عروس الشام :

مرحبا يا أمل لبنان.. ايه شو هاد.. يلي بيشوف هالموضوع بيقول شامية و نفوسك بالميدان كمان.. ما شاء الله عليكي.. بس معليشي اتغالظ و علق كم تعليق.. بالنسبة للبنية فعلاُ ما بينحطلها نعنع و ثوم.. الهيئة فاتت الطريقة اللبنانية معك بالطريقة الشامية و الشيشبرك اسمها شيشبرك بس.. بس لما بتعمليها مع اللبنية سوا بنفس اللبن منسميها عسكر و حرامية.. و لما بتعمليها بلبن بارد عواض السخن منسميها ططربرك و بعدين شلون الأوزي فيه فطر؟؟؟؟ صدمتيني.. بعمري ما دقته بفطر,, حتى الجزر نادراً ما يحطوه بالأوزي.. غالباً بس البازاليا و اللحمة المفرومة و الرز و بيحشوا العجينة فيها و على الفرن.. يمكن الحلبية طريقتهم مختلفة.. اسألي امك أكيد بتقلك الشوام ما بيعملوها بفطر.. هلأ انتبهت انك كاتبة طريقة الأوزي و مسميتها رقائق محشية بالرز.. على فكرة الأوزي مشهور انه بيتقدم بالعزاء.. و مفركة البطاطا أطيب تتاكل مع عصرة ليمون بدال اللبن... الملوخية ما قلتي يابسة و لا تازة.. بس من الطريقة مبين انو قصدك الملوخية اليابسة باقي الأكلات و الله في منهم ما بعرفهم و الهيئة انهم حلبيات.. بس شكلهم طيب.. يسلمو ايديكي.. و لو بدك أي شي نحن بالخدمة :) انتي بس اطلبي و ان شاء الله ما تكوني زعلتي من تعليقاتي.. بس أنا هيك ست حشورة بحشر حالي بكل شي :)

مرحبا يا أمل لبنان.. ايه شو هاد.. يلي بيشوف هالموضوع بيقول شامية و نفوسك بالميدان كمان.. ما شاء...