طيب بنوووتات اشرايكم تشجيعا لبعض وبما ان الاكل محدوود
واغلبنا يكره اكل الخضروات(لست منهم)
ويتعب من التزامه باكل معين... اننا نحط وصفات لبعض يعني اللي سوت شووربه او طبق طبعا داااايت وطبقا لمعاااير الرجيم والنظام او طبق تحطه لنا بس
بشرط نبيه بس بالاكل المسموح بالبنود السته
وراح ابدأ مع ذكر السعرات الحراريه في الاكل(تقريبي):
اليوم الافطار كان كوب حليب خالي الدسم +نسكافيه
والغداء:
كان شوربه دجاج وملفوف:
المقادير:
كوب ملفوف مقطع (والاحسن مفروم) (البند السادس)
بصله صغيره مفرومه ناااعم(او نص بصله كبيره)
ربع دجاجه مسحب(مسلوقه بماء فقط ومنزووعه الجلد) (البند الثالث)
فلفل علوب(وليست فليفله باارده) طبعا اختياري وتكون صغيره بس على شاان لذعه الفلفل
اربع حبات زهره (البند السادس) والبند السادس غير محدد الكميه
مكعب ماجي+ كركم + كمون رشه
السعرات الحراريه بالوجبه:
صدر دجاجه:151 سعره
زهره :25
ملفوف: 21
بصل صغير:33
حساب الوجبه كامله:230
الطريقه :
نضع البصل على النار بدوون زززززيت:30:
ونقلبه شوي وبعدين نضيف الماء الساخن تقريبا 5 كاس ونضيف الزهره والملفوووف والبهارات
ولما تستوي نضع الدجاج المسحب وانخليه يقلب شويه وبعدين يسكب بطبق (ويعله هنيييييي على قلبك)
وكان بجانب هالشوربه طبق خضره سلق( بس غيررر)
المقادير:
ا حبه باذنجان مقطعه مكعبات
3حبه كوسه متوسطه مقطعه مكعبات
2 حبه طماط مكعبات
1 حبه فلفل بارد مكعبات
4 حبه فلفل حار ( مدري لازم يكون مع الاكل احس يضيع الطعم اللي ما احبه)
2 ملعقه معجون طماط
و 2مكعب ماجي
وبصله مقطعه مكعبات
و2 فص ثووم
الطريقه:
كلهم حطيهم بمقلاااااه وقلبيهم على النار (وبدوون زززيت) ولما تشوفين ماء الخضره طلع وطي على النار وغطيها وخليها تطبخ على البخار وكل اشوي قلبي الخضره لما تحسين انها ذابت
يقدم مع الخس
باذنجان:20 سعره
بصل صغير :33 سعره
فلفل بارد: 15
فلفل حار:8
2طماطم:44
كوسه:20
الوجبه:140 سعره
يعني يطلع غداك كله 370 وانتي لك من 800 الى 1000
ولو فرضنا ان عشاي بيضه وخس
البيضه طبعا مسلوقه 79
يصير 449
يعني غداك على عشاك 449 بسسسسسسسسس:eek:
عندك 360 سعره ممكن اتحكمين فيها بزياده (طبعا بالمسموح فيه)
واعذروني اذا سقط شي سهوووا
ويالله بنات نبي وجبات ضمن نظامنا والمسموح فيه
طيب بنوووتات اشرايكم تشجيعا لبعض وبما ان الاكل محدوود
واغلبنا يكره اكل الخضروات(لست منهم)
ويتعب...
نبي ناس مجربينه