السلام عليكم مبروك عليكم شهر رمضان ..وجعلكم الله من صيامه ..وقيامه..واعادهالله عليكم بالصحة والعافية ..والله اشتاقيت اسمع اخباركم..يوم واحد بس انشغلت.وماقريت اخباركم ..والله حسيت اكو فد شي ناقصني ..تعودت عليكم ..احنه اليوم اتصلوا بينه وعزمونه عالفطور ..بس مو اكيد نروح لان زوجي يرجع شوي متاخر ..واذا مارحنه راح اطبخ ..تمن وتبسي بيذنجان ..وسلطة ..وشوربة عدس ..وتمر ولبن ..بس اريد اسأل شلون تطلعون الايقونات ..وبصراحة اني ما اعرف شلون احجي بالماسنجر ..

البغدادية ...
للاسف اني ما صايمه اليوم :( :44: ..زوجي مدا يوافق على صيامي علمود الطفل ,,وفقر الدم الي بيه يقلي حرام عليج تمنعين الطفل عن الاكل ..حاولت كل الطرق وياه ..حتى خابرت اهلي لبغداد وحجو وياه ..هو ما يوافق بعدين هددني اذا اصوم هو يفطر :D ( طبعا اكيد الحجي من وراى خشمه ) اني بعد يومين انشاء الله ادخل بشهر السابع ..هو يقلي انه الاكل مالتي اساس مو فد شيء وقليل :mad: ..هلمرة تريدين تصومين .........
بس راح احاول اصوملي جم يوم والله غفور رحيم.
اغلى وطن
بالنسبه لاسم الموضوع كلش حلو ..وألي يجي من الحلو اكيد حلو ..عاشت ايدج .
اني مدينتي يوتبوري ..جنوب السويد ..وهسه جيكت الفطور مالته اذا الله سهل راح يكون 7 الاربع ..بس هو جان المفروض تتغير الساعه على شهر العاشر .. ويصير التوقيت الشتوي جان كسبنه ساعه من الوقت ..اشو متغيرت ..؟؟


اريد ابشركم .. :27:
واخير راح تقل شويه من معاناتي ويه الغربه والكأبه :06: ..زوجي قلل دوامه جان يرجع ب 8 بالليل ..هسه راح يبدي يرجع من اليوم اذا الله سهل ب5 ..الف مبروك الي :icon28: :icon28: :icon28:

:27:canada
بالنسبة للوجوه التعبيرية راح تكون على ايدك اليمين به ما تضغطين على (اضافة رد) الموجود اسفل الصفحة اوكي :27:

وبالنسبة للمسنجر فشغلته سهلة . زين لعد شلون تحجين وية اهلج بالعراق :confused: . أنتِ منزلة برنامج المسنجر مالyahoo لو لأ؟

:27: ام عبد القادر
المهم النية والحامل عندهه عذر شرعي اذا ما تحملت تصوم او اذا صحتهه ما تساعدهه على الصيام . ان شاء الله توفين بعد ما تجيبين . بس انتِ هم خليج ويانة على الاقل ختمي القرآن ويانة.

:) بنات البارحة قريت موضوع بالمنتدى على ختم القرآن بشهر اذا قرأتِ 4 صفحات خلال كل صلاة.

سبحان الله والحمد لله ولا إله إلا الله والله اكبر
سبحان الله والحمد لله ولاإله إلا الله والله أكبر
سبحان الله والحمدلله ولاإله إلا الله والله اكبر
سبحان الله والحمدلله ولا إله إلا الله والله أكبر
سبحان الله والحمدلله ولا إله إلا الله والله أكبر
اللهم ارحمنا وإغفر لنا ذنوبنا يا أرحم الراحمين وخذ بأيدينا ولا تزغ أبصارنا بعد أن هديتنا و أصلح حالنا وانصر أهلينا على القوم الكافرين وأغفر لشهدائنا واعفوا عنا إن نسينا أو أخطأنا إنك غفور رحيم.

شلونج يا اغلئ وطن ..بالنسبة للايقونات كلما اضغط علئ وحدة يطلع بس رقم ..والجوة الموجودات مو هواية ..والماسنجر اني اتصل علئ اهلي بالكروت ..الكرت ب5دولارات بيه 40دقيقة ..كل اسبوع اتصل بيهم مرة او مرتين ..واذا ما اتصلت بيهم همة يتصلون ...ومبروك عليج شهر رمضان مرة ثانية ..