس طول الوقت اقولها ارفعي العابك عشان اعرف العب معاكم


صار لعبي معاهم زي المكافأه ما اقولك طول الوقت يرتبون لا والله

بس انا نفسي صرت اهون من قبل .. زمان كنت ما بي ابوهم يدخل ولعبه على الارض والا الصاله فيها حوسه او اكل الحين بالطقااااااااااااااق ... اذا يبي نظافه وترتيب كانه فندق يجيب لي شغاله والا يساعد معاي ..

غيري تفكيرك صدقيني بترتاحين ...اي مصدر للضغوط قفليه .. زيارات وناس مالهم داعي الغي اجتماعاتك معاهم ..

عيالك حطي لهم غرفه وحده انا حاطه المقلط لهم فيه تلفزيون والعاب وسوني وكل شيء نجلس بهالغرفه وطول ما انا جالسه معاهم نرتبها .. وحتى لو انحاست هي غرفه وحده وباقي البيت اقفله عشان الصغيره تدخل غرفتي تطلع اغراضي من الادراج وكذا فأفضل حل هذا ..

ابدأي من اليوم :

جربي اجلسي معاهم وحطي ببالك ماراح اسوي شيء اليوم غير اني اجلس معاهم .... شوفي كيف راح يستغربون ويفرحون بنفس الوقت

الله يعيننا على التربيه ويهديهم ويصلحهم يارب


وياليت ياليت توافينا باخبارك الجديده ياعسل


ملاحظه / لو تاخذين حبوب منع الحمل ممكن تكون سبب عصبيتك الزايده
ولاتنسين خلي ذكر الله على لسانك دايما .. انا انسانه عصبيه بطبعي حتى قبل ما اتزوج وحطي شريط قران سورة البقرة عندك وانتي تشتغلي بالمطبخ والله ترتاح نفسيتك


ماكان ودي اقولك هالسالفه بس باقولها لك للفائده
ارجوك لاتدعين عليهم امي كانت دايم تدعي على اخوي الكبير لانه كان يضرب اخواني الصغار
تدعي عليه تحديدا على يده اللي يضرب فيها
صار له حادث وهو بالثانوي طلع من الحادث يعرج ويده اليمين ماتتحرك !! ارجوك لاتدعين امي كل ماتذكرت هالشي تتعب نفسيا



معليش كلامي مو مرتب

اه ياربي نفس مشكلتي بالضبط اضرب بنتي بوحشيه ما احس بنفسي وانا اضرب وربي ما احس غير اللي حولي يسحبوني عمرها سته ونص بس أموت قهر بعدها واجلس ابكي بس بنتي تقهر تقهر تقهر تقهر لحد الموت بعنادها مستحيل مستحيل تسمع الكلام او تنفذ واذا احد يسولف تجلس تقاطعهم بكلامهم الله يهديني يارب