ذكريات عجااااااااااز

ترا منيب عجاز مرة..شوي.. بس أبوي يقول:اني أكبر عجاز بالدنيا..أعجز من ضب (ما أدري وش دخل الضب بالموضوع)..و أن أحسن مثل عندي (أجل عمل اليوم للسنة الجاية)
و من مواقفي اللي تأكد لأبوي اني عجاز:أني ما قد قلت: سم ابشر ثم اطمر أجيب له ماء بس بصراحة أنا أقول: سم ابشر بعد شوي و (بعد شوي ) تتحول من دقايق لساعات..ما شاء الله.
و أحسن شيء في العزايم إذا سلمت على ناس ما اعرفهم..علشان ما أقوم..
مرة في عزيمة شايب ما أعرفه..ما قمت أسلم..جاني (بقس) محترم من أبوي و محاضرة أطول من محاضرة دكتور(سالم) اللي ما يعرفه..يسأل أقرب طالب.
و أنا فرحت مرة يوم اتخرجت من الثانوية عشان إذا بغيت أجاوب ما أوقف (وشلون يجتمع شطارة وعجز).
و مرة كنت في الغرفة فيني النوم و ما فيني حيل (اطفي) اللمبة، ناديت أخوي الصغير علشان يطفيها و ما قصر (جزاه الله خير) طفاها و لحفني بعد..بس والله ما قلت له لحفني..وش شايفيني عجاز مرة.