رمضانك بعيداً عن اهلك في العراق..........أدخلي وتعللي ويانة وسحورك علينة

banuk • 20 سنة

هله بابنات واخيرا انفتح الموضوع ولو الوقت متاخر وممسويه اي شى بس حبيت اكول
رمضان مبارك عليكم جميعا بالصحة والسعادة ان شاء الله
وتنتهي غربتنا ونرجع لبلادنا ويرجع العراق امن مثل كبل ان شاء الله
اني اليوم راح افطر وحدي لان زوجي عنده شغل بمكان بعيد وراح يجي باليل فايت وكت
بس ناويه اسوي شوربة عدس وكباب بالطاوه ويه الزلاطه طبعا
لان زوجي هم يريد ينزل من وزنه
بس باجر ان شاء الله راح اسوي محشى بيدنجان وتمن ويه شوريه العدس
وشكرا اختى اغلى وطن على الموضوع
وان شاء الله تظل لمتنه دائما

اغلى وطن • 20 سنة

canada :

شلونج يا اغلئ وطن ..بالنسبة للايقونات كلما اضغط علئ وحدة يطلع بس رقم ..والجوة الموجودات مو هواية ..والماسنجر اني اتصل علئ اهلي بالكروت ..الكرت ب5دولارات بيه 40دقيقة ..كل اسبوع اتصل بيهم مرة او مرتين ..واذا ما اتصلت بيهم همة يتصلون ...ومبروك عليج شهر رمضان مرة ثانية ..

شلونج يا اغلئ وطن ..بالنسبة للايقونات كلما اضغط علئ وحدة يطلع بس رقم ..والجوة الموجودات مو هواية...

:27: canada
ميخالف خلي تطلع ارقام من ينعرض الموضوع راح تتحول الى ايكون. وتكدرين تدوسين على كلمة (زيادة) وتطلعلج بقية الايكونات وانتِ إختاري.
بالنسبة لاتصلج باهلج استخدمي الكومبيوتر واحجي وياهم صوت وصورة :icon33: واشبعي بجي من تشوفيهم(طبعا من الاشتياق :( )

:27: بان
لا شكر على واجب. عيني بان شهيتيني كباب شلون تسوين كباب بالطاوة :p

canada • 20 سنة

:icon28: بسردت اجرب تطلع الايقونه لو لا

عيوشه • 20 سنة

السلام عليكم ورحمة الله وبركاته
كل عام وانتم بخير وجميع الامه الاسلاميه , اعاده الله علينا وعلى كل المسلمين بان يكون حالنا افضل واحسن
اختي اغلى وطن :27:
عاشت ايدج على الموضوع وفعلا نحن نحتاج الى لمه عراقيه ليست عنصريه والعياذ بالله لكن لاننا مغتربات وحال وطننا واهلنا باسوء حال :( , الله يفرجها عليهم وعلينا
اخواتي مبارك عليكم الشهر والله يجعلكم من عواده ويعينكم على حسن طاعته وعبادته
بالنسبة لي فانا لم احضّر شئ مخصوص لرمضان مثل كل عام لاني حسيت ان هذا بطر ورمضان للعباده وليس لتنوع الطعام وصرف الوقت في تجهيزه ( اقصد قبل رمضان )
اليوم طبخت تشريب احمر وتمن ابيض وشوربة خضر جاهزه وسلطه وشربت قمر الدين والحلو كريم كراميل وطبعا التمر واللبن , نعمه من الله الكريم وطبعا اغلب الاكل بقى لهذا سناكله غدا اذا الله انطانا عمر لاني استحرم ارميه
نسيت اقول
انني حضرت طرشي شلغم ( الاحمر ) قبل رمضان واليوم بدانا به وطريقته سهله وطيبه جدا :cook:
اغلى وطن
وين السحور؟؟؟؟؟؟؟؟؟؟ :p

Layali*Baghdad • 20 سنة

canada :

شلونج يا اغلئ وطن ..بالنسبة للايقونات كلما اضغط علئ وحدة يطلع بس رقم ..والجوة الموجودات مو هواية ..والماسنجر اني اتصل علئ اهلي بالكروت ..الكرت ب5دولارات بيه 40دقيقة ..كل اسبوع اتصل بيهم مرة او مرتين ..واذا ما اتصلت بيهم همة يتصلون ...ومبروك عليج شهر رمضان مرة ثانية ..

شلونج يا اغلئ وطن ..بالنسبة للايقونات كلما اضغط علئ وحدة يطلع بس رقم ..والجوة الموجودات مو هواية...

اخواتي الحبيبات..كل عام وانتنّ بالف الف خير بمناسبة حلول شهر رمضان الكريم..ادامه الله علينا وعليكم وعلى عراقنا الحبيب بالف الف خير وصحه وسلامه..ويا رب يا الله تعيننا على الصيام والقيام والطاعه..
اخواتي الحبيبات..طبعا اني حيل متأخره...ما شاء الله الكل موجود هنا..وأني هوايه فرحت من شفت لمّتكم هنا..
وطبعا رمضان عندنه باجر ان شاء الله..
وأني اوافق اختي عيوشه بالرأي...رمضان مو مال انظيعه بس بالطبخ والنفخ وننسى العباده وقرأة القرأن..لان هو بس شهر واحد بالسنه..
واكول مره ثانيه..يارب عيننا على طاعتك وارحمنا برحمتك يا ارحم الراحمين..ولا تنسون اهلنا اللي بالعراق...يارب احميهم من كل شر ومن كل سوء..اللهم انت مجيب سميع الدعاء.. :)