رجيم او تخفيف سموه اللي تسمونه

اهلين حبيباتي الباحثات عن الرشاقه كيفكوووووون وشو اخبار الرجيم معكم :27:

المهم مااطول عليكم بس حبيت اقولكم عن رجيم قد سويته زمان سمعته من وحده كانت طريقة غذائها على حسب نصيحة الدكتور ..

ونصحها الدكتور بأن اي رجيم تسويه لازم تاخذ يوم بالاسبوع اجازه من الرجيم عشان تتشجع لباقي الايام وفعلا على قولتها كنت اصبر نفسي عالرجيم كل ماشفت شي حلوو اقول يوم الاجازه ان شاءلله اكله:10_8_9:
ونزل وزني الحمدلله .. هو عموما موب جدول معين .. بس يالله خذوه واتمنى انكم تستفيدون منه ..

الافطار : ربع عيش حب وحبة بيضة مسلوقه مع خيار وحبة طماطم ..
انا صراحه كنت اسويهم كلهم سندويش واضيف عليهم فلف اسود طعمه جناااان وكنت اشرب معه فيمتو ومااحط عليه سكر طبعا لان شكله محلى لحاله بس هو المفروض ماتشربون معه بس انا اكبر مخالفه على وجه الارض ..

الغدا: نفس الشي عيش توست وبيض وبنفس الكمية والعشا بعد بس ..

ممكن تغيرون بكيفكم تخلوا الفطور فاكهه تحبونها اي نوع بس ماعدا الموز والمانجا ..

ويوم بالاسبوع تاخذون الدجاج المشوي وممكن على الفحم عادي بس نص دجاجه مشوية ولا تعودتوا على الرجيم تخلونها ربع مع العيش الحب ..

ممنوع المشروبات الغازية ..
وممكن تشربون الشاي والقهوة مع سكر الرجيم بس قللوا منها انا ماكنت اشربهم ابدا لاني مااحب لا القهوه ولا الشاهي ..

واول ماتصحين اشربي كوب ماء دافي واعصري عليه ليمون كويس للجسم وللتخسيس ..

انا اقصد بالعيش الحب ( العيش الاسمر) وهو يساعد على تمشية البطن ..

وياليت تمشون نص ساعه اذا قدرتوا لانه افضل بالمشي .. او تستخدمون الدراجه نص ساعه :7_5_127:

انا عن نفسي نزلت 15 كيلوا وهو اللي كنت احتاجهم زمان وكنت امشي ثلاث ايام بالاسبوع ..

العيش الاسمر بدأت بالبداية بنص ولما توعدت على الرجيم خلاص وتعودت معدتي على هالكمية المعينة خليته ربع عيش وقعدت عليه وهو كويس والله شكله ملخبط صح بس انه ممتاز والاحلى ان اكله حلوو صراحه ..اتمنى يعجبكم الرجيم ..

تحياتي :26: