هالبنت ترى مسكينه......هي بسن مراهقه..يعني الحين هي بفتره حساسه من العمر قاعده تتكون شخصيتها..ومب لاقيه في البيت الرعاية والاهتمام او القدوة اللي تتمثل باخلاقها وسلوكياتها فيها ..ولا تنسين بعد ضحية طلاق وعدم اهتمام .. يعني ارفقي بحالتها شوي...حوليها مثل ماقالوا الاخوات على اخصائيه اجتماعية او نفسيه بمدرستكم..وبنفس الوقت خلها تشترك بانشطه مختلفه ..تفرغ الطاقه اللي فيها ..

وفي الصف -مادري كيف نظامكم - بس عندنا الطالبه تحضر وعادي تقدم الماده وتشرح بدل المدرسة..خلها تاخذ هالدور..تختار درس بنفسها وتقدمه بيوم للبنات.. هالشي يمكن يحسسها بالمسؤلية والاهتمام بالدرس والدراسة بصفه عامة..

هالنوع من البنات يحتاجون مساعدة من نوع خاص..اهتموا فيها وبتنضبط اخلاقها صدقيني ..وابتعدواااااااا عن الضـــــــــــــرب...هذا اكبـــــــــر خطأ..المراهق لما ينضرب يولد فيه حقد على غيره او ضعف في الشخصية...العلاج الامثل هو بالكلام والاخذ والعطى مع هذي الفئة من العمر..

ربي يهديها لج ان شاء الله..

انا اشوف ان البنت مراهقه وتبلي تلفت الانتباه لها


فتلقيناها تحاول تستفزك بالفصل

اكيد لانها تبيك تلتفتين لها وتكلمينها لانها تشعر بنقص


فانتي دروك لازم تحاورينها بالكلام الطيب


صدقيني جربته ونااااجحه جددددددا مع هالاشكال


ناديها وكلميها

وقولي لها : انا اشوف انك بنت مشاء الله عليك مرره كويسه ، ومن عائله محترمه

لكن استغررب هالحركات اللي تسوينها ،،، ترى هالشي يضرك انتي ما يضرني

ولازم تعرفين ان اللي تسوينه والكلام اللي تقولينه ترى البنات يستنقدونك ويقولون وش هالبنت قليلة الادب

لكن هم قدامك يضحكون لكن بعيدين ما راح يتذكرون منك الا انك كنتي بنت قليله ادب وترد على المعلمات

وقولي لها : لاني انا اعتبرك مثل اختي ولا ودي احد يتكلم عليك ولاني بعد اعرررف انك من جواتك كويسه ومؤدبه ابيك توعديني انك تتركين هالحركات

لاني اعتبركم كلكم مثل اخواتي ولا ودي اني اضايق احد او اجرح احد
لاني اعرف لما اعلي صوتي على وحده منكم راح تتضايق وتنحرج قدام زميلاتها لذلك لا تحطوني بها الموقف
وبس

صديقني لازم تكلمين البنت باسلوب هادددي وبعيد عن البنات ،،،، وجربي هلالاسلوب صدقيني راح تتعدل

البنات يجون بالطيب ولا يحبون التهديد ابدااااا

خذيها على جنب وكلميها وشوفيها شنو تبي وقولي لها انا ابي مصلحتج لو ابي اطردج ولا تردين وتخسرين تعليمج بالمره وتقعدين طول عمرج فاشله لا ابو تشيلين عمرج وانتي امج بحاجه لج صبرت عليج ومتامله فيج خير ليش تتعبينها وتزيدين عليها وحطي شروطج اذا حسيتيها حست بندم

خذيها لوحدها وقولي الشرايك نصير صديقات واشكي لها من اهلك كذب يعني قولي ماحد يحبني وماعندي صديقات وهي راح تفضفض لك وتعرفين انها عندها حاله نفسيه وساعديها حتي لو تفاجيينها بزيارة للبييت وساعديها

من ناحية ان البنت غلطانة فهي غلطانة وهذا سبب الظروف اليي عاشتها .........
لكن انتي غلطتك أكبر واللي غلطتها اكبر منكم كلكم هي المديرة اللي علمتك بظرف البنت وهي محسنه الظن بك ولا توقعت انك تستغلين هالظرف (القهري )للبنت واللي مالها ذنب فيه تستغلين هذا الظرف في فش غلك فيها وتفشيلها عن زميلاتها.........
معليش هذا اللي طلع معي وانتي طلبتي الراي والرأي امانة........
الله يصلح الأحوال..........
كلمة اخيرة(تخيليها بنتك وبنفس الظروف)كيف تتمنين يكونون معلماتها؟؟؟؟؟