ربة المنزل او الوظيفة ... للنقاش

زيك لاكن مو احس ان مالي هدف بالعكس اكبر واسمى هدف رعاية الاطفال بس احيان احس ودي اقابل مجتمع وصداقات عمل واغير روتيني بس اغير رايي وافضل لين يكبرو اولادي

انا ربة بيت وطبعاً وجودي له هدف
يكفي اني قايمة ببيتي و زوجي يرجع من دوامه يلاقي المكان نظيف و لقمته جاهزة
و عندي بنتي عمرها سنتين و حامل على وجه ولادة
وشايلة فكرة الوظيفة من بالي لين يكبرون عيالي
وطالما وضع زوجي المادي ممتاز
وكل شي ابيه يوفره لي من لبس و اكل و سفر وتمشيات
وش ابي اكثر
غيروا نظرتكم عن ربة البيت تراها عنصر فعال في المجتمع و ربت و خرجت اجيال لكن نقدر نقول بصمت خلف الكواليس

زوجة اخوية موظفة ممرضة مررررة تعب مع مسؤلية اطفال وبيت تشكي وتبكي بنتها اغلب وقتها عند اهلها واغلب يومها بالدوام واثر وضعها مع زوجها بالمشاكل
اهتمي بأطفالك كيف تقولي مالك هدف بالعكس اطفالك اكبر هدف بالحياة استمتعي بكل لحظة معاهم واذا كبرو ودخلو المدارس فكري بالوظيفه

السلام عليكم ، موضوع جميل ،أنا موظفه ولكن انظر إلى ربة المنزل بكل أحترام وتقدير ، الحمدلله أنا أحاول انه أوفق بين عملي و دوري كزوجة و أم بدون تقصير ولكن أحيانا ع حساب راحتي ،،، أنتظر أترك الوظيفه وأتفرغ لحياتي و أهم شي أستغني عن الخادمة لأني ما أحب وجودها بالبيت ولا مع الاطفال 😘😘

فيه مقوله تقول اذا اردت هدم المجتمع عليك بثلاث اولها ربة المنزل اجعلها تستحي انها ربة منزل وهمش دورها في المجتمع.. زمان امهاتنا وجداتنا كلهم ربات منازل وطلعونا احنا للمجتمع متعلمين ومثقفين ودكاتره ومهندسين وغييييره مااشوفهم استحوا من هالشي ،،هالزمن اثروا على المرأه فتحوا لها المجال بكل الاماكن حتى اللي مو مناسبه لها وتلقى فيها اهانه وذل لها طبعا يبغون كل الحريم يتوظفون ومافيه وحده تجلس بالبيت وعيالهم يرمونهم على الشغالات ..
عيالك راس مالك تربيتهم من اهم الوظايف اللي تقوم فيها الانثى بوجه عام ويكفي قوله تعالى (( وقفوهم انهم مسؤلون)) راح تنسألين عن كل صغيره وكبيره من الواجبات اللي امرك ربي فيها من ضمنها زوجك واولادك مو وظيفتك وليش ماتوظفتي!!!!

عموما انا مع الوظيفه للي محتاجتها تقوم بنفسها وماتنذل لأحد وتكون وظيفه محترمه مافيها مهام شاقه للمرأه..

وبقولكم هذي القصه بس اول اذكروا الله يابنات... ماشاءالله لاقوة إلا بالله
سلفتي موظفه في قطاع حساس ووظيفه مرموقه خلفت ٢ اولادها مره عند امها ومره عند اهل زوجي مستحيل تتركهم مع الشغاله واساسا ماعندها شغاله في بيتها ماشاءالله اذا احتاجت تطلب شغالة امها تنظف وتطلع من عندها ولما كبروا شوي تدخلهم حضانات وكانت تتعب تعب مو طبيعي الين صار الولد في اول ابتدائي والبنت تقريبا سنتين قدمت استقالتها🙄 للأمانه استغربت بس كنت صغيره وتوني عررروس وسألتها ليش قالت خلاص كفايه اهملت الرجال ودي اعوضه عن صبره و ثانيا اولادي الحين بحاجتي اكثر وبالذات الولد يبغى له وحده رايقه تسولف معاه وتدرسه وتطبخ له الاكل اللي يطلبه وانا ارجع من دوامي تعبانه مو رايقه لسوالف والاكل اسكته باي شي سريع الوظيفه مابتنفعني لاخسرت عيالي وانا اقول ماعندك سالفه وظيفه كذا تتركينها بكل سهوله
الآن ولدها توجيهي والبنت بالابتدائي لاقوة إلا بالله ايش ادب وايش ذكاء وايش شخصيات وايش ثقه بالنفس وايش احترام وايش مواهب وغير برهم بأمهم وابوهم وحتى بجداتهم وخالتهم وعماتهم قسما بالله ماتصدقون ذي معاملة واحد مراهق اللي اعرفه الاولاد بذا العمر مراهقين والامهات يشتكون منهم هي لا ماشاءالله لاقوة الا بالله مرتاحه ولدها لو تطلب لبن العصفور جابه لها و صريح مع امه يقول لها كل صغيره وكبيره ماشاءالله من بعد ماشفت تربية اولادها عرفت ان تفكيرها رااقي ماغرتها الماده والمنصب.. اذكر وحده موظفه شافت ولد سلفتي وانا كنت جالسه معاها وشوي إلا وهي تمدح ولد سلفتي وتشتكي من ولدها ومن تصرفاته وتبكي بأسبابه قلت يوم كان صغير وكان بيدك وووووينك عنه!!! ولدك على ماربيتيه
حتى الكلام موجه لربات المنازل لازم تربي اولادها بالطريقه الصحيحه لا بعدين تندم فوق انها جالس علشان اولادها وبالاخير تطلع تربيتها غلط