مشتاقين لك يافينيسياء (البندقية)

الصباح بدري وقفنا عند محطة الباص علشان ننزل بمحطة القطار الدفع بالباصات كاش عملة حديد اما القطارات لازم قص تكت طبعا ركبنا الباص وكل شوي يوقف بمحطه يركبون معاه طلاب وينزل بمحطات مدارس اغلبها لين وصلنا المحطة القطار ...وهاااات ياكرف

مادري كم يورو اخذ الباص بس مااظن توصل ١٥ ريال لين نزلنا بمحطة القطار هناك تكون متتبع بقوقل ماب رحلات القطار اللي بتودي فينيسياء حنا كنا نبي دايركت الفينيسياء والحمد لله حصلنا واحد دايركت مافية تبديل لازم نعرف الساعه كم يمشي حنا مخططين اننا نوصل فينيسياء وقت الفندق كان الساعه ٣ تسليم الغرفة طبعا القطارات بايطاليا عالم زحمة ومحطة القطار مررة كبيره بميلان بس الناس خدومين صح نظراتهم مستفزه بس اذا سالتهم يخدمونك مايقصرون خدمنا هناك شويب ايطالي ياحليلة انا اناظر وبغيت اصيح ودي يسلم ..كل من ساعدنا دعيت له بقلبي الله يفتح على قلبه

وصلنا فينيسياء بالوقت المحدد الحمد لله حطينا شناطنا بالفندق ومتحمسين نبي ننزل نتمشى عاام زحمة بس على الاقل تحس فيه حركة مافيه خوف بس الله يهديهم هالكلاب بكل مكان شيبانهم وشبابهم اكثر شي حوم كبدي برحلتنا الكلاب خاصة الكبار وووع مقرفة ..المشكلة ان كومو الملل كانت يومين وفينيسياء بس يوم حسافة المدينة مرره جميلة والاسواق والمطاعم بكل مكان تغدينا عند مطعم تونسي له ٣٠ سنة بالمطعم طفشان ياقلبي يقول بس انتظر عيالي يتخرجون وابرجع الوطني..بعذره يحول انا جلست ١٢ يوم طفشت اشتقت الديرتي من يوم وصلنا ماتسمعين الا الاجراس حقت الكنايس ..يازينك يامساجدنا واذاننا اشتقت الصوت السديس والمعيقلي اشوا اننا حاطين توقيت الصلاة لادخل الوقت اذنت جوالاتنا ..تجيب الراحة النفسيه ..اكلنا عندة مكرونه غريبة كلها قواقع كانت لذيذة ..وعطانا تعليمات الله يوفقة دنيا واخره نفعتنا بسفرتنا .

جلسنا بكومو يومين اثقل يومين بحياتي مانصدق يجي صباح اليوم الثالث سوف نغادرالا فينيسياء بلا عودة بإذن الله