المشي الخفيف ينفعك اللحين اما التمارين الافضل بعد الولاده

بنات وش اخباركم مع النفاس واللي قربت تخلص وش جهزت من مشتريات سواء لك او للمولود
وش راح تسوين ببشرتك وجسمك
وشعرك كيف راح تغيرينه
بالنسبه لي انا لي 27 يوم والا الان ماشريت شي لاني منقهرة على التخفيضات اللي رااحت
اما عن جسمي فراح اشتري ان شاء الله حمام ساونا ووجهي راح اسويله تنظيف عند مشغل او عند مستوصف وش رايكم ؟؟؟ لاني ملللللللللليت من هاللخلطات
اما شعري فهو قصير عشان كذا راح اقصه فراوله على طوله والصبغه الا الان محتارة بين خصل الساندريه والاسود الفاحم
واتمنى انكم تشاركونا باية افكار جديده ولسى نازله او محلالات حلووه وتنفعنا

up

مرحباااا بنوتااات...

انا توني اشوف الموضوع... موضوع حلو وكلنا بحاجته عشان نستفاد منه...

أنا تقريبا لي 11 يوم من ولدت...

أخذ لهوم مرتين باليوم ... وشربت حلبه بس مرتين وما قدرت أستحمل طعمها استغفر الله...

الغدا والعشا يا مرقوق أو شوربه خضار أو كبده... وطبعا لازم طحينيه...

أحس اني راح أسمن 10 كيلو بس في نفاس.. وكل ما قلت لأمي ما ابي هذي الخرابيط تهاوشني تقول بعدين ما يطلع لك حليب...

وأنا بصرحه ودي أرضع طبيعي ... بس والله الرضاعه متعبه خاصه مع بيبي نفاس.. لأن بنتي ترضع 5 دقايق وبعدين تتعب وتنام...

طبعا بالنسبه للرياضه أنا مره ودي أعمل رياضه البطن بس انها متعبه.. وانا عجازه ماابغى شي يتعبني...

وبالنسبه للخلطات أنا ابغى خلطه عشان التشققات الي في بطني لسه لونها أحمر ويقولون الاحمر يروح لكن اذا صار أبيض ما يروح الله يعافيكم الي عندها حل تقولي....

وانا الحين تقريبا لي 11 يوم من ولدت والى الحين الخياطه ما انفكت... متى تطيح الخيوط؟؟ عندي موعد يوم 25/9 عشان اشوف الخياطه...

الحين الدكتوره وصفت لي مرهم و غسول مهبلي و حبوب حديد ومجموعه فيتامينات وأنا اخذت ملين ....

وشغالتنا الاندنوسيه تقولي انه ضروري تربطين بطنك عشان تروح الكرشه... مين يعرف خياط اندنوسي بالرياض؟؟ وجابت لي زيت تقول انه كويس للعظام....

بالنسبه لبنتي الى الحين ما طاحت السره .. وارضعها طبيعي بس اعطيها رضعتين صناعيه باليوم واحط لها فيتامين... واعطيها كمون عشان الغازات والحمدالله مريحها... وشغالتنا اطتني دهن للبيبي تقول كويس للبيبي...

بالنسبه للملابس انا شكلي بفتح محل ملابس... بنتي عندها ملابس كثيييييييييييييييييييييير... مره تحسفت اني شريت لها...خاصه كل الهدايا الي جتني عباره عن ملابس..

وبالنسبه للشعر .. انا شعري خفيف من قدام مرررره ويطيح والشعره مره ضعيفه وما يطول يغني اقصر من باقي الشعر.. أبغى حل لهذي المشكله ...فيتامين أو اي شي :( مع ان باقي شعري الحمدالله كثير وطويل بس مو ناعم....

وبالنسبه للشمس انتوا تطلعون عيالكم للشمس؟؟ انا بيت اهلي حوشهم ماشالله كبير وانا اتعيجز أنزل تحت ... من طلعت من المستشفى كله بالدور الي فوق ما نزلت تحت أبدااا...

وبالنسبه للنفاس انا بجلس شهرين عند اهلي<== ما تنعطى وجه... قلت بجلس رمضان كله في بيت أهلي أريح لي.. أمي واخواتي والشغالات يساعدوني أحسن من اني اروح البيت لحالي...

وان شاء الله اي شي جديد راح اخبركم فيه

لك روحي .ز
مرحبا بك والحمدلله على سلامتك وسلامة البنوته الله يخليها لك
أخذ لهوم مرتين باليوم ... وشربت حلبه بس مرتين وما قدرت أستحمل طعمها استغفر الله...
بالعكس الحلبه مررررة مفييده لعظامك نصيحه لالاتخلينها
الغدا والعشا يا مرقوق أو شوربه خضار أو كبده... وطبعا لازم طحينيه...
حلو بس لالاتنسين اللحم لانه غني بالبروتين وهو مفييد للوالده
أحس اني راح أسمن 10 كيلو بس في نفاس.. وكل ما قلت لأمي ما ابي هذي الخرابيط تهاوشني تقول بعدين ما يطلع لك حليب...