عواطف تركي :

اكلك خفيف يعني ماشيه صح لكن الخوف ان جسمك يتعود ويثبت وتقولين تاكلين وجبة وحده اللي هي الفطور وساحبة على الغداء والعشاء وهذا اللي يخليك وقت المغرب تنهارين من الجوع فلازم تاكلين وجبه ثانيه فيها بروتين سواء بيض مسلوق او تونه او صدر دجاج مشوي او ستيك لحم مع شوي فطر يعني لا تجلسين جوعانه من الصباح على الاقل اخر وجبه تكون المغرب او بعد صلاة العشاء بشرط تكون وجبه خاليه من النشويات يعني بس بروتين صافي مع طبق سلطه . وطالما انتي من النوع اللي تحبين تاكلين وجبه وحده انصحك بالصيام المتقطع يعني تصومين عن الاكل لمدة 14 إلى 16 ساعه حسب استطاعتك ومن ضمنها وقت النوم اكيد ومسموح اثناء الصيام تشربين مويه وشاي وقهوه ساده بدون سكر وبدون حليب ومسموح تشربين زنجبيل او قرفه او اعشاب ولما تفطرين او تكسرين الصيام يكون لك وجبتين وبشرط ان الوجبتين تحتوي بروتين وخضار وسلطه ويفضل تبعدين عن النشويات والمحليات قد ماتقدرين وبين كل وجبه والثانيه احسبي وقت 4 أو 5 ساعات حسب مدة الصيام اللي تختارينها اما بخصوص نظامك الحالي واحساسك بالجوع مثل ماوضحت لازم تاكلين وجبه ثانيه وقت المغرب واذا حسيتي بالجوع بعدها انصحك بالشوربه سويها بمكونات ماتسمن مثل الفطر الكرفس البروكولي شوي ملفوف مع ملعقه صغيره زنجبيل بودره ورشة قرفه وكركم وفلفل اسود وقليل ملح اطبخيهم مع موية سلق الدجاج او مرق لحم سوي كمية واحتفظي فيها بالثلاجه واذا حسيتي ودك بأكل فيه ملح خذي من الشوربه خاصة بالشتاء او اذا حسيتي بالجوع سوي لك سلطه محترمه من الجرجير والخيار والبصل الاخضر او كلي خياره وجنبها علبة زبادي مع عصرة نص ليمونه وبخصوص الفاكهه يفضل انك ماتاكلينها بالليل لان فيها سكريات

اكلك خفيف يعني ماشيه صح لكن الخوف ان جسمك يتعود ويثبت وتقولين تاكلين وجبة وحده اللي هي الفطور...