عايشة بمجد ابوها :

البارت الرابع عشر من ادعي علي بالموت ولا سمني .... في غرفة حنين..يدق جوالها ويدق قامت تشوف لقته فارس ..اخذت جوالها ورمته ..وهي معصبه وتمسح دموعها.. جلس يدق يدق ..عصبت منه ورمته بالجدار واختفي صوته ... فارس في السياره والدنيا مسوده بعيونه ..فكر يتصل براشد لكن مايبي يشغله والمشكله ان شا لله بسيطه وتعدي.. صوت حنين مو غايب عن باله ومنظرها قدامه ..كانت تبكي وتتكلم من قلبها مافي اي كلمه قالتها غلط .. لكن انا الغلطان بالي يصيرماعترفت لها اني احبها ..واهتمامي جا في وقت متاخر ..تحملت عذااب سنه ..ومن بين افكاره .. طلع قدام فارس سياره من طريق الخدمه حاول يبعد عنها لكن سرعته ماقدر يتحكم بالسياره حاول يبعد لكن ماكان اقرب له من عمود الاضائه ..صدم بالعامود..وانصدمت كل احلامه مع حنين وبنتها ..غاب عن الوعي ..الدم صار ينزف من راسه ..الناس تجمعووو .. والاسعاف.. اخذو جواله يتصلوون اكثر من مره لكن مافي احد يرد ..شافو رقم حنين باخر المكالمات الصادره ...صارو يتصلون لكن بالاخير يجيهم الجهاز مغلق... اسيل جت لامها تركض وهي مرعوبه .. فارس سوا حادث..تو الشرطه متصله .. ام فارس بصوووت عالي وخوف: صارله شي.. حنين طاحت بالارض وخانتها قوتها وضعفها بكها وحزنها .. اسيل : ماادري يقلون انقله الاسعاف للمستشفي... ام فارس طلعت من الغرفه تركض رايحه تبلغ ابو فارس ويرحون للمستشفي. حنين طاحت علي الارض مصدومه ومهدوده .. ليه ماردت عليه وهو يتصل علي اكيد كان محتاج مني شي..يمكن لو رديت ماصار هذا كله ... طلعت من الغرفه نزلت تحت ..حصلتهم بيطلعون للمستشفي.. جت بتروح معهم لكن مريم صدتها ودفتها . مريم : مو كافي الي سويتيه فيه جايه تكملينها عليه . انتي ماتحسين .. طلعو تركووه في حيره ماتعرف ايش تسوي .. منظر فارس وضحكته مو مفارقتها .. بنفسها ..لو صار لفارس شي ماراح اسامح عمري طول عمري انا السبب .بالي وصل له . امال بداخلها ..حرام فارس ايش قدمتي له غير عذاب في عذاب ..اهتم فيك وفي بنتك وش كنتي تتوقعين يعطيك اكثر.. جلست تبكي في مكانها .. قامت حنين وقابلتها يمامه وارتمت باحضانها..وهي تبكي. انا الي ضيعته يايمه انا الي وصلته لهدرجه فارس مادري ايش صاير فيه.. مادري ليه تغيرت وصرت قاسيه حتي مع نفسي.. يمامه : قومي اذكري ربك وصلي وادعيله وبيجيك ان شا لله انه بخير.. اخذتها لغرفتها وخلتها توضي وتصلي.. ابو فارس وابو حمد وابو طلال تواجدو عند الدكتور .. ام فارس وام حمد وام طلال وهيفا واسيل ومريم واشواق موجودين عنده بالغرفه لكن فارس كان غايب عن الوعي.. فتح عيونه ودارت علي كل الموجودين ماشاف حبيبته بينهم رجع لغيابه ..تمني يكون غايب ايام وايام علي انه يفتح ويحصل حنين بقربه .. يسئل نفسه وينك ياحنين وينك ..ابي اشوفك بجنبي بقربي حتي لو ماكنتي طايقه وجودي .. بس احبك احبك يصرخ بداخله ويتمني ان حنين تسمعها بقلبها وتحس فيه .. ابو فارس : الحمد لله يادكتور ماعليه خطوره .. الدكتور : الكسر الي برجله جبرناه والحمد لله الجرح الي براسه خيطاناه ..لكن الكلام علي الحديده الي كانت داخله بحنبه الايسر..نزف دم كيثر لكن الحمد لله قدرنا نطلعها ونخيط الجرح وبيبقي عندنا كم يوم تحت المراقبه ..واذا صحي الحين من غيبوبته راح اجي اشوفه . ابو فارس والخوف واضح بعيونه : والغيبوبه بطول . الدكتور : حالته مو خطيره والغيبوبه مؤقته انت تطمن . ابو طلال : الله يطمنك يادكتور يالله يا بو فارس خلينا نروح نشوفه .. قام ابو فارس وطلعو اخوانه معه وراحو للغرفه .. الكل جالس يترقب منه اي حركه ..لكن هو مو شايل هم الموجودين خاطره بس يسمع صوتها او يشوفها .. وصل ابو فارس ومن دخل..قامت ام فارس وهي تبكي .. طمني عليه ؟ ابو فارس: اذكروالله ياجماعه مافيه شي بس كسر وجروح ..بيجلس عندهم كم يوم .. يالله امشو نروح البيت واذا صحي بيبلغونا .. ام فارس : ماراح اروح الا لما اشوفه صاحي.. ردت مريم : كله منها الله ياخذها .. في هاللحظه فتح فارس عيونه..مايبي احد يمس حنين لو بكلمه .. فتح عيونه وماتكلم ولا كلمه المحته اشواق..وراحت عنده . من شافتها ام فارس راحت له ,,وتسمي عليه. لكن فارس ساكت وما تكلم.. دق جوال ام طلال..شافت الرقم طلعت ترد برا ..الو حنين : خالتي الله يخليك قوليلي فارس فيه شي.. ام طلال: لا ياحبيبتي تطمني .. حنين وهي تبكي : طيب باي مستشفي . سكرت ام طلال ودخلت الغرفه . فارس ساكت .. الكل تحمد ل باسلامه وودعوه يطلعون . ام فارس: انا بجلس . فارس بكل ثقل: يمه الله يخليك مابي احد يجلس روحو انا مافيني شي. ابو فارس: يالله مشينا يا ام فارس لا تنسين البنات محتاجينك بالبيت وراهم اختبارات . ودعوه وطلعو ..حمد ربه انه اتركوه مو طايق احد .. فارس سارح بافكاره وحاس كل شي ناقصه .. من طلعو من المستشفي الا حنين توها واصله .. دخلت وقابلتهم عند الباب لكنها مااعطتهم اي اهتمام .. مريم كانت تبي تتهاوش معها لكن لا المكان ولا الوقت يسمح لها .. دخلت الرسبشن (الاستقبال) حنين : السلام عليكم ..المريض فارس ابراهيم وين غرفته . الممرضه لحظه .. توه جانا اسعاف . حنين : ايه . الممرضه: الدور الثاني غرفه رقم 110 جناح ب حنين راحت من غير تشكرها من الربكه .. وصلت للمصعد حصلته بياخذ وقت لين يوصل لها .. طلعت الدرج وهي تركض.. وصلت للغرفه ومن وصلت خافت تدخل وترددت ..بس قوت قلبها ودخلت .. حصلت فارس نايم والرباط علي راسه ورجله مجبسه ..انصدمت لهدرجه انا ائذيتك صدق اني حقيره ومااستاهلك .. دخلت بهدوء ووقفت عنده شوي .. فارس حس بان فيه احد دخل خاطره يفتح عيونه ويحصل حنين .. من فتح تحققت امنيته ..ضحك وابتسم لها .. حنين دموعها نزلت ومسحتها بيدها : حمد لله علي السلامه . فارس ماراد عليها يبي يشبع من شوفتها . حنين ماتدري وش تسوي بس احمدت ربها انه بخير.. جلست علي الكرسي ..كلها دقايق الا والدكتور دخل .. كشف علي فارس وتطمن عليه .. حنين بكل طفوله : تعورت كثير. فارس حب هالنظره منها : لا كلها جروح وكسر. حنين : بس انا سمعت الدكتور يتكلم علي الحديد الي دخل فيك .. فارس: لا الحمد لله خاطوه وخلاص. فارس كان يحس بالالم بينه وبين نفسه مابين لحنين مايبي يفوت اي لحظه بدون مايشوفها حتي لو ماتكلمت .. جا وجبة العشا ..جت حنين توكله بيدها ..كانت مستحيه بس اظغطت علي روحها ..ووكلته . فارس كان في قمة سعادته مايبي يضيع الوقت ..مسك يدها من غير شعور منه ومن غير وعي وباسها وضمها له . لكن حنين حاولت تفك يدها منه من الحيا .. شالت الاكل ومازال فارس يحس بالم بس متحمل.. بين علي وجه الم سئلته وجاوبها مااقدر يتحمل اكثر.. راحت حنين من الربكه تنادي الممرضه وجت ..وعطته ابره ونام .. طفت الاناره وخلتها خافته وحطت راسها علي الكنب الي موجود ونامت من غير وشعور.. كل شوي تصحي وتشوفه محتاج شي او لا .. من جا الصبح .. صبحت عليه واعطته فطوره .. حنين : بروح اليوم لللبيت . فارس طارت عيونه : ليه . حنين : بجيب لي اغراض وكتبي . فارس:الاختبارات قربت روحي نامي في البيت وادرسي انا مو محتاج شي. حنين رحمته : لا اصلا اختباراتي بقالها وقت . كانت جالسه علي السرير بس قريب من عند رجله خايفه تقرب منه .. دخلت ام فارس واشواق وام طلال مريم. من شافتهم وخزتها ام فارس طلعت برا الغرفه .. جلست بالانتظار ..تفكر وتفكر بحالها وبحال فارس ..ياربي علي الي سوته له بعد يهتم لها .. يعني ما زعل .. دخلت اشواق من بين افكارها وقطعتها.. اشواق: لا تحسبين ان فارس بيجلس معك . صدقيني راح يتركك باقرب فرصه وراح تشوفين.. حنين ماردت عليها ولا تكلمت ..اطلعت من عندها لان عقلها اصلا مو قادر يجمع شي.. راحت للبيت ومن وصلت ماحصلت احد الكل مداوم راحت لغرفتها وجمعت ملابسها الي تحتاجها وملابس لفارس واغراض شخصيه له . واخذت لها كم كتاب تدرس فيهم لان اختبارها قرب.. مرت علي مياسه وسلمت عليها وباستها وهي نايمه وطلعت ..للمستشفي من وصلت ماحصلت ام فارس ولا احد الكل طالع . دخلت وقامت ترتب الاغراض .. فارس: جبتي اغراضك . حنين : ايه . فارس : اختباراتك قريبه ابيك تدرسين في البيت . حنين : مو مهم مكان الدراسه . فارس قطع الصمت الي بينهم . حنين ممكن تلبسيني لاني مليت من ملابس المستشفي. حنين استحت وانحرجت . فارس: اذا ماودك خلاص ناديلي من الممرضات يساعدوني. حنين حست نفسها غبيه لو سوت كيذا .. راحت وطلعت له ملابسه وجت تساعده في تلبيسهم .. جا وقت الغدا وتغدا فارس واكلت حنين .. طفت الانوار عشان فارس ينام ويرتاح .. واخذت نفسها تبي تطلع تدرس برا .. فارس صحي عليها : حنين اجلسي ادرسي هينا ماراح تزعجيني .. حنين :بس بزعجك . فارس: لا ماعليك انا مو نايم . حتي وانت يافارس تعبان ماتبي تفوت اي فرصه تجلس فيها مع حنين.. جلست حنين وهي تقرا وتدرس بجد غلبها النوم ونامت .. ابو فارس وصل للبيت والكل جا يتغدا .. ابو فارس: كيف فارس اليوم . ام فارس : ماعليه تصدق ان بنت عبد العزيز تذبح الميت وتمشي بجنازته . رايحه معه مرافق . اسيل: صدق انها تذبحه وتمشي معه . مريم خلصت غداها وقامت ولا علقت علي الموضوع . هند كانت طالعه مع تركي تتغدا برا .. من جا العصر ابو فارس.راح للمستشفي.. حنين صحت علي طيحت الكتاب من يدها ..صحت مفزوعه .. صحى فارس ..حنين : اسفه صحيتك . فارس: لا بس ابي مويه لو سمحتي . راحت حنين وصبت له مويه وسندته عشان يشرب.. دخل ابو فارس وسلم علي فارس وجلس .. وبعدها بدقايق دخل ابو حمد ..ومعه نايف وهيفا.. حنين حست ان مكانها ماله وجود وطلعت برا.. جلست تنتظر . وصل تركي وهند ..ورمت عليها نظرات تقهر الواحد . قامت من مكانها وقررت تنزل لحديقة المستشفي وجلست فيها شوي..صحيح الجو بارد بس تبي تشم هوا نظيف . الهوا بارد وحلو .. اشتاقت لمياسه ودها تسمع صوتها .. اتصلت علي يمامه واخذت تكلمها وتسولف معها وبعدين اخذت تكلم مياسه ..سكرت منها .. واخذت افكارها ..مااحد يسمعها ولااحد يحن عليها غير يمامه . كيف تقدر تعيش من غيرها ..كيف ممكن يكون حالها من غيرها صدق ربي عوضها خير فيها .. تنهدت واخذت نفس كبير.. حمد كان جالس يطالعها من بعيد حنين مانتبهت له وافكارها بعيد تبحر فيها .. كانت تبي تدخل جوا بس وين تروح ماتبي تنغث من كلامهم ونظرات تانيب الضمير لها .. جتها رساله طلعت جوالها وفتحتها ..حصلت اشواق مرسله لها رساله .. بيجيك يوم وتكونين ان شا لله مكانه ..ربي ينتقم منك .عذبتيه .. وحطي في بالك ان فارس يحبني وانا احبه وراح اثبتلك .. حنين انقهرت منها ومن الرساله امسحتها من غير ماتفكر فيها .. جت تدخل لمستشفي الا وحمد يوقفها كل ماجت تروح مكان راح قابالها ..ماتنكر انها كانت خايفه بس مخبيه خوفها ومتمسكه بالشجاعه . بحركه سريعه منها قدرت تنفذ من حركاته ودخلت لصالات الانتظار بسرعه .. جلست الين الزياره وقتها خلص والزوار اطلعو وتاكدت وراحت تدخل علي فارس .. سمعته يكلم بس ماركزت بالحوار.. فارس :اوكيه يالله مع السلامه . حنين دار براسها وعلي طول الرساله ركزت في عقلها اكيد هذي اشواق الي تكلمه بعدها بثواني جاه مسج .. جا فارس يقوم ..جت حنين تسنده يقوم( للحمام) حنين كانت بارده استغرب فارس:انتي وين كنتي جالسه . حنين بدون ماتطالع فيه ومنشغله معه : في الحديقه . فارس وكل التعجب بوجه : بالجو هذا ,مو خايفه تمرضين . حنين : الي كاتبه ربي بيصير.. اول مره يشوفها مستسلمه كيذا .. ساعدته وماقصرت معه.. اظلم الليل واظلم المستشفي ونام فارس ..وجلست حنين تذاكر وتضحك علي نفسها وتخط بالقلم وترسم ..بالها مو معها مااهي قادره تذاكر .. حاولت تقلب الصفحات وتتنهد بينها وبين نفسها ..محتاجه احد يحتويها يفهما ينسيها كل عذاب الدنيا ..مافي غير يمامه نبعها وحنانها واملها ..طلعت تكلمها واخذت طاقتها ورجعت عشان تذاكر.. طلع الصبح تجهزت حنين بتروح لاختباراها ..مع انها ماذاكرت بس بتقدم وتشوف ..اهم شي ماتضيع شي من يدها .. قامت تجهزت جت بتطلع وقفت تطالع في فارس نايم ولا علي باله اكتبت له ورقه وطلعت .. صحي فارس الساعه 8 ونص التفت علي طول علي مكان حنين ماحصلها نادا بس سكون مافي احد يرد .. التفت بيدق بالجوال حصل ورقه .. فتحها . صباح الخير ..طلعت لاختباراي بدري ماحبيت ازعجك..دعواتك . ضم الورقه لصدره ودعى من قلبه ..تمني تنجح لو مو عشان التعب عشانها تسهر معه وماخلته بظروفه .. جا الطبيب لفارس وكشف عليه .. وبشره الدكتور اليوم المغرب يقدر يطلع من المستشفي اذا يبغي .. حنين راجعه من المعهد وهي مو متفائله تمشي بالشوارع وتشوف العالم كيف مع بعض كل واحد اخر الليل يرتمي بحضن من يحبه ويتدفي من البرد وفي الصباح يصحي ..علي امل يعيش عشانه ويحس بالحيويه والدنيا حلوه بنظرهم .. وصلت للمستشفي وهي طفشانه ومانامت وحاسه بتعب خفيف بس متحمله علي نفسها تنفست ودخلت .. راحت اخذت لها قهوه وتوجهت للغرفه ..افتحت الباب بهدوء خايفه يكون فارس نايم وتزعجه . من دخلت حصلت فارس جالس يفطر .. فارس:ها بشري.. حنين عبرت بوجهها تعابير طفوليه : يعني مو مره بس ان شا لله بعوضه بالثاني . فارس:طيب ليه ماتروحين للبيت وتذاكرين هناك. حنين : وانت من ينتبه لك ويجلس معك .. فارس انشل لسانه وتفكيره اول مره يسمع هالكلام لهدرجه انا مهم ياحنين عندك او هو تكفير عن ذنب وخلاص.. تعالي افطري معاي..وعندي لك بشاره . حنين : مو مشتهيه بشرب قهوه بذاكر للختبار الثاني..ايش هي البشاره ..؟ فارس راح اطلع اليوم المغرب. حنين اعبست : ليه الدكتور قالك بس توك بدري. فارس: اي بدري ترا لي ثلاث ايام هينا خلاص. حنين : بس هينا اريح لك . فارس: لا راح اطلع عشان تهتمين بدراستك .. قامت حنين تجهز ملابسه بالشنط .. جت مريم وام فارس واشواق واسيل ..دخلو جت حنين بتطلع لكن ام فارس وقفتها ومسكتها مع يدها ..ترا ماخلص احسابي معك بس نرجع البيت نتفاهم .. فارس : يمه يكفي. اشواق: بعد الي صارلك وبسببها تدافع عنها .. مريم : اكيد بيدافع عنها مو بنت عبد العزيز .. حنين التفت علي مريم واشواق بس مو بيدها اي شي تسويه .. اسكتت وتحملت وطلعت وفارس كان ساكت مارد .. ام فارٍس: من دخلت علينا وحنا في مصايب مو مرتاحين غير الناس الي ماكلين وجهي.. فارس ساكت ومو عاجبه الوضع الي يصير لكن مايقدر يناقش تعبان .. اخذ الجوال واتصل واشواق تراقبه .. فارس: الو حنين وصوتها فيه البكي:نعم فارس:لا تطلعين بالحديقه قبل تجين تاخذين جاكيتك .. حنين اشهقت : لا مو طالعه انا بروح اكل شي وارجع . فارس حز بخاطره صوت حنين .. اشواق انقهرت من الحركه الي سواها ومريم اكثر منها .. رجع فارس لوعيه . الحين مااحد له دخل فيها هي زوجتي وعلي ذمتي والي يمسها يمسني. ام فارس: ولها وجه تجلس عندك بعد الي صار. فارس: وانا شفت احد غيرها علي الاقل فكرت تجلس مو مثل مريم الي منشغله بنفسها. مريم : انا وراي شغل مو مثلها بعدين مو هي السبب خلها هي الي تجلس.. اسيل: ورانا احنا اختبارات ..زين جينا نزورك ولقينا وقت . فارس: يمه سكتي بنتك لا يصير شي الحين .. دق جوال اسيل وقامت : طالعه بكرامتي. راحت ترد كان وليد يسالها عن اختباراتها .. طلعت ام فارس والبنات .. افطرت حنين وكانت الساعه 12 الظهر .. جا وقت غدا فارس وتغدا جت حنين بعد ماخلص الغدا وجلست علي الكنب ملامحها كانت واضحه عليها البكي .. اخذت تجمع اغراضها وترتبها ..راحت تصلي ورجعت علي الكنب كسلت غفت من غير وعي منها .. فارس جلس يطالع فيها ويتامل ويلوم نفسه ..قاعده تذبل قدامه يوم عن يوم ومو قادر يتحرك او يسوي شي يسعدها ..ضرها اكثر من انه يفرحها .. ظلااام ونور بعيد يضوي ..الوحشه في كل مكان ..الصوت من بعيد ينادي..شدة الظلام تشتد والنور يبعد اكثر واكثر..تمشي وتركض ماتلحق علي الضوء يختفي يختفي حتي صار سرااب. قامت حنين مفزوعه من نومها التفت يمين ويسار شافت فارس انتبه لها ..شافت الساعه كانت الساعه 3 ونص.. حست جسمها متكسر من الكنب ..من قامت تغسل وجهها الا الدكتور داخل.. الدكتور : ابسط ياعم اليوم طالع ووقعت ورقة الخروج واذا تبي الحين ..لكن بننتظر نتايج التحاليل..وتغير الضمادات وتطلع .. استانس فارس:هههه اخيرا . الدكتور : الي يسمعك يقول معذبينك ههههه يالله بنادي الممرضه تغيرلك الجرح . فارس : لا والله بس تعبت ابي اروح للوجه الحسن وجو العائله .. حنين انقهرت من داخلها اكيد مو اشواق حبيبتك موجوده تنتظرك .. كلها دقايق جت الممرضه ومعها الضمادات ..حنين ماتحملت المنظر وطلعت برا تكلم يمامه يرسلون لهم السواق .. خلصت الممرضه وطلعت دخلت حنين ..ولمت اغراضهم الباقيه وساعدت فارس يغير ملابسه .. جت العربيه وحاولت تساعده وتسنده عليها ...فارس بطبيعه جسمه كبير عند حنين بس الي يشوفهم يحس بالانجذاب. لبسته الجاكيت..ودفته بالعربيه طبعا ثقيل بس استحملت .. ومن وصلت للبوابه الجو غيم ومطر وبرد..ساعدته يركب وركبت هي والتفت علي الشباك تتفرج علي المطر .. فارس لاحظ ابتسامتها فرحانه من المطر صدق ان قلبك ياحنين قلب اطفال.. سارحه مع السياره وبافكارها ..الي تودي وتجيب ومادة بكره واختبارها اليوم ..اووف شايله هم ونفسيتها تعبانه والحين بتروح وتسمع منهم كلام يكدر خاطرها ..كل يوم تقرر بنفسها تصير قويه لكن كل وعودها لنفسها تروح ادراج الريح .. في البيت ..الكل مجتمع .. ام فارس ترتب الغرفه الي بالدور الاول عشان فارس مايقدر يطلع فوق وتبخرها وتعطرها .. ام حمد مشرفه علي الشغلات علي القهوه والشاهي .. الرجال جالسين بمجلس الرجال والحريم قبالهم بالصاله .. جهزو كل شي تحسبا لاي احد يجي يزورهم .. اشواق جت ومعها باقت ورد كبيره لونها ابيض واحمر .. حطتها بالغرفه ..ومريم بعد جابت ورد وحطته بالغرفه بجنب السرير. وصلت السياره عند الباب..حنين تنهدت .طلع نايف وابو طلال وابو فارس عند فارس يساعدونه من السياره واسيل ومريم واقفين عند الباب الداخلي للفله ومعهم اشواق. حنين مشت ورا فارس ..كانت متشوقه لمياسه اكثر من روحها ..تبي بس تدخل عشان تروح لها وتضمها لها اربع ايام ماشافتها .. من دخلت اشواق رمت عليها نظرات من فوق الي تحت لكن حنين ماحاولت تطالع فيها .يمامه قابلت حنين ومياسه راحت تركض بحضن امها شالتها وضمتها ..كانت مشتاقه لها حد الموت .. الرجال اخذو فارس لغرفته عشان يرتاح علي السرير.. جت وراهم حنين ومعها مياسه لكن وقفت من كلام هز فيها كل احساسها .. ابو حمد :حمد ودخلتيه السجن وفارس بتجيبن اجله بدري وش بغيتي بعد يا بنت عبد العزيز.. حنين انصدمت من كلامه معقوله هذا عمها اخو ابوها .. ليه يعاملونها كيذا وابوها في حياته ماقصر معهم في شي حتي شركاتهم اسسها لهم وساعدهم .. اشواق اضحكت من شافت شكلها وهي مصدومه ونطقت :قتلك مالك مكان بينا . حنين طلعت لغرفتها وماتشوف قدامها من كثر الدموع الي سالت علي خدودها .. امال وامنيات موجودين بس مالهم فايده بظروف اقوا منهم .. ضحكت مياسه ومسحها لدموع حنين حست بان الدنيا كلها عندها دامها تشوف بنتها بقربها هذي امنيتها .. راحت وغسلت وجهها وجلست تلعبها.. مياسه حست بالنوم ونومتها علي رجولها وجلست تذاكر مع ان التعب غالبها لكن تبي تخلص عشان تروح تختبر بكره .. اندق باب الغرفه.. حنين : مين ؟ الشغاله : العشا مدام . حنين شافت الساعه كانت 9 ونص. اووه اخذها الوقت من غير ماتحس .. انزلت تتعشي ونظرات اشواق مافارقتها ولا دقيقه حست نفسها في غابه مليانه ذياب الكل ينتظر منها الزله عشان يهجمون .. خلصت وقامت .. راحت تشوف فارس دقت الباب ودخلت . حنين : اسفه فارس بلهفه: لا تعالي اجلسي. مريم : اليوم ليلتي صح . فارس من غير نفس :ايه بعدها جت ام فارس واشواق والحريم وجا ابو فارس وابو طلال . وجلسو يسلفون . فارس نظراته علي حنين الي كانت منشغله وتطالع مرات بالموجودين ومرات تلعب باصابعها ان طالع فيها احد . وساعات يشوف نظراتها حايره وضايعه مثلها تماما.. اشواق : فارس ماشفت الورد الي جبته لك وشوف الكرت . (اغمزت له )بعدين اقراه. فارس ابتسم شكرا ماتقصرين .. اسيل : يالله تصبحون علي خير انا طالعه انام وراي اختبار عشان اقوم ادرس بدري. ماماتي صحيني الساعه 3 اقوم ادرس. ام فارس: روحي حبيبتي نامي الله يوفقك. حنين تطالع في ام فارس واسيل بلهفه كانت محتاجه ابوها في المواقف يدعيلها وقت الاختبارات ولا جت من الاختبار ترمي نفسها عليه وتقوله عن يومها ااااه تنهدت .. ابو طلال استئذن وراح واخذ معه اشواق. طلع ابو فارس ينام وراحت ام فارس بعد .طلعت مريم . جت بتطلع حنين فارس :بتروحين . حنين : اليوم ليلة مريم واجب علي اروح يالله تصبح علي خير. طلعت من غير ماتفكر في شي لانها واصله حدها من فارس يكفي العلاقه الي بينه وبين اشواق. اخذت نفسها وسوت لها قهوه وطلعت تكمل دراسه ورسم .. مر الوقت وهي مشغوله مع الدراسه ..غلبها النوم وبقالها كثير عشان تخلص..فكرت تنزل مره ثانيه تسوي قهوه ..كانت لابسه قميص قصير الي حد الركبه وعليه دوب كبير لونه بنك فاتح .. صحت مياسه من نومها ونزلت مع امها .. من وصلت غرفة مريم اسمعت صوت داخلها ..استغربت معقوله فارس لحاله تحت . نزلت بهدوء ومن وصلت لغرفته تسمع صوت فارس يتالم ..خافت وفتحت الباب.. فارس كان يتالم ويتقلب ..ومحد حوله حست ببرود الغرفه خاليه من اي احد ماغير فارس يصارع الالم لحاله .. حنين والخوف بعيونها : فارس يعورك شي تحس بشي. فارس ومن بين المه :عطيني مسكن اااالله يخليك . حنين جلست علي ركبها وتدور بين الادويه مسكن للام. اخذته وجت بتعطيه بيده لكن فارس مو متحمل الالم وفتح فمه ييبي يشربه بسرعه وشربته المويه وهو ماسك يدها .. حنين وقفت تطالع فيه ومياسه معاها .هدا شوي وحاولت تواسيه بالفراش زين وغطته . فتح عيونه بعد الالم وبعد ماهدا شوي.. فارس: شكرا حنين ماعرفت وش اسوي. حنين بقهر من داخلها :ووووين مريم . فارس: مريم ...ههه طلعت تنام بغرفتها مايعجبها النوم هينا وراها دوام . بعدين فارس انتبه للبس حنين وجلس يطالع فيها .. وملامحه تغيرت وكانها نظرات اعجاب وبنفس الوقت عتاب . حنين حست بالحيا:معليش بروح اغير وجايه . نزلت تشيل مياسه . فارس : خليها ميما كتكوتي هينا .. مياسه اضحكت وعلي طول جت بتطلع عنده علي السرير. حنين جت بتمنعها لكن فارس ماخلها اخذها بحضنه . ميما قطوتي ..ومياسه تضحك .. جلست تطالع في الجرح الي براسه والجبس الي برجله وهي تتعبر.. ميما ( مثل مافارس يناديها )من سوا الاح . فارس:اممم السياره ميما : السييايه..(السياره) فارس يقلد طفولتها : ايه . ميما تسوي نفسها تضرب الهوا وكانها تضرب السياره قامت تمسح علي فارس وتضمه لها .. ميما :ابح سيايه انوني(عيوني) فارس جلس يلعبها ويضحك عليها وعلي خفة دمها يحبها يموت عليها .. فارس:مين حبيبي انا . ميما:انا فارس مين حبيبك انتي ميما:انت فارس ههههههههههههههههه ميما ههههههههه وصلت حنين ومعها كتابها . حنين : كيف تحس الحين . فارس : الحمد لله (حس باهتمامها )صدق انها قد المسؤليه . فارس يبي يسولف معها ويفتح معها مواضيع . متي اختبارك بكره . حنين وتحاولت تتذكر:الساعه 8 فارس: الله يوفقك بس لا تشربين قهوه يكفي لك كم يوم وانتي تشربينها . حنين ببرائه: بقالي كثير. فارس : ان شا لله تخلصينهم انا واثق فيك . حنين عطيني مياسه بتعبك كيذا .يالله نام . مياسه تطالع امها وتهز براسها (يعني لا ) فارس يطالع بميما:لا بتنام معاي . حنين اضحكت علي حركات بنتها.. اخذت كتباها وجلست تذاكر علي الكنب وبصوت واطي ..وبعد ساعه تقريبا غفت وقامت مره ثانيه تحس بتعب بس لازم تخلص الماده . التفتت علي فارس وميما حصلتهم نايمن . جت بتاخذ مياسه من جنب فارس .صحا فيها . خليها نايمه برد وين بتودينها . حنين : بس بتزعجك . فارس: لا خليها . حنين تذكرت: الحين صح وقت دواك . فارس رايح عن باله مواعيد ادويته .وجلس يطالعها . حنين: بس قبل كل علي الاقل فواكه مايصلح تاخذه بدون اكل. فارس طيب عطيني اي شي اكله بس لخاطرك. حنين وقفت شوي لخاطري ماابغت هالكلمه تضرب براسها اكثر ماتبي تحلم وبعدين تهدم الي بنته.. اخذت تفاح وقشرته وعطته ياكلها وبعدها اعطته الدوا .. حنين : انا طالعه بتروش ابي اصحصح شوي . فارس : انتبهي لنفسك ترا برد برا . حنين : اصلا بتروش وبنزل اذاكر شوي حتي الصباح . طلعت من عنده وهي فرحانه مع انها تعبانه بس تذكرت الورد الي بالغرفه وانقهرت وقبل تطلع اسمعت صوت مسج .. حست بان الفرح بعيد عنها مهما سوت اشواق وراها وراها .. امال طلعت لها من بين افكارها الحين ادرسي وفكري في اختبارك لا تسممين افكارك فيها .. تروشت وراسها من التعب يدور لها اربع ايام تقريبا مانامت الا ساعات محدوده. وقفت عند المرايه وهي تفكر في كلمة فارس عشان خاطرك ايش يقصد جلست تسال امنيات ..بس كل الاجابات الي جاتها انه يهتم فيها .. بس للحظه جا شي في بالها ماتبيه يهتم فيها رحمة لها او شفقه .. نشفت شعرها واذن الفجر صلت ونزلت تشوف فارس ومياسه وتذاكر شوي.. من دخلت بهدوء وحطت راسها علي الكنب واخذت غطا تدفا فيه واخذتها النومه .. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت الرابع عشر من ادعي علي بالموت ولا سمني .... في غرفة حنين..يدق جوالها ويدق قامت تشوف...

عايشة بمجد ابوها :

البارت الخامس عشر من ادعي علي بالموت ولا سمني ... اسيل كانت صاحيه وتكلم وليد وطلال كان معهم في المحادثه . وليد : يالله حبيبتي روحي ذاكري وراك اختبار. اسيل:ولووودي حياتي بس شوي. طلال متابع بس يروح ويرجع مره ثانيه . وليد :لو حبيبتي نسبتها مو حلوه بزعل منها .. طلال: يالله عاد قومي ذاكري لا يجيك كف وليد ماينفع الا هالاسلوب .. وليد: هههههههههههههههههههههههه طلال: ههههههههههههه اسيل : اوريك تتفق مع خويك علي . خلاص زعلت .. طلال: يالله اقعد راضي ويقلون . وليد : ويقلون يالله حبو .. هينا طلال وكان خنجر انغرز بقلبه ,,حب اي حب بعد حنين ..اي قلب الي يقدر يحب غيرها . اسيل: يالله انا طالعه بااياات اكلمك بعد الاختبار قلبو . وليد : انتظرك حياتي .باي قفلت وراحت تلبس ونزلت تفطر.. حنين فزت من نومها الساعه 7 ونص قامت مفزوعه وطلعت بسرعه للاختبار من غير ماتفطر بس اشربة لها عصير وراحت .. بالطريق تحاول تقرا تدرس بس الوقت ماراح يسعفها..وصلت للمعهد وهي منقهره ان مامدها تخلص شي بس وكلت امرها وراحت من دخلت الاختبار وواخذت الورق جلست تقرا الاسئله وتقلبها برساها في اشياء حلتها في اشياء ماعرفتها ماحاولت تتعب نفسها ..بس تذكرت من الشرح معلومات وكتبتها وطلعت خلص اختباراها الساعه 9 وربع .. من طلعت السواق برا ركبت ..خطرت في بالها فكره تفرح فارس وتغيض اشواق ثانيا .. فكرت بمحل ورد ..وقفت ونزلت . من دخلت المحل انبهرت من الوان الورد وشكله وقفت تطالع وتتامل . شافت ورد لونه بنك انجنت عليه ونسقت معه ورد ابيض جوري. اخذت بطاقه احتارت ايش تكتب .. بس بالنهايه اكتبت.. فارس وبيده صورة اجمل ماعطاه ربي ..جلس يتامل فيها ويتلمس ملامحه ..يشوف شقاوتها ضحكها لعبها نظرتها لهفتها. شاف جمالها طفولتها احلامها خيالها ..عكس ماهي الان حيويتها اختفت مع الوقت ..اختفت مع معاناة صارعتها بعمرها.. وعد نفسه يتغير ويعبر له عن حبها .. خلصت اسيل اختبارها وهي فرحانه اخذت جوالها واتصلت علي حبيبها. وليد:هلا حبيبتي وينك امرك .. اسيل:انا في الكفي شوب تعال .. وليد : طيب ولا يهمك كلها دقايق وانا عندك . سكر وليد من اسيل وراح لها ومن وصل جلس معها سوالف .. وليد قرب من اسيل وباسها مع خدها : حبيبتي تروحين معاي الشاليه . اسيل : حبيبي مااقدر الحين وقت رجعتي للبيت وماقلت لامي بتاخر خلها يوم ثاني . وليد : حبيبي انتي الحين انا بخطبك وانتي تتحججين اوكيه وعد يوم ثاني . اسيل:اوعدك رن جوال اسيل طلعته تشوف مين .. اسيل: هند ولازم ارد لا تتكلم . اسيل: اهلين . هند : وينك اسيل: في المدرسه . هند : طيب يالله تعالي تراني خلصت اختباري واشواق بعد اسيل: ياسلام والسواق الثاني. هند : ليه ماتعرفين انه مع بنت عمك . اسيل: مشا لله من متي .؟ هند :يالله بسرعه بنموت من البرد ويعدين اشواق بترجع معنا هاليومين .. عشان اختباراتها . اسيل: طيب يالله الحين بجي الله يعيني. وليد: حبيبتي بتروح . اسيل : ايه شاسوي ..غصب قلبي اشوفك وقت ثاني بااي قامت وطلعت من عنده. حنين وصلت للبيت .. تسمع اصوات في مجلس الحريم ومن دخلت وتسللت لغرفة فارس وهي خايفه من عمتها .. فتحت الباب ودخلت بهدوء .. فارس جالس يتامل بالصوره من طلعت وهو صاحي ماغفي ولا جاه نوم ..الا لما يشوفها قباله. من دخلت احتاس وقفل محفظته .. من شاف الورد ابتسم :هذا لي. حنين : اعجبتك المفروض اجيبها لك من بدري . فارس: يكفي انك فكرتي فيني. حنين استحت من كلمته وابتسمت له وجت بتحطها علي الطاوله المقابله عند الكنب. فارس: جيبها هينا احلا. حطتها حنين بالطاوله الي جنب السرير.. واستئذنت تغير ملابسها .ميما نايمه بالعسل حصلت الدفا عند فارس, من طلعت فوق ودخلت تاخذ شور وطلعت لبست ملابسها ونزلت عند فارس.. اخذ فارس الكرت من الورد وفتحه .. سلامة روحك ..اسفه علي تقصيري .. اعذرني.. حنين ضم الكرت لقلبه حبيبته كاتبتله سلامة روحك .. حنين احبك احبك .. دقت الباب ودخلت ..اتفاجئت بوجود اشواق . جالسه ومعها كاس عصير وسوالف مع فارس .. فارس :خلاص متي ماقمتي جيبي لي كاتابك ادرسك .. اشواق: هههه ولا يهمك كم فارس عندي اقصد كم استاذ هههههه حنين دخلت وجلست علي الكنب جتها ميما ..وجلست بحظنها . حنين :افطرت او اجيبلك فطور . اشواق: ماتشوفين العصير معاه . حنين قررت تدخل.. بس العصير مو فطور وراه ادويه بيشربها . فارس: حنين لا تكبرين السالفه ..عصير بيكفي . حنين : براحتك .. اشواق:اوكيه انا طالعه انام وان شا لله اذا صحيت بنزل تدرسني اوكيه . فارس وهو مبتسم :اوكيه حنين انقهرت من حركات فارس واشواق. جت لحنين رساله من فتحتها ..تفاجئت ماشفتي شي الي الان بس الايام راح تثبتلك .. جلست تتامل في الرساله وبكل حرف موجود فيها .. خلاص حنين وصلت لمرحله مو قادره تتحمل اكثر ظغوطات كل مالها وتزيد ماهي قادره تتحمل .. حطت راسها علي الكنب ووجهها علي الشباك ضمت نفسها وجلست تبكي بصوت واطي .. ماهي قادره تتحمل هم اختباراتها وهم زواجها هم المسؤوليه وهم اشواق واعمامها ..كل ابتساماتها تضيع بين زحام الموجودين .. كل سعادتها ودعتها وادفنتها بقبر ابوها .. حتي بسماتها في الحياه مصيرها بتضيع وبياخذها ابوها منها ويحرمها .. كل شي يهددها .. نامت علي بكاها ..بس الكوابيس ماخلتها .صحت بعد ربع ساعه من نومها .. ماعندها بكره اختبار هذا الي ريحها .. صحت كانت الساعه 2 والحين وقت الغدا .. فارس كان يقرا كتاب.. صحت من غير ماتكلمه وراحت للمطبخ وجلست علي الكرسي وحطت راسها علي الطاوله راسها يعورها ..جتها يمامه وجهزت لها شي تاكله بس حنين رفضت مو مشتهيه ..اخذت غدا فارس وراحت تحطه عنده .. دخلت ..حنين :تفضل هذا الغدا . فارس: تغديتي. حنين : لا مو مشتهيه بروح اوكل مياسه واروشها .. طلعت من عنده واخذت مياسه للمطبخ تاكلها ..خلصت وطلعت لغرفتها .لعبت معها بالمويه شوي ولبستها ملابسها ..ونامت علي كتفها .. فارس خلص غداه ..وحط راسه علي المخده بعد ماجت ام فارس وجلست عنده وهذرت عليه واشتكت له من حنين وعمايلها .. فارس يحاول ينام بس مو قادر قلقان انزلت حنين ومعها مياسه وحطتها في فراشها وراحت لعند فارس واخذت له عصير . دقت الباب ودخلت . حنين : نمت . فارس : لا حنين : الحين وقت دواك وجبتلك عصير عشان تشربه . فارس اخذ الدوا منها واشربه وشرب العصير. وحط راسه علي المخده . تقدرين تقوميني الساعه 6 عشان اشواق تبغاني ادرسها حنين : ان شا لله . جلست علي الكنب فيها نوم وفيها تعب لكن عقلها مشغول تفكر تطلب الطلاق من فارس باقرب وقت بس لين يطلع من حالته .. لفت علي الجهه الثانيه لها كم يوم علي هالحال ..مريم ماتدري عنه ولا امه ولا ابوه ..كل الاهتمام مسؤليته علي ..ياربي ساعدني علي الي انا فيه ..اشواق مو مخليتني بحالي ..وفارس معها في كل شي يحبها طيب ليه مايتزوجها ..ليه اخذني عشان يعذبني .. لكن في قرارة نفسها ان الطلاق احسن حل بالنسبه لها وتروح عند راشد ..مثل ماكانت اول مخططه . بس تتوقع اعمامها الا هي متاكده انهم ماراح يخلونها بحالها .. حاولت تشيل الافكار عن راسها وقامت تشغل نفسها بشي.. شافت الورد بدا يذبل حق اشواق وشافت الكرت ..فضولها خلها تفتحه .. حمد لله علي السلامه يا ولد عمي روحك ترا تهمنا .. بنت عمك الي تخاف عليك اشواق. انقهرت حنين علي الكرت ودها ترميها تحرقها بس شالت الورد وخلت البطاقه علي الكمدينه الموجوده عند راس فارس.. ورمت الورد . طلعت من عنده وراحت لصاله تجلس فيها شوي..تتفرج علي التلفزيون .. ام فارس: انتي ماعندك غرفه تضفك . الحين بيجوني حريم يتحمدون لفارس بالسلامه ومابي اشوفك هينا . حنين قامت من غير اي نقاش. طلعت لغرفتها واخذت لها القران وجلست تقرا فيه .. اذن المغرب قامت تصلي ونزلت بهدوء تصحي فارس.. ومن دخلت الغرفه بارده وفارس نايم والجو هذا مايساعد المريض .. تعبان والالم تروح وتجي عليه ..ما استعاد قوته وصحته الي الان . حنين : تبي تنام بعد . فارس: قد ايش الساعه. حنين : الساعه 6 ونص. فارس وهو مرره تعبان :يووه تاخرت في النوم الحين اشواق تجي . حنين صارت تغلي من داخلها حتي وانت تعبان اشواق تفكر فيها . فارس صار يتالم من الجرح الي بجبنه بس يقاوم .. ساعديني ابي اتروش. حنين وملامحها فيها ترجي : لا تتروش الحين ارتاح . اجيبلك مسكن . فارس: عطيني اي شي يهدي الالم .. هينا حنين احزنت عليه وخافت عطته المسكن غطته بالحاف ..دفت الغرفه ...وقفلت الستاير .. وجلست علي الكرسي الي بجبنه ..وهي قلقانه عليه ..فارس يطالع حنين تغيرت من جد عن اول كل شي فيها غير ملامحها فيها التعب واضح وجسمها منهد ..حتي اختباراتها ضيعتها عشاني .ومافي احد فكر فيني او في صحتي كثرها .. حتي بنتها اهملتها عشاني ياربي ليه انا مو قادر اتحرك ودايم ظالمها.. حس فارس بس بعد فوات الاوان انه مو محصل وحدها مثلها . نزلت اشواق وتوجهت لغرفه فارس وريحه العطر والكشخه .. جلست علي طرف السرير.. فارس بدا يقوم من مكانه .. جت حنين وساعدته وطلب يجلس علي الطاوله .. جلس وجلست بجنبه اشواق وطول الوقت وهي تطالع فيه .. حنين تشوف الي قاعد يصير ونظرات اشواق مانزلت عنه ..وهو متحمس بالشرح مر الوقت .. اشواق: حنين جبيلنا قهوه . فارس الالم ذابحه مو قادر يتكلم او يناقش يبي يشرح وخلاص. حنين طالعت في اشواق وهي منقهره منها ومن طلباتها واوامره . طلعت وجابت لهم ودخلت وحطتها علي الطاوله .. اشواق تبي تكمل اهانتها : لا تجلسين كيذا ترا مااعرف افهم . حنين تنهدت يعني وصلت فيك الجرئه الي هينا ..قررت تطلع بكرامتها .. طلعت وهي منقهره بس قبل لا تطلع ..اخذت الشال حقها وحطته علي فارس.. حنين : الجو بارد تدفا زين انا رايحه انام .. راحت وتركت وراها قلبها ينزف من اهانات تعودت تسمعها صبح وليل ..مافي احد قد راعا شعورها .. امال وامنيات بداخلها بس لازم تصبرين هذا قدرك. حنين بداخلها اصبر الي متي ليه انا الي دايم اصبر واضحي مافي احد يقدر يسوي الي سويته ..تحملت حمد واهناته ..وجربت اعيش مع فارس وذله ..وماسلمت من اشواق وتحديها ...تنهدت بصوت مذبوح .. وصلت غرفتها غيرت ملابسها وفي بالها تنام وبس لها كم يوم مانامت ماتبغي تفكر في فارس..عنده اشواق تسعده ..كانت الساعه 11 تذكرت دوا فارس موعده الساعه 4 الفجر جهزت المنبه بجوالها ونامت بس هالمره علي السرير...علي مكان امانها ... فارس من حطت حنين الشال علي اكتافه وهو ضايع بين افكاره وتزاحمها ..تدافعت كان في شي في خاطره يقوله روح لها ارحم نفسك ..ريحة عطرها تحسسه بالدفا .اعترف لها اكسر الكبرياء ..اسعدها ..اهديلها الدنيا ..وحبها ... اشواق:الحمد لله مابقي شي ونخلص.. كمل فارس وشرح لها خلص وطلعت اشواق لغرفتها .. قام من مكانه وتعثر بمشيته مو قادر يساعد نفسه .. وصل بعد جهد لسرير والشال علي اكتافه يحس حنين وصلت لقلبه وقريبه منه بسب ريحة عطرها الي حبسها بانفاسه خايف مايدري ليه .. اخذ جواله بيتصل عليها حصل الرقم الغريب متصل عليه ..قرر ينهي السالفه ويعرف مين ويغير حياته مع حنين ..اتصل علي الرقم .. يسمع رنة الجوال قريبه منه .. التفت حصل الجهاز علي طرف السرير.. سحب الجوال وفتحه شاف الرسايل نفسها الي تجيه ..انصدم صدمة حياته .. دخلت اشواق مستعجله كانها تايهه والخوف بعيونها ..من دخلت حصلت الجوال بيد فارس .. اشواق ابتسمت كنت ادور عليه الحمد لله حصلته تقولها وهي خايفه فارس : استغربت جهاز مين . اخذته وطلعت يالله تصبح علي خير.. فارس مارد عليها ..لام نفسه علي كل شي ..كل الي بيني وبين حنين من وراها ليه انا ضيعتها ..لاام نفسه ...اشواق مصدر تعاسته ..ليه انا ما فهمت حركاتها لهدرجه الوقاحه وصلت فيها ....كرها كان وده يذبحها ...بس مسك اعصابه ..كل امله الحين حنين ..وبس عارف انها دواه وطبيبه .. اخذ نفسه حاول يمشي ويوصل الدرج والعكاز مرافقته ..وقف ياخذ انفاسه ..تعب من المشي وظغط علي نفسه حتي وصل نهاية الدرج ..وبين كل خطوه والثانيه يجاهد حتي ياخذ الخطوه الي بعدها ...وصل اخيرا لباب الغرفه ..فتح الباب ...دخل ...بكل هدوء.. الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت الخامس عشر من ادعي علي بالموت ولا سمني ... اسيل كانت صاحيه وتكلم وليد وطلال كان معهم في...

عايشة بمجد ابوها :

البارت الثاني عشر من ادعي علي بالموت ولا سمني بس لا تفارقني .. الكل راح ينام ماعدا فارس الي مايدرون وين ارضه . حنين مقفل عليها باب الغرفه ومن كثر مابكت نامت علي عتبت الغرفه بملابسها .. فارس كان في كفي شوب جالس يشرب قهوه ويدخن بشراها وحده ورا الثانيه نفسه عيت تهدا من الي صار .. انبه ضميره علي حنين وكيف مد يده عليها كيف تجرء وذبحها اكثر وذبح معها الشخص الوحيد الي ممكن تثق فيه .. بس ماينلام من الي شافه الذنب كل علي حمد ..فكر يروح يثور فيه ويذبحه عشان تهدا نفسه . قباله طيف حنين وتوسلاته كيف مارحمها .. كره نفسه معقوله وصلت لدرجه مافيني رحمه بقلبي .قرر يطلع ويروح يشوفها حرام تركها بعد ماصب كل غضبه عليها ..شربها كاس المر باعت عمرها وحياتها واافقت علي عشان احميها اصير انا عليها وضدها . ركب سيارته ورجع للبيت ..وراح للغرفه حصل يمامه جالسه عند الباب تترجي حنين لكن حنين ماترد عليها ..ماتدري عنها . يمامه : يمه فارس شوف وش في حنين ماترد علي انت ضربتها صح . فارس نزل راسه مو عارف ايش يقول معه حق او لا . لا تلوميني وقتها ماعرفت ايش صار فيني من شفت حمد قريب منها . يمامه وبصوتها البكي: فارس انت ماحافظت عليها انت يوم عن يوم تذبحها انت ضيعتها بدل ماتحميها حرام عليكم وش تبون منها زود خلوها تعيش لبنتها .. فارس ماتحمل كلام يمامه .والاسف مايغير بالموضوع شي جرح اخر شي يربطه بحنين تحسف بس الشيطان .. فتح الباب وحصلها نايمه علي العتبه مكان ما تركها ..والضرب كان معلم في جسمها ووجها من شافتها يمامه راحت لها تركض ورفعت راسها عن الارض .. صحت حنين فتحت عيونها بثقل من التعب .. من شافت ولمحت فارس واقف بدت ترجع لورا وتخبي نفسها باحضان يمامه وهي تشاهق وتبكي وتنتفض.. فارس ماقدر يستحمل طلع وتركها وبعيونه الف دمعة متجمعه .. اصعب شي ان الدمعه محبوسه مو قادره تنزل وكبريائك يمنعها ومنظر حبيبتك قبالك يقطع قلبك ويتصارع مع نفسه ليحصل علي مبرر..ومن غلطته الي راح تكلفه عمره كله.. يمامه تقطع قلبها علي حنين وقعدت تقرا عليها لين هدت نفسها .وقامت تروشها وتشربها مويه يمكن ترتاح شوي .. طلعت من الحمام ويمامه تمسكها وساعدتها في اللبس وولمت لها شعرها واخذتها علي السرير تنومها ..رفضت حنين لكن مافيها حيل تعاند اسكتت وحطت راسها علي المخده ومن شمت فيها ريحة فارس قامت ترميها وتصارخ وهي منهاره ودموعها سالت اكثر واكثر..قامت من مكانها وسحبت غطا السرير وتحوسه وترميه علي اارض وطاحت علي الارض منهاره ...قدرت يمامه تمسكها وتهديها وترجعها علي السرير وهي تمسح لها دموعها ..ومفزوعه ... حنين من بين دموعها الله يخليك لا تروحين نامي معي اليوم. يمامه : ارتاحي انتي الحين ولا تفكرين بشي وخذي هالحبه .. اخذت حنين الحبه وشربتها وحطت راسها علي المخده وجلست عندها لين نامت .. طلعت من عندها وهي قلبها يتقطع عليها وتودعها ربها . شافت فارس جالس علي الكنب.. فارس قام علي حيله وعيونه مليانه دموع علي الي سواه .ومن انهيار حنين قدامه .. نامت . يمامه : ايه نامت بس هذي اخر فرصه اتركها تحت يدك . فارس: انا الغلطان بس والله ماقدرت امسك نفسي من شفت حمد . يمامه تبي تنسيهم الموضوع ليفتحون صفحه ثانيه: ..عطيتها حبه منومه وراح تنام . انت ذبحتها يافارس ودفنتها .. فارس عذبه ضميره اكثر واكثر.. دخل عند حنين شافها ممده علي السرير ونايمه نوم عميق ماتحس بالي حولها وحز بخاطره علامات الضرب الي بيدها وبوجهها .. جلس علي السرير تردد يمسكها بس ماقدر يستحمل مد يده وبدا يقرا ويمسح عليها ..صار يبعد عن وجهها خصلات شعرها المتاثره معها ... كره نفسه ويفكر بمصير هالارتباط الي انغصب عليه وحبها وضرها .. مين الشخص الي يحب ويذبح حبيبته يطفي كل احلامها وينهيها لهدرجه .. سامحيني حنين تكفين سامحيني .. حنين من غير وعي ماتدري وش يدور حولها تفتح بس يغلبها النوم اكثر.. نام بجنبها وهو ماسك يدها وبالاصح ماغفاله جفن .. يتذكر كل حركاتها والموقف مازال في عقله ويذكره بالي صار صارت نقطه سودا بعين حنين .. في غرفة هند اشواق تهدي بهند لكنها تتوعد بحنين ومصايبها الي حتي في ملكتها ماخلتها بحالها .. اشواق تتوعد: انا الي برد اعتبارك لا تخافين كل شي بيصير احسن من كيذا .. كنا عايشين قبل تدخل علينا بنت عبد العزيز قلبت حياتنا فوق تحت حتي اخوي طلال وقف قبال اعمامه وابوه عشانها .. هند : الحين تركي وش بيقول .. اشواق وتزيد النار حطب:لو انا مكانك ماافوتها لها . اجلسو يتكلمون ويتعودون وخاصتا اشواق .. ام فارس ماجاها النوم وراحت تكلم ام حمد وتشوف ايش ممكن يسون عشان الفضايح الي صارت . لكن الي صار صار .. في صباح الجمعه الساعه 10 الصباح. صحي فارس قبل تقوم حنين بوقت وراح للمسجد بما انه يوم جمعه طلع من غير يفطروهذي اول مره يسويها راح اعتكف بالمسجد يقرا قران وارتاحت نفسه شوي.. جلس يدعي كل شي يرجع مثل ماكان وتسامحه حنين مايقدر علي زعلها . وغلطته كبيره عارف حنين وقلبها الي عانته مو شويه وجا هو كمل عليها .. وكلام يمامه مو قادر ينسي منه كلمه ..يدور في باله . صحت حنين وراسها يعورها ومو قادره تشيل جسمها من السرير. تبي تتذكر الي صار البارح ودها يكون كله حلم مو واقع لكن الآلم جسمها ذكرها واكده انه واقع .. جلست علي فراشها ساعه تتقلب وفارس مو موجود في الغرفه .. قامت تغسل وجهها وفتحت ستاير الشرفه تبي تجدد يومها وتنسي كل شي لكن الحزن بعيونها .. فتحت باب الحمام ووصلت للمغسله فتحت المويه الا وتنتبه لكلام علي المرايه مكتوب.. سامحيني اسف ضربتك بس من غير وعي اعذريني.. ليت الاسف يقدر يرجع الوقت واصلح الي سويته ... انهارت واخذت تمسح المكتوب بيدها وبالمويه ..بدت تشاهق وتبكي وجلست علي الارض تذكرت كل الاحداث دخلت يمامه وسمعتها وجودها بالحمام ,,عارفه انها منهاره الي الان بس ماتقدر تسوي شي اخذتها وطلعتها من الحمام وهي مرتميه باحضانها وتبكي .. تبي الحنان من امها تبي تخفف عنها الي صار ودها احد يشيل عنها .. اخذتها وبدون ماتتكلم قعدت تقرا عليها وتسمي وتشربها مويه .. يمامه : بسك ياحبيبتي خلاص الي صار صار.افتحي صفحه جديده ..صح غلطان بس عطيه فرصه اعذريه من قهره علي حمد سوا كيذا .. حنين وهي تصارخ : لا تحامين عنه حسو فيني حرام عليكم .. انا وش ذنبي بالي صار بس اللهم اني انضرب وبس انا شماعة غضبهم ..لان ماوراي سند واحد يسئل عني .. يمامه اشفقت عليها : بس فارس يحبك وويتاسف لك ويعتذر سامحيه .. حنين وهي تبكي: الي يحب يضرب الي يحب يكسر كل شي ممكن احمله له ..الي يحب يهيني قدام الكل يشوف غلطهم علي ويجلس يتفرج ..الي يحب يظلم .. ليتني اموت وافتك من الي يصير ابي اموت ارحموني مابي شي ماطلبت شي اكثر من حقي .. يمامه : اذكري ربك الدنيا ماتجي كيذا مو كل واحد جاته مشكله يتهرب منها بالموت حبيبتي ..فكري بعقل لا تخلين شي يخرب عليك حياتك .. حنين قاطعتها : اي حياة تتكلمين عنها حياة انا مااحبه له عالمه ولي عالمي انا ابي بنتي ونعيش سوا مابي زواج مابي شي .. فارس ماله فرق عن حمد بكل شي مثله بالبنات والكذب حتي الضرب وصل للمرحله هاذي.. جلست حنين تطلع كل الي بقلبها ويمامه تاركتها علي راحتها يمكن يخفف عنها .. هدت شوي ..وتذكرت يمامه مياسه اكيد صحت الحين .. نزلت تجيبها وطلبت الفطور لحنين ..طلعت عندها شافتها حنين اخذتها وضمتها لها بكت مسحتها بيدها .. فارس جواله دق اخذه ورفع السماعه خاف حنين فيها شي.. الو الو ... انا مو عايشه ومو تحمله كل الاهانه الا عشانك وربي عشانك لاشفت بسمتك نسيت كل الآلمي كافي اشوفك تضحكين لو ابكي كافي اشوفك تلعبين لو انا مربوطه مكاني ابي اشوفك اسعد الناس لو علي حساب نفسي بس ربي يخليك لي..اوعدك ماعد اتركك لاحد من اليوم باخذك بحظني مالي غيرك . انتي سبب ضحكي الي اغصبها تطلع بس ابيك بجنبي ..ضمتها وباستها وخلتها بجبنها .. جت يمامه :يالله افطري وتغذي عشانها .. حنين : لا تخافين علي شكلي تعودت علي العز كم يوم عشان كيذا الضرب هذا اثر فيني .. مع اني ذقت اكثر منه عند حمد هههههه ضحكت اخيرا وصارت لا مباليه .. فارس صكت ابواب الدنيا بوجهه من سمع ... بالغلط مياسه اتصلت علي فارس ..وهو بدوره جلس يسمع كلام حنين .. سكر الخط ودارت فيه الدنيا ..حراام الي قاعد يصير .. قرر من يطلع من المسجد يروح يراضيها لو وش يصير .. اخذت حنين مياسه وجلست تلعب هي وياها علي السرير ..بعدها قامت وراحت عند الصوفا تبي تقرا قران وتصلي.. صلت وجلست علي السجاده تدعي وتقرا قران ومياسه بحركاتها تقلد امها صارت تضحك عليها.. فارس وصل للبيت ..ومن وصل كان ابوه وامه موجودين ..سلم وطلع الدرج الا ابوه يوقفه .. تقول لزوجتك طلعه من الغرفه مافيه لو في اي مناسبه انت فاهم .. ام فارس : نكدت علي اختك امس وهي ملكتها ..هند كانت بحضن امها وتبكي.. فارس: زوجتي ماحد يحكمها غيري .. .. فارس طلع ولا همه كلام ابوه وامه . وصل للغرفه حصل حنين تضحك مع بنتها تردد يفتح الباب لكن اخيرا دخل .. شافته حنين سافرت الضحكه من عليها وسوت نفسها مو مهتمه فيه ولا في وجوده .. قرب منها لكنها قامت من مكانها وراحت علي الكنب.. عرف فارس انها مو مستحمله تشوفه او تسمع صوته بس قراره مو متنازل عنه .. فارس: حنين تكفين اسمعيني ادري انك زعلانه وماتبين تسمعين مني كلمه ..بس ضميري يعذبني.ليتني اقدر ارجع شي وربي ماامد يدي عليك بس سامحيني كنت وقتها منقهر .. قولي سامحتك ابي اشوفك مبسوطه ومرتاحه انا مااخذتك عشان اعذبك او ازيدك هم انا اخذتك اسعدك عطيني فرصه ثانيه وافتحي معي صفحه جديده.. حنين طالعت فيه بكل برود وتركته وهو يتكلم لا احد يلومها تكرهه مااعد تشوف فيه شي .. مثله مثل حمد ... حنين : انت تبغاني اسامحك ماعندي مانع بس اتركني بحالي كفيت ووفيت .قالتها ورمتها علي فارس وحطمته وراحت لشرفه .. فارس انطعن بخنجر اعز انسانه بس سكت وتحمل كلامها الي يجرح كله لخاطرها اذا يريحها .. واذا يكفر عن ذنبه قدامها . حس بان مستحيل حنين تسامحه بس يمكن الوقت يغيرها .. راح وحط راسه علي المخده وغمض عيونه يمكن يصحي علي واقع اوضح ملامح ويكون الي مضي كله كابوس وخيال ويمر. حنين جلست وتسندت علي المرجيحه واخذت عهد علي نفسها وعلي امال وامنيات الي بداخلهم انها تتغير وتصير اقوا من الي هي عليه وماراح تضعف لاحد حتي فارس بتحاول قدر المستطاع انها تبني حياتها بعيد عنه وبدون ماتستند عليه . فارس بحركته كسر علي اخر شي حلو كانت تحمله له وكسر فيها اشياء كثيره هز ثقتها بنفسها هالمره وبقوه .. مياسه هي كل ماتتمناه بالحياة .. قطع شرودها صوت مياسه وهي واقفه علي الباب القزاز وتنادي عموو وتخبط ..تلاحقت وشالتها لا تزعج فارس.. جا وقت الغدا وفارس نايم ولا نزل ومياسه بدت تنعس .. اخذتها حنين لصوفا ونومتها .. طلعت من الغرفه وهي حاطه في بالها ماراح تهتم لاحد ..وصلت لصاله الي فوق.. اسيل: حبيبي لا تصير طماع ان شا لله نتقابل اليوم . انصدت حنين من الي اسمعته وضحكت بنفسها هذا الي امس ذبحني عشانه واليوم اخته جالسه تكلم من وراه .. اسيل : يالله عاد خلاص بشوف الوضع الي عندي. اسيل: ولييد . حنين انهبلت وليد كان الاسم مو غريب عيلها سامعه فيه وتتوقع انه صاحب احد من العيال راشد مادري فارس مادري طلال ..مو قادره تذكر خافت ان فارس يدري ايش ممكن يسوي معها .. فضلت تسكت وتمشي الموضوع .. اسيل من جت تطلع شافت حنين وقفت تطالعها وكلها حقد .. اسيل: وصلت فيك انك تتجسسين علي الناس. حنين سكتت ولا ردت تبي تقهرها لان اسيل خايفه من اني اوصل الي صار لفارس .طالعت فيها ومشت .. نزلت تحت تبي تشوف شي تاكله من البارح ماكلت زين حتي فطورها ماكلت منه شي.. صحي فارس ماحصلها في الغرفه انجن نزل يدورها ومن شافها في المطبخ ارتاح .. فارس: حنين لو سمحتي احسبيني بالاكل . حنين ماردت ولا حتي التفت اخذته واحسبت احسابه .. وين تبغي تاكله .. فارس: بالغرفه فوق اذا ماعندك مانع .. حنين تاففت بينها وبين نفسها وش تبي فيني بعد .. اخذت الاكل وراحت لغرفتهم وحطته علي الطاوله طلع من الحمام وجلس اغرفت حنين لنفسها وعطته الصحن ارحمته ماتدري ليه حست انه لي تسويه كثير بحقه بس قهرها بقلبها .. اغرفت صحن ثاني وجلست ساكته واكلت ونص الوقت شارده بعدين ترجع لوعيها وتكمل الاكل لاحظ فارس شرودها ..حاول قد مايقدر يكلمها ويطلعها من جوها بس ماعرف اخر شي طفش وخلص اكله وراح لشرفه يدخن .. صحت مياسه من نومها وعلي طول راحت لفارس وتنادي له وهو ميت ضحك عليها .. حنين اخذت تتفرج علي التلفزيون لكن عقلها مو بالتلفزيون صارت شارده وتفكر في اسيل ووضعها تحاول تذكر وليد مين تقصد لان الاسم مو غريب عليها.. بس هي مالها شغل اهم ماعليها بنتها وحياتها .. رن جوال فارس وقطع شرودها كان علي الطاوله الي قبالها ..الرقم الغريب يتصل .. فارس ماانتبه ان جواله يدق.. جاه مسج .. اذن المغرب وراح فارس يتروش عشان الصلاة واخذ جواله شاف الاتصالات ورفع نظره الي حنين .. حنين كانت تطالع فيه بنظره ماعرف لها تفسير عمره ماشافها فيها ..حنين تغيرت كثير . نزل ماحصل احد في البيت الكل طالع فكر يفتح المسج بس من شاف الرقم الغريب تاكد ان المسج اكيد فيه شي بيشتت تفكيره اكثر من هو متشتت.. اتصل عليه ابوه وقاله انهم مجتمعين في بيت ابو طلال.. وطلب منه يجي هناك .. صلي المغرب وطلع لهم .. نزلت حنين للحديقه بعد ماتكدت انه مافي احد في البيت بس ماتدري وينهم جاها مسج.. راحت ركض تفتحه حصلته..من فارس ابوي اتصل وطلبني في بيت عمي ابو طلال انا رايح واذا احتجتي شي اتصلي علي.. حنين قفلته وانقهرت ليه الكل يتهرب منها ليه مافي احد معتبرها شي بالعائله.. جوالها بيدها اصابعها من غير وعي منها اخذتها لارقام اظغطتهم.. الصوت ان الهاتف المطلوب خارج عن الخدمه .. انهارت وجلست تبكي ..قبل كانت تتصل نفس الارقام ويرد عليها ابوها والحين صار خارج الخدمه مثل ما هي الان خارجه عن حياة الكل.. حتي حياتها مع فارس ومسارها غير عن الي كانت متوقعه وغير عن اي اثنين متزوجين تذكرت اختباراتها قربت ولازم تخلص التصاميم الي عندها .. دخلت جوا وحاولت تصفي نفسيتها عشان ترسم التصاميم حلوه .. اخذت اوراقها وجابت مياسه عندها علي طاولت الاكل وقعدت ترسم .. كانت لابسه بنطلون جينز وتي شيرت لونه احمر .ولامه شعرها بس لا يخلو من الخصلات المتمرده علي وجهها غير القصه الي قصتها جديد.. مياسه كانت عندها وجالسه علي الطاوله وترسم بكل طفوله وتشخبط .. هي متحمسه علي الاخر.. انفتح باب الفلة..ودخل تركي التفت حنين وشافته واستغربت سلمت من بعيد .. حنين بكل عفويه :ترا هند مو موجوده. تركي :ههههههه ايه داري علي وصول الحين . من دخل تركي الا وهند وراه .. هند من شافت حنين انقهرت بس ماحاولت تبين عشان تركي جت وجلست بالصاله ..حنين ماعطتهم اي اهتمام بل العكس انهمكت بالرسم .. في الصالة .. تركي:الحين بنت عمك صدق كانت زوجة حمد . هند وهي متنرفزه : ايه كانت زوجته وتزوجت فارس بالغصب.. يعني فارس مغصوب عليها . تركي تكلم من غير وعي:بس حرام تصير حياتها معذبة. هند بعصبيه:تركي اترك عنك البنت .. قامت هند من عنده وهي معصبه حدها .راحت لحنين ومسكتها مع يدها وهمست باذنها وبكل عصبيه مو كافي الي سويته في الملكه جايه تكملينها الحين .. حنين انصدمت من كلام هند وطالعت فيها :وانا ايش سويت الحين . هند :يعني بتقنعيني انك بريئه طيب انا اوريك . طلعت من عندها واخذت جوالها واتصلت علي ابوها .. ابو فارس:الو هلا بنتي .. هند وهي تسوي نفسها تبكي:اي بنت الحين بنت اخوك جالسه بتذبحني .. اابو فارس قام من مكانه وهو باينه عليه العصبيه : ليه وش سوتلك . هند:جالسه واخذه راحتها بالصاله ترسم وانا وتركي جالسين بالصاله صارت ما تحترم احد. ابو فارس انا الحين جاي اعلمها شغل الله .. فارس : خير يبه ايش صاير. ابو فارس : اي خير بيجي من ورا زوجتك . فارس خاف وعصب: ليه ايش صاير في البيت يعني كل ماطلعنا بتصير فيه معركه . ابو فارس :البركه في زوجتك انا طالع اوريها رايح اادبها .. فارس وقف قدام ابوه :يبه مافي احد له دخل في زوجتي انا طالع اشوف ايش الي صاير. طلع فارس من البيت وهو منقهر من هند وحركاتها وكيف راح يتعامل مع حنين اذا هي ماراح تتقبل منه شي؟ من وصل البيت حصل حنين بحالها ترسم ولا لها في احد .. وهند كانت جالسه في الحديقه وضحك وسوالف.. دخل البيت وهو متوتر حصل حنين ترسم في كل هدوء ومبين عليها التعب الساعه 11 .. فارس تقدم لها وهي واقفه وتتفرج علي التصميم وهمس باذنها :اكثر من روعه . هي خافت وانتفضت والتفت وهي تشهق من الفزعه .. فارس ابتسم وده يضمها بس عارف ان حنين ماتكن له اي مشاعر.. ابعدت عنه واخذت تلف الاوراق , راح عند مياسه وهي رافعه يدينها تبيه يشيلها ..اخذها وشالها .وقعد يلعبها بعد مالمت حنين اوراقها راحت تاخذ مياسه لكن فارس منعها . فارس: خليها معاي انا اطلعها تنام . حنين ماردت عليه طلعت بكره انت بتوديني للمعهد لان الاختبارات قربت .. فارس : ومن قالك اني ماراح اوديك انا مسؤول عنك. طلعت للغرفه وغيرت ملابسها وملابس مياسه وراحت تجهز ملابس فارس وحطتها له علي السرير وراحت تنام . فارس من طلع من الحمام لبس ملابسه وراح لفراشه ينام بس قبل يروح تذكر واجبه الي كل يوم يسويه جلس قبالها ويتامل فيها يشوف كل قطعه من ملامحها ..طفله بما تعنيه الكلمه ياربي كيف اقدر احافظ عليك .. يحبها وكل مشاعره الي بداخله متعلقه فيها .. بعد مرور اسبوع تقريبا .. وقربت طلعت الشاليه..قبل الاختبارات عشان البنات يرتاحون ..ويغيرون جو . الكل بدا يجهز اغراضه ..وفارس كان حايس بترتيب ملابسه ويتافف .. وصلت حنين للغرفه وشافته كيف حايس .. حنين : خليها انا اجهزها لك . فارس شافها وشاف نظره الاهتمام فيها ويدعي بداخله ربي لا تحرمني منها .. اخذت حنين تجهز ملابسها وملابسه بس كل واحد في شنطه.. رتبت له كل اغراضه من ملابسه الي ادوات حلاقته الي الشمبو والمناشف وملابس السباحه حتي شاحن جواله وفرشة الاسنان .وكتابه الي يقراه دايم..وحطت له مصحف . جهزت لها اغراضها وشنطتها واغراض مياسه.. وجا وقت الركوب بالسيارات ويتحركون .. حنين كانت شايله مياسه وشايله هم كيف بيمر الوقت مع فارس بسياره وحده .. تركي مر واخذ هند بسيارته ومشت السيارات اسيل مريم وام فارس وابو فارس بسيارتهم .. واعمامهم بسياراتهم حتي حمد طالع معهم .. ركب فارس وانتظر حنين لما جت واركبت ومعها مياسه كانت ساكته ولابسه نظاراتها وحايسه مع مياسه الي كانت تتشاقا بالسياره .. ومن شاف فارس الايس كريم ..قرر ينزل ويشتريلهم .. وقف عنده واخذ لهم ايس كريم .. حنين ماودها عشان مياسه بتحوس نفسها .. فارس: يالله عاد مامي خليني اكل ايس كريم (يستهبل ويقلد صوت مياسه ) حنين وكان الي بقليها راح وضحكت من قلب علي حركات فارس. عطت مياسه الايس كريم وحاست نفسها .. بس كملو طريقهم للشاليه .. فارس :تعرفين تسوقين . حنين :امم يعني مو مره ليه . فارس: طيب ايش رايك تنزلين تجربين . حنين بخوف واضح بوجهها :لا لا لا اخااف فارس: ههههههههه خوافه ترا مايبغالها شي حتي شوفي.. دعس علي البنزين واسرع حنين كانت خايفه ومغمضه عيونها حنين :فارس الله يخليك هدي شوي (والخوف ومغمضه عيونها وهي تترجها) فارس : فرح من قلب من اسلوبها ودلعها حتي ترجيها دلع .. رحمها وهدا السرعه وصلو للشاليه اخيرا.. نزلو وقبل ما حنين تفتح الباب.. فارس: حنين ترا حمد موجود وبيكون فيه انتبهي.. ولو سمحتي لبسك الحين تروحين تغيرينه .. انقهرت حنين وبدت حركات فارس الماصخه وتذكرت العهد الي بينهم ان كل واحد بطريق. نزلت ومشت ورا فارس خطواتها فيها تردد واضح وكانت تتمني بقلبها انها ماجت وتواجه مواقف مثل كيذا ..قررت تكون بحالها . الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ... ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......

البارت الثاني عشر من ادعي علي بالموت ولا سمني بس لا تفارقني .. الكل راح ينام ماعدا فارس الي...

niso86 :