والله يامستجيب الداعي اني ماابين له اني ميته ع الحمل..وانا حللت وهو مايدري..هو مسافر

حتى قلت له انا ماراح اراجع الدكتور صار حمل طبيعي اوكي ماصار الحمدلله خلنا نسافر بالصيف ونستانس ويصير خير..

وقمت اشركه في مشاكل لعيال واخذ رايه عشان يحس بالتربيه وانها مب سهله..

بس اااااااااه نار في قلبي..بنتي تصيح تعرفين شنهو تصيح تبغي اخت..

جات بنت اختي الا تقولي ياريتها اختي خلينا ياماما ناخذها لنا...

وسألتني يمه انتي ليش ماتجيبين بيبي..قلت لها لاني ابغي ادلعج وايد وبعدين اجيب بنوته..قالت لي لا عادي دلعيها اكثر مني؟؟

وبعدين انا مو طالبه شي..مجموعه اعشاب..يجيبها على طريقه..انا اللي باكل وانا اللي بتألم وانا اللي بنتظر..

يقولي مافي وقت وزحمه..راح اتصل له الحين وادلع عليه لين يجيبهم لي..

قس قس..مساعه قاعده اقرا ردودج على البنات اقول في قلبي وشفيها قس قس ماهي على طبيعتها..انتي فيج شي..زعلانه او متضايقه؟؟


دعدع..تستاهل صراحه ..وانا متعوده على هالاشكال..شوفي هذي النوعيه ردي عليها بنفس اسلوبها..الله يصلحها..ناقصينها احنا..

انا..: الو

هو: هلا

انا: انت ماقلت لي كلمه حلوه اليوم>>> تدهن سيره

هو: يه..لازم؟

انا: ايوه لازم..حاولت انام ماقدرت,, انت ماقلت لي كلمه حلوه اليوم..>> صج مصلحجيه

هو: من مساعه لعيال يكلموني وانتي ماخذتي السماعه تكلميني..>> اكتشفت ان شايل في خاطره علي.

انا: لا والله بس كنت اتغلى بغيتك انت تطلبني..>>لحد يصدق بس ما اطلبه الا في وقت التبويض

هو: ابيبي>> كلمه الحب الوحيده اللي يقولها لي من 8 سنوات..مايعرف غيرها..

انا: متى بتجي؟>> بدايه الدخول في الموضوع

هو: بكره ان شاء الله..

انا: اوكي حياتي لاتنسى تجيبلي الاغراض والله ان الرجال مجهزهم..

هو: والله ما اقدر مضغوط عندي شغل وماعندي وقت وموحافظ المكان بالضبط وين الف لف..

انا: فديتك ابغيهم حاول واللي يرحم والديك

هو: حق شنهو هالاغراض؟

انا: ابغيهم عسل ومن هالسوالف مافي الا عنده..الله يخليك>> ارقق الصوت زياده

هو: خليه هو يطرشهم لج>> يشتغل عنك هو

انا: مايصير..انت حاول بلييز ضروري والله

هو: بحاول بحاول..>>ياخذني على قد عقلي


بحاول اتصله بكره الصبح..ما ادري ليش الناس تتزوج؟؟

والله ياقلبي انا شووية افكر في اختي
اليوم ماداومت الاختبار كان عندها فيزياء وهي ثالث ثنوي اثاريها كانت متنومة في المستشفى من امس
واليوم الصبح كلموني اهلي وقالوا لي والله قلبي يتقطع عليها الف قطعة واتمنيت اني عندهم

قس قس
شخبارك ياجميل ؟؟
قولي لنا يومياتك عاد وش فيك ساكته ؟؟:)
<<<تبينها مثلك ناشره الغسيل ؟؟


بس من جد نبي اخبارك ...:)

فدفد الرائعه
من جد عجبتيني وفعلا فيه ناس ملاسين وتدل على بيئتهم ...فما ارد ..
خصوصا هالمنتدى يالطييييييييف..
فيه عضوات عجيبات ...يردون عشان يتهاوشون !! طب لاتردين !!!
يحبون رفعه الضغط :(

اما عن زوجك لووووووووووووووووول ضحكيتني يوم قلتي ماتبينه الا وقت التبويض هع هع
على طاري السفر ...
زوجي يقول لي بالصيف ودي كذا وودي كذا وانا ساكته ...
عاد قمت قلت له ماابي اسافر ..
ابي احمل :(
قام قال لي اجل بروح مع ربعي :)<<<والكشره من الاذن للاذن :)
قلت عليك بالف عافيه روووووووووح مكان ماتبي ...
بس اكون حامل ..مابي شي ثاني...:(
تدرين؟؟
العام الماضي كنت اخطط للسفر ببرود ..واقول في قلبي يارب احمل ولا اروح (كنت اخطط من قبل السفره ب 6 شهور )كنت مستكثره هالشهور ..ٌلت ووووووووااااااااااو
معقوله بيجي وقت السفر ومايكون حصل حمل ؟؟
وهذا انا سافرت ...ورجعت ...وبتجي الصيفيه الثانيه وانا ماحملت ...:(
كل صيف اقول معقوله بتجي السنه الجايه ومااكون حامل ؟؟
وتمر السنين
قبل العام كان زواج قريبتي ...
قلت خيره ماابي احمل (كنت متاخر سنيتن عن الحمل )
خلني استانس وارقص
تزوجت قريبتي وحملت هي ...قلت يارب ماتولد الا وانا حامل ...
ولدت ...قلت يارب احمل قريب ....هذا هي تخطط للحمل مره ثانيه ...وانا لسه!
اااااااه
الحمدلله على كل حال :(
بس اللي مريحني ان اللي علي سويته ...
والباقي على رب العالمين