بنات..انا مب حامل..حللت ..غير حامل..

راح انتظر الاخت تشرف بكره..

تدرون اني بضيقه مايعلم بها الا رب العالمين..

قلت لابو الشباب يجيبلي العسل والطلع..قالي مب لازم..مل الرجال..

يقول خلاص تعب من الروحه والجيه..والنطره كل شهر..عيل احنا الحريم اللي ننضرب ابر في

كل مكان ويدعسون فينا هوزات ووايرات فينا..ونستحمل كلام الناس والالم..وشنقول

لا..وكل هذا عشان نفرحهم..

يارب اذا ماراح احمل قريب وبيتأخر الحمل سنين انك تصبرني وماتغير نفسيتي وتسخرلي زوجي

يارب ..انك على كل شئ قدير..ولا اله الا الله سبحانك اني كنت من الظالمين

هلا وغلا حبيبتي دعدع كيفك ياقلبي ان شاالله بخيرومبسوطة وايش مسووية

ان شالله يارب تحملي هالشهر يارب ياقادر ياكريم


هلا وغلا حبيبتي فديت امي كيفك ان شاالله بخير ومبسووطة وبالنسبة لزوجك لاتزعلي الرجال كلهم زي بعض صبرهم قلييييييييييييل مرة
الله يرزقك يارب هالشهر يارب

والله معاك حق يادعدع الرجال مايهمهم شي

فديت امي...
انت ذكرتيني بنفسي اول سنه انتظار الحمل :)
كنت كل شهر احلل :)
لكن الحين صار عندي مناعه وتعلمت الصبر...
بس تدرين؟؟
انت قاعده تدمرين نفسيتك ....ونفسيه زوجك بالتحليل كل شهر ...
حاولي تنسين الموضوع وبتحملين صدقيني...
وترا الرجال معندهم صبر ابددددددددددددددددددددددددد
ولاعمرهم راح يحسون باللي تحسين فيه...
تدرين وش قال لي زوجي اليوم يوم سألته شرايك اروح الطبيب اخذ ابر؟؟
طالعني بنظررررره..
وقال لي روحي دوري لك وظيفه لو بألف ريال...
بس عشان تلهين بشي بدل ماانتي قاعده وحاطه دوبك دوب هالموضوع:(
حسيت اني تقطعت ..
قلت له تحسب اذا توظفت بانسى؟؟
انسى اني احمل واجيب طفل ؟؟
عمري ماراح انسى ...عمري.......
:(
وبعدين فكرت...
قلت انا حارقه نفسي وهو ولا على باله ...خليني اريج جسمي من هالسموم اللي اخذها
واللي ربي كاتبه بيصير:(
( هو يبي الحمل طبعا)بس موحارق نفسه عسل وحبوب وخرابيط زيي
الشهر الماضي اقول له استغفر لعل الله برزقنا ...
اقول له اقرى الرقيه ...ماحولك احد
صرت اذاقريت جيت ونفخت عليه
الحمدلله على كل حال ....
والله الواحد موعارف شيسوي ...

فديت امي
احسن مادام بتسافري الصيفية وتسانسي وسعي صدرك ياقلبي وان شاالله تحملي من غير تعب يارب