ليست كل الضغوطات سلبيه .. فضغط شنطة السفر وتسحبيها من محطة قطار الى محطة اخرى..أحد أسباب السعادة .. ☂️😉

ليست كل الضغوطات سلبيه .. فضغط شنطة السفر وتسحبيها من محطة قطار الى محطة اخرى..أحد أسباب السعادة .. ☂️😉

الصباح بدري طلعنا المحطة القطار ..متوجهين لميونخ ..وندخل المانيا غير كل الدول لوحات بالطريق كني رايحتن للقصيم تكرم ديرتي عن ديارهم بس نفس اللوحات باقي على ميونخ كم كيلو وكل ماتجي لوحة اجلس احول للساعات اول الامر كنت احول لليورو..ليش مادري ..شكل عصيرهم باقي منه شوي ..المهم مالكم بالطويلة وندخل ميونخ وش ذاااا عمرااان خرااافة سيارااات طبيعة ..واتحسف ياربية بس يومين بميونخ حسااافة ..ووصلنا المحطة القطار زحمة ذكرتني بمحطة قطار ميلان بس عاةةد ميلاان مررره كبيرة ..الغريب الناس لبسهم جميللل تعرفون اللبس الريفي اللي يجي فستان فوقة مريلة كلهم كذا لبسهم محطة القطار دورين وكل منهي لابسه كذا تطلع فوق ليش مااادري قلت اكيد انه فيه حفلة عندهم ..الا وارطن مع اللي جنبي ..اسكيوزمي هذي الكلمة الوحيدة الانجليزية اللي اكتبها ولا انطقها ..مااعرف انطقها احسها صعبة ..المهم واسالها .. تو مورو از بارتي اب ...اتوقع كلامي واضح بس حسيت انه ماتعرف انجليزي اغلبهم يتكلمون بس الماني ..المهم حسيت انه مافهمت ماحبيت احرجة قلت اوكي ثانكيو .. وصلناالفندق فخم ماشاء الله ...الاوالموظفة لابستن مثلهم ..وجعن يوجع ابليسة ياهي مزززه ..شكل اللي معي خقبتل يساله ..والله انه مؤدب مهب يناظر الحريم لامرة مره غمض ..مير ذي ماااش واضح انه خق عليه ...قلت له ماشاء الله جميلة ..بس ترى فيه سعوديات احلا منه ..قال اما عااااد ...تقل مهب مصدقن ..والله اني اعرف سعوديات مزز ماشاء االله طول وبياض وعيون خضر وقصيميات ابا عن جد لابهن عرق ولا شي ..بكيفه ماصدقن يعني لازم نكشف علشان يقتنعون العالم ...جعل عمركم مااقتنعتم ..المهم قالت لنا الموظفة انتم طالبين سريرين وماعندنا امكانية الا سرير نفرين ...وووجع وش ذا ..عاد انتم خابرينن لامني عصبت بديت ارطن ..قلت نو ذس از بق بروبلم ..المهم قال لي الاخ العزيز خلاص السرير لك وماعليتس مني انا اتصرف...قلت له بهواك ..اهم شي السرير لي ..وندخل للغرفة مرتبة ماشاء الله ..الا وبي ارمق من بعيد الشاور ياخزيااه وش ذا ..تخيلوا الشاور بوسط الغرفة قزاز ...يستهبلون هذولا والا ايش لو معي رجلي استحيت اتروش بووه ..والله تقييمهم اظنهم ٤ نجوم او اربع ونص مااعطيهم انا الا ثلاث نجوم وتخب عليهم

الحمد لله ولما جاء الصباح طلعنا بدري للمطار قبل الرحلة باربع ساعات قصينا اول شيء البوردنق بعدين استردينا التاكس فري وجلسنا بالانتظار وعدنا للوطن ولله الحمد 💕

الحمد لله تمت رحلتنا على احسن حال وعندنا للوطن بسلام واستمتعت بمرافقتكم لي باحداثها ..وتحملكم لي الصور نزلتها بحسابي بالانستقرام 👈👈ahmwahdah حياكم وتراني ارد اللايكات 🤣🤣