قريب مننا اوت لوت يمدحونه رحت له ماشاء الله اناقه وفخامه صغير مهب كبير بس مشكلة سويسرا يتعاملون بالفرنك انا من زود الذكاء صرت السعر اللي يعطوني احولة اليورو همن اضرب ب٤ ونص بعد شوي وبعد كم محل قلت ورى مااشوف الفرنك كم ريال واحول على طول وخلاص.. المهم واطمر لاخوي قلت شف ترى احسن لك لابغيت اتعرف السعر حول لريال على طول مهب لازم اليورو همن لريال مشوووار ياخوي ...قال لي لا ياشيخة ...المهم انا متاكده انه ماعندة سالفة وانا اللي انقذتة بهالفكرة الجهنمية بس طبع الرجل السعودي مستحيل يعترف ان المراه اذكى منه 😉

ماشاء الله سردك للرحله ممتع والله انبسطت بتقريرك
لكن ياليت تكتبي تاريخ ذهابك باليلادي متى علشان يكتمل التقرير ويوضح لنا الجو استمتعت جداً جزاك الله خير

كانت رحلتي في ١٨ سبتمبر مادري ديسمبر
اللي قبل اكتوبر 🙈

المهم وندخل محل رياضة اظنه اديداس ...والله اني نسيت لاجاء اخوي بشوف جزمتة واكتب لكم وشوووا ..من يوم شريناها وهي عليه ينام ويقوم فيها ..فيه اشاعة انه حتى يتروش فيها بس مانيب متاكده من هالحكي..والمفروض نتاكد من الاشاعات قبل ننشرها ..قد تكون لاهداف خارجة عن توقعاتنا ...الا وش رايكم بي وانا محللة سياسية . كان عندهم تخفيض ٥٠ بالمية على البعض..
اخذنا منهم جزمة ب ١٩ فرنك ..اظن ماوصلت مية ريال قال اخوي سعرها الاصلي فوق ٤٠٠ ريال ..حاسبنا وطلعنا وحنا بالطريق تفطنت قلت الحين دام انها ب ١٠٠ ريال ورى ماناخذ لابونا وحده ..قال اها هادم اللذات... صح والله فكرتن مهب شينة....حسبي الله علية انا احس اني طرت من الاوت لوت للتلفريك الله يغربله ...المهم ونرجع وناخذ ثانية حسبها ب ٣٦ يورو المهم انا عصبت ليش غير السعر ومع الحماس ارطن لكم ..واي ذس نوت مني سيم ذس ..دليل ان كلامي صح فهم على طول قال نو ذس نوت دسكاوند ..المهم واجيب لكم الثانيه ..واي؟؟ ذس از بق بروبلم بت هو مني فرنك نوت يورو بليز ...ماشاءالله علي صرت احكي حتى بالعملات واحول بثواني ..المهم حسبها لنا ب ١٦ فرنك ليش مادري صارت ارخص من خوياته ..المهم ونطلع متشققين بذا الانجاز ..وننمر لنا محل ساعات تخفيضات عندهم وكل مالذ وطاب من هالساعات ..المهم واخذ ساعة للراعي الرسمي للرحلة اللي مادري وش اخباره ..لااتصلنا مهب يرد يقولون طالع والا نايم .
.المهم وتسوقنا وتغدينا ورجعنا لفندقنا بالغنائم ..

متابعين. معاك