البارت السادس من ادعي علي بالموت .....
ومن افتحته الا والطامه الكبرى كانت دموعها هي الي تحكي .تذكرت كل لحظها عاشتها بحظنها . راحت ركض لها مايقطع لحظات دموعهم الا شهقاتهم.
ضمتها بكل قوتها .وتمسح دموعها بيدها .وتبوسه ..وبلسانها الف كلمه وكلمه .لكن الدموع كانت سيدة الموقف.
يمامه ربت حنين في غياب ابوها وحبتها بحب بنتها واكثر.حنين كانت تحترم يمامه وتعتبرها مثل كبير في حياتها .
عاشت بحظنها لحظات انشغال ابوها بحلوها وبمرها .افتخرت بها قدام الكل بانها امها الثانيه .
كان عطاها بلا حدود بحر حنان ما ينضب.
صوت صياح مياسة صحاهم من الي هم فيه وتذكرتها وراحت تاخذها من راشد وحطتها بحضن يمامه يمه شوفي بنتك ابيك تربينها مثل ماربيتني.
يمه هذي بنتك ايش رايك فيها .؟
كان الموقف مؤثر وفارس ماكان يشوف قباله الا دموع حنين وفرحتها من شافت يمامه.
يمامه ماكان منها الا انها ترفع يدها لربها الي مانساها ..وشكرته علي اليوم الي حقق فيها امنيتها وشافت حبيبتها وبنتها..
حنين في فترة وفاة ابوها احتاجت حظن يمامه بس قسوة اعمامها احرموها..لعنت هالقسوه الي تولدت عند اعمامها وكيف ورثوه عن مين ..؟
نرجع للمزرعه..الساعه 7 ونص المغرب .
ابراهيم ونايف جالسين في الملحق يطل علي الحديقه الخارجيه ..كان فيها ورود وشجر كبار وفيها عريشه بالوسط..
الملحق كان تراثي لابعد درجه ..كان ذوق عبد العزيز الله يرحمه ,تعجبه الاصاله والتراث القديم يحسسه انه عايش .
ابراهيم:اتصل علي ابوك ولا روح شوفه لا يكون صار فيه شي.
نايف: عمي لا تخاف ابوي وانا اعرفه اقوي من انه ينهار او يتاثر,وبيني وبينك حمد يستاهل شي يصير فيه.
ابراهيم : والله فشلنا اخوك وصارت سيرتنا علي كل لسان وبنت عمك بعد انظلمت معاه.
دخل صالح.
صالح : من الي امظلم..؟
نايف تدخل بالوقت المناسب.
نايف: وينه عمي فيصل يبغانا في اجتماع وينه ..؟
ابراهيم : صح وينه دق عليه شوف وينه مو يجمعنا ويحمسنا ويروح .
الا علي دخلت فيصل.
وش فيه فيصل بعد ..
ابراهيم : مافيه غير الشطانه تعال واجلس وقول الي عندك..
فيصل : ان شا لله من عيوني نايف بالله صبلي قهوه خليني اروق ..
شوفو ياجماعة الخير مانبي اي انفعال بس عندي خبر مو زين ويمكن يكون زين ..
صالح: وش فيه وش صاير مو هالايام مانسمع الا الاخبار الشينه .
نايف: يبه اصبر خلينا نسمع لا تستعجل.
فيصل: توني جاي من مكتب حجوزات الطيران .وشفت راشد هناك بس هو مانتبه لي وعرفت انه حاجز لكندا.
ابراهيم : شي طبيعي بيسافر لكندا.
فيصل: بس الي انتم ماتعرفونه انه بياخذ حنين معه..
ابراهيم: ايش..وش قاعد تقول انت.
صالح: الصايعه تسوي سواتها وتروح والله ماياخذها .انا برد اعتبار حمد .
فيصل: ماقتلكم لا تعصبون .
نايف: ياعمي وش لون مانعصب انت تدري يعني ايش تروح معه يعني اذا راشد حطها براسه ماراح تطلع .
يعني كل شي سويناه هالسنين كلها بيروح.
فيصل: انا معك بس لازم الهدوء انا ماراح اخليها تطلع لو علي قص رقبتي.
ابراهيم: انت متاكد من الي قلته .
مااتوقع راشد يسويها .
صالح : ليه ماتتوقع مو هم دخلو ولد عمهم السجن يعني لا تستغرب منهم اي شي.
هينا ابراهيم سكت لانه عارف حركات عياله ووش لون تحدوه..
بين كل نقاشهم وانفعالهم..
طلب فيصل مهله يفكرون فيها بحل قبل تخلص حنين عدتها وتسافر مع راشد وقتها ماراح نقدر نطول منهم شي.انتم اكيد فاهمين مانبي راشد يحطها براسه.
جلسو الرجال من حل الي حل وكلهم تفكير..بس للاسف مالقو اي شي يستندون عليه او يفيدهم..
في مجلس الحريم الي يطل علي المسبح كان اثاثه كلاسيكي والوانه بين البيج والبني الغامق..
ام فارس: الحين بتصل علي ابو فارس وبنشوف متي بنرجع مع ان الجو يهبل.
ام حمد : بس لا تنسين الزواج الي بنحضره يبغاله تجهيز.
اسيل : يمه تكفين قولي لابوي ابي اروح للحفله الي قتلك عليها ..
ام فارس: تشوفين الملحق الي هناك وتدلين طريقه .؟
اسيل بغباء: ايه
ام فارس: روحي لابوك وقوليله انتي انا وش دخلني..
اسيل: ماما حبييبتي انتي تقدرين تقنعين باباتي.
ام فارس: لا تطفريني روحي انتي .
خلود: احسن ان شا لله مايوافق.
اسيل بصوت عالي: اسكتي من زينك .
ام فارس: خير خير اسيل تحطين عقلك بعقل بزر.
خلود : ايه يابزر تحطين عقلك بعقلي.
ام حمد : اسيل احترمي نفسك..اسيل اكبر منك .
اسيل تطلع لسانه وتستهبل عليها ..
خلود: خالتي ابي اروح مع اسيل لحفله
ام فارس: ايه صح ليه ماتاخذينها .
اسيل يمه ماابي اخذ معي بزر تفشلني.
ام فارس اجل روحي قولي لابوك انا مالي شغل.
ام حمد شخصيه قريبه لام فارس..لكن قوتها وجبروتها بس علي الناس مع زوجها ماتقدر تتكلم او تردده بالكلاام هو اقوي منها بطريقة معاملته حتي تربيته لعياله صارمه..الي ماتعرفونه ان ام حمد اخت هدى من الرضاع تربو مع بعض واخذو اطباع بعض ..كانت تكره حنين زوجه لولدها رغم جمالها الا انها تكرها لكره امها ..بحكم هي الغريبه علي العائله .
وكانت السبب الثاني في تعاسة حنين ..
اسيل راحت لابوها تقنعه تروح للحفله..
اسيل:عمي صالح تكفي كلم ابوي خله يوافق.
صالح : خلاص يابنتي بتروحين بعدين وش فيك عليها خلها تروح تغير جو.
ابراهيم: يااخوي ماتشوف الاوضاع الي احنا فيها .
صالح : مو عشان الاوصاع خلها تروح الاختبارات جايه وهي بالنفسيه هذي مايصلح.
روحي يابنتي بس هي متي .؟
اسيل قامت وباست راس عمها وابوها.
يوم الاثنين .
ابراهيم خلاص بكره بننزل .
صالح : الشركه واقفه اعمالها تنتظر جيتنا .
فيصل: مع ان الجو ماايتفوت بس الشغل اوجب علينا.
ابارهيم : قولي لامك يزهبون اغراضهم بكره نازلين.
اسيل: ان شالله ييبه من عيوني ..
راحت اسيل للحريم والفرحه مو سايعتها..اخذت جوالها واتصلت علي حبيبها..
االو حبيبي...عندي لك بشاره .
وليد: هلا بنور عيوني.بشريني.
اسيل: بجي للحفله باباتي سمحلي.
وليد: والله (وقام يصارخ) احلي خبر,
اسيل:ههههههههه حبيبي ايش تبغاني اجيبلك هديه.
وليد: عمري وهناي جيتك هديه انتي بس تعالي.
اسيل اوكيه عمري قفلت معه وهي طايره من الفرح وتحلم ببكره متي يجي وتروح .
وليد مبسوط علي الاخر ومو مصدق نفسه.
اخذ جواله وبدا يفتش في الاسماء ووصل لعند ..طلال
اتصل عليه وانتظر بس مارد عليه ..
ارسله رساله..
طلووول انا ماترد علي اوريك اول ماتشوف مسجي تتصل..
جا الليل والكل راح لفراشه ينام ماغير اشواق واسيل اجلسو يتسامرون اخر الليل.
في الجهه الثانيه من العالم كانت حنين تنوم مياسه بكل حنيه ويمامه كانت نايمه بفراشها ..
حنين نومت مياسه وحطتها علي فراشها وراحت للشرفه .
طلعت وهي لابسه بجامتها السماويه الي فيها دبب كانت طفوليه مااحد يصدق ان عندها بنت.
فكت شعرها واجلست شارده تفكر كيف راح تودع مكان تربت فيه وعاشت ايامها مع ابوها .وحبت الحياة عشانه.صحيح انتظرت هاللحظه تكون في حريه بس حريتها ارتبطت مع بنتها الي وجودها فال حلو ..ووجود يمامه.
راشد اه يا راشد من جد ربي عوضها خير.ماراح تنسي وقفته بس سؤال واحد دار في راسها كيف تسافر معه وتترك كل ذكرياتها وهل اعمامها بيوافقون او بيتحداهم مثل ماتحداهم في الطلاق ووقفته بشموخ قدامهم في المحكمه.
حست باحساس غريب بس مابغت هالاحساس يكبر بداخلها .
قطع شرودها لفحات الهوا البارده نوعا ما.ادخلت حطت راسها علي المخده ومسكة يد بنتها وتنسي همومها وتنام وهي مرتاحه كافي وجود راشد حولها ..
فكرت تصلي صلاة شكر قبل تنام .وفعلا قامت ووضت وصلت ونامت تحلم ببكره .
راشد كان يضرب احساباته ويفكر ومايدري الي سواه صح او غلط .مايدري اذا اعمامه وابوه في يوم بيسامحونه او لا .بيقدرون الي سواه ويمكن في يوم يحسون بغلطهم ويعوضون الي راح .اخذه النوم وهو يفكر .
يوم الاثنين اسيل مختبه في عمرها وراحت للكوافير وصلحت نفسها وتجهزت للحفله ..
طلال: الو اهلين بو ليد..اخبارك.
وليد: والله بخير انت اخبارك .
طلال : الحمد لله بعدين وش عندك كسرت جوالي امس.
وليد:هههههههههه لا ياشيخ كل هذا نوم .
طلال:يابن الحلال خلها علي ربك مشغول هالايام .
وليد: طيب والي يونسك اليوم ويقولك تعال لحفلتي..
طلال: الله يرجك الي الان وانت تحتفل ياخي صك عمرك الاربعين .
وليد:ههههههههههه الاربعين مره وحده يالظالم خاف ربك .
طلال: المهم وين محتفل هالمره.
وليد : في الشاليه ايش رايك تجي .بعرفك علي حبيبتي.
طلال: ان شا لله اشوف وقتي وارد لك .
وليد: والله والوقت الي مشغول المهم ترا مالك عذر تجي ومانبي منك هديه .
طلال:هههههههه مصدق عمره بجيبله هديه يالله بس.
وليد:ياخي جامل مو في وجهي .
طلال : المهم بحاول اجي يالله سلام .
وليد: سلام
فارس لبس ثوبه ولبس شماغه الي جلس ساعه يدورها من بين الدواليب ومريم في سابع نومه ..كان معصب حده وبينه وبين نفسه متنرفز..حصلها اخيرا ونزل ماحصل علي الفطور احد الكل نايم جاين من المزرعه متاخر..
ركب سيارته ومشي وجلس يحوس يدور وين جواله .(حالته حاله)حصله اخيرا واتصل علي راشد.
فارس : صباح الخير.وين الناس.؟
راشد وصوته كله نوم : هلا فارس .
فارس فتح عيونه : نايم .
راشد : ايه نايم بس بصحي الحين وش عندك متصل.
فارس: تعالي الشركه ابغاك.
راشد: وش تبي,
فارس:لازم تقول لاعمامي وابوي انك بتاخذ حنين معك.
راشد: ايه صح بس في الشركه مكان مو مناسب اخاف تطلع اصواتهم وانت اكثر واحد تعرفهم .
فارس: طيب تعال اليوم بعد الغدا وشوفلك حل معهم .
راشد : ان شا لله .يالله سلااام
صحت حنين وكلها فرح بوجود مياسة بجنبها.طلبت فطور لها وليمامه وجا راشد يفطر معهم .
راشد : حنين انا رايح اكلم اعمامك اليوم بسفرك معي.
حنين : راشد تتوقع انهم بيوافقون .
راشد: ماقتلك ازهليها لا تخافين خلاص ان شا لله كل شي محلول.
حنين وقفت عن الاكل وسرحت شوي بس رجعت لواقعها وتنهدت بصوت عالي.
في بيت ابو فارس الكل مجتمع علي الغدا .
دخل فارس ومعاه مخططات واوراق .سلم وجلس معهم ياكل.
فارس: يبه راشد يبي يجيي بعد الغدا .
ابو فارس:وليه مايجي لازم موعد قبل مو هذا بيته .
ام فارس:لا تلاقي حنين متحكمه فيه ومايطلع ولا يدخل الا باذنها.
فارس: يمه حنين مالها دخل لا تخلطون الامور.
مريم: وتتكلم بدون نفس اصلا من دخلت حنين حياتنا وهي متكركبه .
فارس : طالع فيها بس مااعلق.
بعد الغدا جلس ابو فارس في الصاله ومعه هند وام فارس.
جاهم اتصال وردت هند
اااااييييش...واااو صدق متي الله الحمد لله علي سلامتها .
ام فارس: ايش صاير.
هند وكلها فرح وتناقز : يمه هيفا ولدت وجابت ولد
ام فارس: متي ومن الي قالك.
هند : هذي خالتي ام حمد .
ام فارس يالله روحي البسي خلينا نروح لهم .
فرحو بولادت هيفا والكل انبسط لها ومع طلعت هند وام فارس الا علي دخلت راشد.
سلم علي امه ودخل للبيت .
حصل ابوه جالس جا وطاح علي راسه وسلم عليه..
ابوه سلم عليه ولا كان شي صاركان ينتظر راشد يتكلم ويشوف وش عنده فارس كان لاهي بالاوراق الي قباله ..ورفع راسه .
راشد: يبه انت تدري ان حنين تطلقت ومالها احد هينا .
ابراهيم : واحنا وين رحنا مو احنا اعمامها.
راشد: يبه انت علي عيني وراسي ومحشوم.
عصب ابوفارس علي كلام راشد.
ابو فارس: انت ماخليت فيها حشيمه لا انت ولا اخوك يوم دخلتونا للمحاكم .
فارس: يبه خلي سالفة المحكمه والبنت مبسوطه تخيل وحده مكانها مو بتسوي المستحيل لتسعدها وتوقف معها احنا ماسوينا الا الي كل اخو يسويه لاخته.
ابو فارس: بس هي مو اختك انت وياه .
فارس هينا تكلم من غير وعي منه
يبه لا تنكر افضال عمي عبد العزيز الله يرحمه يوم خسرنا ويوم دخلني شريك وعطاني من نصيبه عشان ابدا فيه ..واسست لي مكانه .
ابو فارس قاطع كلام فارس:بس يوم ويوم ويوم خلاص هذا في الماضي وانتهي.
راشد: شفت يايبه انت تقول ماضي وانتهي يعني سالفة طلاق حنين انتهت والحين نبدا من جديد.
ماطلبنا منكم شي غير انها تعيش بامان والامان هذا بيكون معي في كندا بس الين تهدا الاوضاع هينا.
ابو فارس وكانه بدا يقتنع من كلام عياله ورجع لعقله وصورة عبد العزيز اخوه ما غابت من قدامه .
راشد: يبه اذا انت رضيت يكفيني يايبه فكر بالموضوع .
وبأثناء النقاش انزلت اسيل وودعت ابوها رايحه للحفله .
فارس: وين رايحه علي اللبس هذا كله .
اسيل: انت مالك دخل رايحه لحفله معزمه فيها ,
ابو فارس تدخل : انت مالك شغل فيها طول ماانا عايش روحي وانبسطي.
اسيل باست ابوها وراحت .
فارس عصب بس تلاشيت عصبيته ورجع للموضوع.
يبه فكر في جديه انت اكثر واحد من اعمامي عاقل وقرارك بيدك لا تخليهم يظغطون عليك .
احتسبه اجر خل البنت تعيش حياتها من غير اي انتقام مسكينه حدها خايفه وعايشه بقلق.
راشد : كافي الي انوخذ منها وش بعد تبون تاخذون منها نصيبها تنازلت عنه وورثها واخذتوه وخسرتو وطلعتو وماطلع لها منه شي هي مو طالبه غير تعيش بحريه بعيد عن حمد .
خلص نقاشهم وكان ابو فارس بدا يفكر في الموضوع بدا يتحسف علي الي راح ..وكابوس اخوه عبد العزيز في باله..
موضوع حنين وعبد العزيز نسته يفرح ببنته وولادتها..
راح لمكتبه .
راشد: فمان الله يبه.
فارس : يالله مع السلامه وانتبه لنفسك.
راشد: اي تطور قولي انت تدري تراني مشغول مره..
فارس : ماعليك بعد هاالكلام اكيد بيقتنع .
راشد : الله يسمع منك .
في هاللحظات اسيل..
وصلت علي الحفله وكانت لابسه بنطلون جينز وتوب شك بالوردي..وفاكه شعرها القصير نازل علي كتوفها وحاطه ميك اب اوفر.
وليد انبهر فيها وبدت الحفله علي مايرام وكلها رقص ..
اسيل نست نفسها مع الرقص والضحك ومو شايلتها الدنيا من الفرح اخيرا تحقق حلمها تعيش يوم مع حبيبها ..
اثناء الجلسه كان في شخص منزوي جالس يتفرج علي البحر ولا هو سائل عن احد كان طلال سارح بافكاره ..
اسيل استئذنت تروح لدوره المياة(وانتو بكرامه)
وليد توجه لطلال.ياخي وش فيك جالس هينا وتارك الحفله علي اصولها .
طلال: راسي مصدع والله جاي عشانك.
وليد: طيب دامك جاي علي شاني تعال اعرفك علي حبيبتي الي جايه .
طلال: من جد جت بس والله مالي خلق خلها مره ثانيه .
وليد: افا عليك يعني يعني الا تكسحني .
طلال: يابن الحلال مو سالفة اكسحك بس مزاجي مو رايق.
وليد: براحتك .
طلال : طيب انا استئنذك طالع .
وليد: براحتك خيو بس تعوضني اياها .
طلال: من عيوني يالله اوقات سعيده .
طلع طلال ورجع لبيتهم ..
وانتها يومه وحط راسه علي المخده بس قبل ليغفي ويدخل في النوم سمع صوت ابوه عالي.
وكان نقاش مره حاد استغرب يحسب نفسه يحلم ولا اهتم في الموضوع.
هيفا طلعت من المستشفي وراحت ليبيت امها وهند معها سهرانه طول الليل.
هند ماتكلمنا عنها بنت مثل خواتها ماراحت بعيد عصبيه في طباعها ..تحب تتسوق وتكشخ وتلبس وميك اب يعني بزياده ..تحب تروح حفلات الاستقبال والزواجات وطايره بسيرة الزواج بس ال تبيه تبيه غني وبس ومايهمها اي شي ثاني.
ملامحها عاديه مافيها شي حلو ولا فيها شي شين مملوحه مقبوله بس بالمكياج تطلع شي ثاني.
تصدقين هيفا احس اسيل وراها شي ماتشوفين البنت اربع وعشرين ساعه وهي بغرفتها .
هيفا : سكتي الله يخليك انا مافيني حيل حق شي.
هند: انتي لاحظيها وتشوفين..
هيفا : الي اشوفها متغيره مره هي اشواق .
هند : وع مادري ليه شايفه عمرها صح حتي هي وراها سالفه .
وجلسوو طول الليل في هذي وهذيك الين طلع الفجر وراحو نامو ..
مريم توها توصل من زواج صاحبتها وهلكانه.دخلت عشان مايحس فيها فارس .
سوا نفسه نايم ,وماله خلق اي نقاشات .
مرت الايام ومعها الشهور وانتهت عدت حنين .
الاعمام ماراح يهدالهم بال بعد مااعرفو عن سفر حنين..
فيصل انتفض من سمع الخبر وكان ميت عنده احد.
نادا باعلي صوت وبدا يرن في البيت ..
اشواااااااااااااق
اشواق جت تركض.نعم
فيصل: اليوم فيه حفله لمحمد عبده ابيك تاخذين بنات عمك وتروحون .
اشواق : صدق عادي نروح .
فيصل : ايه بس بشرط كل البنات تاخذينهم معك انتي فاهمه .
اشواق : ولا يهمك باباتي الحين اخلص لك الموضوع وبالكثير ساعه واحنا رايحين .
بس التذاكر لازم قبلها بوقت .
فيصل: اصلا هذي ماراحت من بالي مري علي عبد الملك في الشركه (السكرتير) وخذيها من عنده.
اشواق انقزت و باست ابوها وضمته ..شكراا باباتي.
اشواق من الخبه راحت تركض لغرفتها وتتصل علي بنات عمها وتخبرهم وحده وحده . الكل طار من الفرح حتي اسيل.
اسيل : اشواق فيه بطاقه زايده .
اشواق والله مادري بس نوصل نشوف ..اسمعي حتي هيفا لازم تجي معنا نغير جو وبعدين هذا ابو نوره مايتفوت .
اسيل اوكيه بقولهم بس مادري اهلي يدرون او لا لازم نستئذن .
اشواق : ماعليك اكيد باباتي قالهم وعطاهم خبر.
اسيل اوكيه ساعه واحنا جاهزين .
اشواق : اوكيه يالله سلام
اسيل من قفلت اتصلت علي وليد ..
الو اهلين حياتي عندي لك بشاره .
وليد : هلا حبيبتي ايش.
اسيل: بنروح لحفلة ابو نوره اليوم.
وليد : والله كيف علي علمي ماحجزتو.
اسيل : لا عمي فيصل حجز لنا .
وليد : قهر يعني يمكن ماشوفكم.
اسيل:حبيبي اذا فيه بطاقات زايده راح اخليها عند الرسبشن باسمك وانت تعال وخذها اوكيه ..
وليد: اوكيه بس بشرط بعدها نطلع سوا او اخذك ونطلع وماحد يدري.
اسيل: لا لا مااتوقع بس اذا جيت نتفاهم .
وليد : ......
اسيل: حبيبي وش فيك .
وليد: يعني مو واثقه فيني ماتبين تطلعين معي خلاص مو لازم لا تعبين نفسك .
يالله سلاام .
اسيل : حبيبي اسمعني اليوم ماقدر اوعدك اطلع معك بس مو اليوم .
وليد:....خلاص يالله مع السلامه وبالتوفيق.
سكرت اسيل وهي منقهره من نفسها كيف تضيع فرصه مثل كيذا ..
بس فكرت بجديه وبعيد عن العواطف المفروض بعد هو يخاف علي مو يصير اناني يالله بعوضه مره ثانيه .
راحت اسيل تخبر خواتها الي طارو من الفرح وكلها نص ساعه وهم مخلصين وينتظرون وصول اشواق.
هيفا : يالله بنات انا انتظركم بالسياره . لا تتاخرون خلونا نلحق.
خلود نزلت وركبت بالسياره .ولحقتهم اشواق واسيل وهند.
من طلعتهم وتحريكهم لسياره الاعلي جيت عمهم فيصل.
يالله بنات انتبهو زين وانبسطو .
البنات كانو مره فرحانين ومبسوطين .
دخل فيصل للبيت وكان فيه ابو فارس.
ابو فارس وش فيك خوفتني من اتصلت وانا علي نار .
فيصل: وين اخوك صالح, لازم يتاخر.
ابراهيم : اتصل عليه وعجله ترا ماني قادر استحمل.
الا علي دخلت صالح .
نعنبو ابليسكم 5 مكالمات في ثلاث دقايق هذاني جيت.
فيصل : بسرعه خلينا نتفاهم عندي موضوع مره مهم وحل للمشكله الي راح تصير.بس ابي منكم مااحد يقاطعني البنات وراحو لللحفله والحريم رايحين الزواج يعني مافي احد ينقل الكلام خلوه بينا الين تفكرون زين وتاخذون قرار .
ابراهيم : ياخي تكلم .
فيصل: بما ان حمد بالسجن وعدت حنين خلصت واذا بنرجع حنين له لازم احد يتزوجها .والاخ عنتر ولدك راشد قرر ياخذها معه .
صالح : ماجبت شي من عندك.
فيصل: ياخي اصبر شوي علي.
ابراهيم : كمل واسكت ياصالح خلينا نشوف اخرتها .
فيصل: انا لقيت حل ومعكم نقدر ننفذه وبسهوله .
فارس له اسهم بالشركه واسهمه اكثر من صالح والسبب يعود للاخ عبد العزيز الله يرحمه يوم موله عشان يكبر اسمه .
وبما انه متزوج من مريم ومايقدر يتزوج غيرها او بالاصح الي بياخذها بيكون مغصوب عليها .
صالح: وضح كلامك .لا تقول ان نزوج حنين لفارس.
ابراهيم مصدوم.
فيصل: نزوجها فارس عشان اذا طلع حمد نقدر نطلقها من فارس وتحل ترجع لحمد .
ونقدر بعدها ناخذ نصيبها ونكبر فيه اشغالنا ونكمل مشروعنا الي متوقف.
ابراهيم : وانت مصدق ان فارس بسهوله بيتزوجها.وبيرضي
فيصل: وليه مايرضي يكفي نصيبها يقوم شركه بلحالها .
صالح وكان اللعبه كبرت في راسه .وبدا يضرب احساباته .
فيصل التفت علي صالح : ها وش قلت .
صالح : والله ماخليت فيها قول يافيصل.
طيب يتزوجها الين فترة خروج حمد وبعدين نرجعها له كيف.
خلي السالفه تتم واحنا نقدر نحلها بعدين اذا قدرنا نزوجها نقدر نطلقها وبكيذا راشد يسافر مرتاح ويضمن حنين عند فارس.
وتفضي لنا الساحه نخطط مع فارس.
ابراهيم : انا مالي كلام الي تشوفونه سوه وخلونا نخلص من السالفه بدري لان اليوم في الشركه جاني ولد السيف يخطب حنين لاخوه بس انا قلت البنت لولد عمها .
يعني كثير طمعانين فيها خلونا نخلص الموضوع باسرع وقت واذا علي فارس وراشد خلوهم علي انا اعرف اقنعهم واذا لازم الامر دخلتكم بالسالفه بس خلوها سر بيننا الين نخلص.
فيصل : انا حاسبها زين بس فارس يوافق ومريم نحاول نسكتها لانها ماراح تسكت بزواج زوجها.
صالح: انا مستعد اعطيها شيك بس توافق وبعدها نتفاهم انا وياها .
بدت القصه تاخذ مجرى ثاني وحنين مسكينه ماتدري بالي يدور من حولها ..كله لاهي مع بنتها وتحسب الدنيا وقفت علي كيذا ماتدري كم من العذاب بتشوفه ..
فارس كمل حياته عادي شغل وروتين يومي..
الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ...
ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......
معقوله مااافي اي تعليق علي الروايه ...اذا مستواها كويس ...؟
اذا حبيتو الاسلوب او فيه تعقيد..لانها المره الاولي اكتب فيها بالعاميه ....
لكم جزيل شكري والقادم احلا...
اذا حبيتو الاسلوب او فيه تعقيد..لانها المره الاولي اكتب فيها بالعاميه ....
لكم جزيل شكري والقادم احلا...
ما شاء الله عليك اختي قراتها مرتين ومع ذلك احتاج لقراتها مرة ثانية اسلوبك مقنع في الكتابة لا تبخلي علينا بمثل هذه الابداعات
بت المحميه ....يسلم لي مرورك ومتابعتك لروايه ....ان شا لله تكون الاجزاء الثانيه اكثر ابداع ...
وصدقيني روايتي احداثها غير عن اي رواية ممكن تمر عليك ...بعيده كل البعد عن الاحداث الروتينيه ....
اشكرك مره ثانيه ....
وصدقيني روايتي احداثها غير عن اي رواية ممكن تمر عليك ...بعيده كل البعد عن الاحداث الروتينيه ....
اشكرك مره ثانيه ....
الصفحة الأخيرة
البارت الخامس من ادعي علي بالموت .........
وبعد مشادات بين القاضي والمحامين وبين حمد واعتراضاته ..وبين العم صالح واتهاماته..
وبين قهر الاعمام وفرحة الشباب.. كانت حنين تدعي ربها بالسر وتناجيه يكتب لها الخير..
قطع شرودها ..
القاضي: بعد التحري والجنايه والشهود ..تبين ان المتهم حمد تم ظبط مايقارب كمية من الحشيش..وامتلاكه شقه لدعاره ..
هينا راشد اقبضه قلبه وخاف ان حنين تدخل بالسالفه وتتضرر اكثر من انها تستفيد ..
صارت النظرات تروح وتجي مابين راشد وفارس وطلال وحنين دموعها مغرقتها ..
حس بتانيب ضمير لو اخسرت قضيتهم ..وبدت حساباته تضرب نفسها وتطرح وتجمع بان عمه صالح له نفوذ كثير ويمكن يطلع ولده ..
( وين هي حساباتكم قبل تقبلون علي خطوه ..قبل لا تتسرعون فيها ..وين هي يوم تحديتو الكل..وين وين ..؟)
القاضي : وايذاء زوجته عمدا..
قام المحامي :انا اعترض ..بان امتلاك الشقه كذبه ملفقه ..
لان زوجته شاركته بالشقه ..
المحامي خالد : تسمحلي ياحضرة القاضي..
بيدك الاتهامات وبعيونك تشوف حالة الزوجه والتقرير تثبت انها متعرضه لضرب..
وهذا دليل انها مهدده من قبل المتهم ..
المحامي : مهدده وليه ماتكون خائنه وحب يادبها ..
الكل شهق من قوة الصدمه كل شي يتوقعه الا ان الاتهام هذا يمس بنت عمهم ..
خالد غمز لفارس وطمنه ..بس الاطمئنان في هالامور صعب ..
خالد: اسمحلي ياحضرة القاضي ..الحكم في الشرع رجم الزانيه لو افترضنا انها خائنه ..لكن الادله والتقارير تثبت انها تعرضت لضرب اكثر من مره علي فترات متعدده ...
والمتهم له اكثر من قضيه ..يعني كمية الحشيش تبرئه من انه بريئ بل العكس هذا دليل قاطع ..
والسكران او صاحب الحشيش شي طبيعي ومتعارف انه مستحيل يصحي ويرجع لوعيه ..
كيف قدر يثبت انها خائنه وهو مايصحي من الشرب والحشيش..هذي افادتي واتمني ياحضرة القاضي تاخذ وقتك في اصدار الحكم علي المجني عليها..
القاعه كلها ساكته ومافي صوت مسموع كثر ماحنين تسمع نبضات قلبها ..خايفه وبداخلها امال تصبرها ..
فارس يطالع حنين الي اهربت بعيونها لبنتها ..وراشد مو قادر يستحمل هالسكوت ..والمحامي خالد واثق من كل كلمه قالها وواثق بان القضيه رابحه ..
الاعمام الكبار ..بدو يتناقشون مع بعضهم .وتدخل المحامي..
وعلامات الابتسامه مبينه علي وجه صالح ..
لمحه راشد هالنظره وهالابتسامه الي فيها من الحقد ..بس تجاهلها وراحت نظرته الي حنين الي بدا القلق يوضح عليها .
همس لها ..حنين اصبري شوي هانت راح الكثير ومابقي الا القليل..
حنين : بس ياراشد انا خايفه تكبر السالفه اكبر..ويصير شي ضدي.
راشد: لا تخافين ..وكانت نظراته كلها حنان ..
في البيت الكل قلقان وبين رايحين وجاين..
ام حمد : الحين ليه ماارحت معهم والله قلبي مو مطمن ..
ام فارس : تطمني ماشفتي ابو حمد كيف كان واثق..
المحامي طمنهم ..لا تخافين ..
مريم: شكل القضية خسارانه وحطو كل الاحتمالات .
ام فارس: مريم ياتقولين شي سنع او اسكتي..
مريم : ياخالتي كل شي جايز لازم ....
ام حمد : اسكتي الله يخليك وفاولي خير..
هيفا كانت ساكته وسرحانه ورن جوالها ..
الو هلا ..
نايف: الي الان واحنا في المحكمه ..
الكل التفت علي هيفا ..ومتلهفين يعرفون شي..
هيفا: طيب ايش الحكم ..لا تقول ربحتها بنت عبد العزيز..
نايف : اي ربح واي خساره شكلها بتتعقد ..بس قولي لامي تتطمن الي الان مافي حكم ..
هيفا : يعني مااحكم القاضي بشي
نايف: اخذ وقت ليشوف الاوراق وبعدها يحكم انا طلعت اكلمكم واشوف اخبار امي..
هيفا : تطمن بخير..بس اول مايصير شي بلغونا ترانا مره قلقانين..
نايف: ان شا لله ..
وقفلو الخط ..
ام حمد : ها يابنتي طمنيني..
هيفا : نايف يقول الي الان ما صار شي والقاضي ماخذ وقته والمحامي يطمنهم بس ماايدرون ..
مريم : والشينه معهم ..
هيفا والله مااسئلته بس اكيد رايحه تتشمت ..
نرجع للقاضي..
القاضي : الاوراق تثبت قدامي ان المجني عليه بريئ من التهمات الي ملصقه له واقدر اعلن برائته ..
تنفس الصعداء وبانت الفرحه اخيرا ..بكت انصدمت لكن نظرة راشد لها اعطتها دفعات معنوية.
القاضي: المتهم حمد ..
حمد: نعم.
القاضي: ارمي الطلاق عليها او بنمشي باوراق الخلع.
صالح التفت علي حنين والشرار يتطاير من عيونه ..تفاجئ ابراهيم من الطلب وعرف ان بتبدي معاناه جديده مع اخوه بسبب عياله .
تدخل صالح وطلب من القاضي يكلم حمد .وافق القاضي ..راح حمد لصالح وكلمه وطال نقاشهم لدقايق..
رجع حمد ورمي الطلاق علي حنين .
ووافق بعدها يثبت نسب بنته ووقع علي الاوراق..
راشد كان اكثر واحد خايف من ردة الفعل الغريبه من عمه وولد عمه وتوقع هالهدوء لي يسبق العاصفه وان براسهم موال كبير بس مااحد يدري عنه..
تطلقت حنين واخذت حريتها اخيرا وتحققت امانيها كلها وصدقت امال بان مياسة بسمتها الجديده لحياتها ..
( بس شكل الفرحه ماراح تكمل ياحنين بحياتك وراح تكون ناقصه يوم عن يوم .)
طلعت حنين مع راشد ..وراهم ابو فارس.
ابو فارس: رااااشد سوت وجهنا كذا كل شي يهون وتوقف اعمامك بالمحاكم..
راشد مانطق ولا كلمه غير: يبه اعمل خير بدنياك ..اترك عنك الكلام واترك وسواس الشيطان ولا تخون الامانه .
حنين كانت ساكته وضامه بنتها بقوه ..مادري ليه خايفه عليها .
فارس لحق ابوه : يبه طول بالك ..خل حنين تعيش حياتها الي انكتبت لها ..
ابو فارس كان معصب وقتها : اي حياة وانتم وقفتو اعمامكم وابوك بالمحاكم ..ونسيتو كل العيب.
معروف عن شخصية ابو فارس متردد والي يخليه يثبت كلامه ظغط اخوانه عليه ..صحيح انه صارم في بعض الاحيان وحنون احيان كثيره ..
ابو فارس : شب ولا كلمة.
فارس:يحقلك يايبه تسكتني بس فكر بالموضوع من جه ثانيه وبمنطق شوي لا تخلي احد ياثر عليك.
ايش ذنب حنين تعيش حياة عذااب مع ان عمي عبد العزيز الله يرحمه ماقصر عليك ..تذكر يوم خسرت وقف معك ومولك الين طلعت ووقفت علي رجولك بالسوق.
مشي ابو فارس وكان بدا ضميره يصحى.
طلال كان ينتظر فارس وواقف..
ابو طلال جا وعطاه كف..كيذا توقف قدام اعمامك..
طلال تمالك نفسه ولا حاول يرد لانه عارف الوضع..والظروف راح وخلا ابوه في عصبيته.
طلع صالح وبراسه موال كبير وهاجس الانتقام براسه.
نايف ماقصر من النظرات الي اعطاه عيال عمه ..وتوعدهم وقدامهم بعد .
ركبو سيارتهم ومشو ..مسرعين للبيت .
بالسيارة .
راشد: حنين انا سويت الي لازم يسويه اي اخو لاخته..بالهظروف ومايرضي عليها .
انا وعد عمي عبد العزيز الله يرحمه اني احافظ عيك واوقف معك بحياتك سواء افراحك او احزانك.
طلاق وطلقتك.وين بتروحين الحين وانتي تعرفين اي موقف انحطينا فيه.
حنين ادمعت عينها من ذكر ابوها ولو كان عايش ماكان فكرت باحد ..وبكت لحمية راشد لها ..
كمل راشد: انا ودي اخذك معي لكندا وابعدك عنهم فتره وتهتمين في بنتك علي راحتك .وتربينها وتسوين الي ماقدرتي تسوينه .
حنين: انت اخوي ياراشد..وسو الي تبيه انا حاضره .اهم شي اكون معك وتحت حميتك.
اهم شي ابعد عن حياة العذاب واامن مستقبل مياسة بعيد عن اي ظغوطات.
وصلو للفندق ونزل ونزلت حنين واخذ غرفتين منفصلات الي وقت السفر.
طلال في سيارة فارس مع خالد..
فارس : ماقصرت ياخالد الله يسعدك ماتتصور قد ايش فرحتها .
خالد : الي انا مستغرب منه ان كيف مايقدم الاتهامات والاقوال الا بالمحكمه يبي يظغط علينا ويفاجئنا .
بس والله كنت متوقع كل شي من حمد .
طلال في عالم ثاني يفكر في وضعه وكيف راح يمشي حياته ..كانت افكار تجيبه توديه ..
نزلو خالد واتفقو بينهم لقاء.
خالد : بخلص الاوراق وارد عليكم ان شا لله وبعطيكم كل الاوراق الرسيمه .
فارس : استعجل فيها اخاف بكره يصير شي..ولا تستغرب من محامي عمي صالح .
نايف: الو هيفا افتحو باب المجلس.احنا جاين الحين .
هيفا : طمني وش صار .
نايف:القضيه اخسرت واحكمو علي حمد ثلاث سنوات .
هيفا اشهقت وقفلت الخط وبلغت الي عندها وكلهم انصدمو الكل مو مصدق بس كل شي صار وانتهي..
ام حمد متاثره علي حال ولدها وسمعت زوجها ..كانت تمسح دموعها لحظات ولحظات تبين انها قويه ..
ام حمد: راشد الهادي الطيب يسوي سواته .
مريم : ولا زوجي المصون يوقف قدام اعمامه عشان الحقيره حنين ,
مع ان مريم ماتحب زوجها الي يهتم فيها ..ومايشوف غيرها .
مسكين فارس كان يحترمها ويحمل لها مشاعر حب لانه اول حرمه بحياته تدخل .وبحكم شغله وانشغاله .ماشاف احد غير مريم ..ومايدري ان مريم تفكر في غيره ..وتحب شخص ثاني..واسم زواجها فيه بس بالاسم بالنسبه لها ..لانها لا هي الي اختارت ولا هو الي اختار.
اهدئت الاوضاع نسبيا في بيت ابو حمد وتقبلو الوضع ..وفي بيت ابو فارس..كانت متقلبه مابين مريم وفارس وامه وابوه ..
راشد ريح باله وابتعد عن اهله وسكن في الفندق..
مرت يومين علي الوضاع ..
واقترح ابو طلال انهم يطلعون للمزرعه ..يغيرون جو وينسون الاسترس الي صاير..ووافق الكل وجهزو اغراضهم .
فارس كان رافض الروحه بسبب شغله ..ومايبي يترك الشركه بسبب اتكال ابوه وعمه عليه ومافي احد ظغط عليه ..
يوم الاربعاء الساعه 8 تقريبا..
راشد : الوو اهلين صباح الخير خيوو..
فارس: ياصباح النور هلا ..
راشد: اقول اخوي فروس حبيبي..
فارس: اخلص وش عندك مو فاضي حق ملاغتك.
راشد:الي يعجبني فيك انك ذكي وتفهمها وهي طايره طالع علي اخوك راشد الله يسلمك ..
فارس: هههههههههههههه افا عليك ومنكم نتعلم ..شفت قصرت عليك المقدمة.
راشد: ابيك تروح مع حنين ومياسة لسوق تشتري اغراض.
فارس فتح عيونه صاحي انت وش عرفني بالاشياء ذي..
راشد: نعنبو ابليسك انا قايلك روح اشتري لها انا قايل روح معها مابيها تروح لحالها ..
فارس:وانت يافزعت زمانك وش عندك ..
راشد : انا مو فاضي بروح اسوي لي كم شغله بظبط حجزنا و....فارس قطع كلامه.
اي حجزنا.؟
راشد: حجزنا انا وحنين قررت اخذها معي .
فارس سكت وانصدم من تفكير راشد ..ولا علق..
خلاص نص ساعه وانا اكون عندكم.
فارس سكر من راشد وجلس يفكر ..وبدت الافكار تاخذه معقوله راشد راح ياخذها وبرضي اعمامي او بياخذها من غير مايدرون ..صدق كفو ياراشد رجال يعتمد عليك..بعذر حنين محتميه فيك ..ومااخيبت ظنها وثقتها .لوهله فارس انتبه لنفسه انه يفكر في حنين وكل شي يصير يرجع تفكيره لها..تعوذ من ابليس وكمل طريقه .
وصل فارس للفندق ونزل ..وهو متوتر..انقهر من راشد الي حطه بموقف مثل كيذا مع حنين .
فارس: يالله انا عند الباب.
راشد : ياخي وزير انت تعال عندي وبعدين نروح لها..
طلع فارس ووصل لغرفة راشد وفتح راشد الباب.كان لابس بنطلون جينز اسود وعليه تي شيرت اخضرمن لاكوست ولابس نظارته ..كان وسيم بس مو كثر وسامت فارس..الي تصطل الواحد ..
راحو لجناح حنين ..ودقو الباب..
حنين : لحظه .
طلعت وهي عارفة انه راشد والضحكه علي وجهها..
حنين: اخص اخص ماتعلب وش هالكشخه وش هالزين يااخي ماني رايحه معك اخاف من المعجبات يتلزقون فينا ..
فارس كان يسمع الكلام ويضحك لانها ماتدري انها بتروح مع فارس ومانتبهت لوجوده كان مبعد شوي عن الباب..
راشد يطالع فيها بكبريئا متصنع : اصلا انتي ماشفتي شي انا ولا شي بجنب ..وسحب فارس لها ..
حنين انصدمت وانحرجت وانصبغ وجهها الوان ..
راشد : انتي بتروحين مع الشاب الوسيم هذا ابغاك تعذريني بسوي كم شغله ومانبي نضيع وقت ..
حنين في عالم اخر من الحيا اخر ماتوقعته انها تروح معه ..شالت هم كيف تتعامل معه ..
حاولت تتحجج او ترفض بس راشد مااعطاها مجال..
كانت لابسه قميص ابيض اكمامه طويله وحزام اسود علي قصة الصدر وبنلطون جينز ولاامه شعرها كله ..طالعه برنسيسه او اميره صعب احد يوصف انوثتها وطفولتها ..
حنين: لحظه بجيب مياسه ..
فارس انهبل علي رقتها ..طيب يالله انا انتظر.
كانت حنين قدام فارس..كان يحس بالخيانه او بالغدر انه مع حنين مو مع مريم عمره ماامشي معها الا نادرا ومرات معدوده..
حزت بخاطره انه رجال ماينقصه شي والي يشوفه يقول ياببخت زوجته فيه منصب ومال ووسامة حتي اسلوب ..الله يكون في عونك يافارس..
وصلو عند اللفت ووقفت حنين تنتظر فارس يركب ,استغرب تصرفها..ركب ولا عطها اي مجال مايبي يعطي عقله يفكر اكثر..
اركبو السيارة والكل ساكت..يقطع سكونهم صوت مياسة احيانا تضحك واحيانا تبكي ولحظات تناغي .
كان مشغل الرادو وكانت الاهدائات من بنات لصديقاتهم ..جا في بالها كل صديقاتها وايامها معهم كانت اكبر همومه كيف تضحك بكره وكيف تلعب اليوم همها اكبر من انها تفكر فيه ..
اعتصر قلبها علي اهدائتها لابوها كانت تهديه وهي معاه في السياره وتنتظر يقرون مسجها ويسمعون طلبها ..ياما انتظرو بالسياره لساعات كله لخاطر اغلي ماعطاها ربي.يسمع اهدائها ..احيانا ترسلها مسج من كثر ماهوته..كان اخر الاهداء يطبع بوسته عليها وتطير من الفرح. فرت دمعه من عينها بس كانت اسرع من نظرت فارس امسحتها . وانتبهت لوجود مياسه الي صارت قطعه منها الحين ..
وقفو عند المول..
فارس : يالله حنين وصلنا ماودك تنزلين.
حنين صحت من غفلتها .ونزلت بسكات..
فارس مانزل عيونه عنها ..مايبي احد يطالع فيها ..استغرب مشاعره الي ماتنوصف .بس بالاخر فسرها غيره .
ماينلام الي يطالعها خفة ونعومه وبرائة اطفال ماتنوصف..تمر علي المكان وتطبع بصماتها فيه .
تنحب من اول نظره ..كان كل شي فيها حلو رغم بساطتها في الحركه وماتتكلف عكس بنات اعمامها..صحيح تلبس من اغلي الماركات ومن افخم المحلات علي حياة ابوها..بس رغم هذا كله ماتكلفت ولا تصنعت بعفويتها ..
فارس: حنين لو سمحتي خلينا نطلع .
حنين :بس ماشريت شي ..وبعد مانطقت بالهلكمه اعرفت قصد فارس..ووافقت تطلع.
فارس استغرب تصرف حنين ووافقت تطلع من غير اي نقاش ..مثل ماستغرب احساسه الي بدا يصحي ومشاعره ليه هي بالذات ..يوم يكون مع مريم ماكان يهتم لهدرجه او بالاصح ماكان يغار.
نرجع لعند راشد..اخذ جواله وبدا يتصل ..كانت الساعه 9 ونص.
راشد : الو صباحك حلو ..
يمامه : هلا هلا يمه راشد.
راشد: خاله يمامه ..اخبارك ,
يمامه: بخير عساك خيير ياولدي .اخبار حنين بنتي .
راشد: هانت ياخاله بتشوفينها قريب ان شا لله ..بس ابي موافقتك .
يمامه : صدق يمه متي اشوفها قول والله ..مشتاقه لها .تكفي يمه خليني اشوفها واخبار بنتها ابي اضمها بصدري.
راشد: انا متصل عشان اخذك تشوفينها ..وبمر عليك ابي افرح حنين.
يمامه : ماخاب العم عبد العزيز يوم وثق فيك وودعك حنين ..
الله يسعدك يايمه .
راشد : بس في موضوع مهم ابي احاكيك فيه بسياره نص ساعه وانا عندك ..تجهزي ابيها مفاجئه ..خاله معي خط فارس ازعجني اكملك في السياره .
يمامه :فمان الله انتبه لنفسك يمه.
سكر الخط ودموع يمامه ماوقفت ..طبعا الكل مايدري ان يمامة ربت حنين وتعتبرها بنتها الي ماجابتها وتحبها ..وتحترم العم عبد العزيز له افضال عليها وعلي ولدها ماجد الي سفره برا يكمل دراسته..
وانحرمت يمامه من بنتها حنين من بعد وفاة العم عبد العزيز بعد مااخذ صالح حنين تتربي عنده وباع بيتهم.
راشد: يااخي ازعجتني ماتشوف معي انتظار ماسوت وطلبتك تروح معها السوق ترا ماراح تاكلك
فارس: ههههههههههه اصلا طلعنا.
راشد:هاه امداكم تشترون شي.؟
فارس:الله واكبر كلها بلوزتين وبنطلون وبلوفر وفستان حق العروس وانتهينا.
راشد:والله اني عارف انك خرشه ومايعتمد عليك .تلاقيك احرجت البنت.
فارس:فشلتني الله يرجك الحين تقول عني بخيل يالله بنروح مول ثاني ولا يهمك .كم رشود عندي واحد وغاثني ههههههههههههه يالله سلاام .
راشد :سلاام .
حنين انشغلت بمياسه مع ان عقلها مع راشد وفارس..وضحكت لكن عكر مزاجها موقفها مع حمد وضحكه عليها .وانتقامه قررت تعيش يومها وبس وتنسي الايام الي راحت .
بدت مياسة تنام وجلست تهدي عليها لين نامت.
وصول المول الثاني.وطلب فارس من حنين تعطيه مياسه وهي تكمل تتسوق وتخلص اغراض السفر..
اه يالسفر حز بخاطره .
قرب حنين هز فيه اشياء.بينت صغيره بالنسبه لفارس مع انه كان جالس.الي يشوفهم يحسدهم علي العائلة الي مكونينها بس مايدرون انهم عيال عم بس..
حنين كانت تروح من محل الي الثاني وخلصت اغراضها بسرعه استحت تخلي فارس ينتظر مو من حقها .
رجعت لفارس ومياسة .شافت وش لون فارس متعلق بالاطفال وخاصتا مياسة عكس راشد الي ما يهتم فيها ,حزنت عليه وكسر خاطرها ,لانه ماعنده اطفال ينادونه ويحملون اسمه ويلعب معهم ,
شافت جانبه الطفولي وكيف يضحك وناسي وجود العالم حوله .
ضحكت علي نظرة الناس له وتهجم وجيهم وبعضهم يرتسم ابتسامة وبعضهم ابتسامة غبطه.لحنان هالاب.
راحت لهم وهي فرحانه لان امنياتها بدت تتحقق.ووعود امال صدقت فيها .مياسة بحياتها ضحكة فقدتها وارجعت لها اخيرا.
فارس رفع نظرته لحنين الي كانت واقفه من وقت وتتامل فيهم ..
ما شا لله خلصتي السوق كله وش خليتي للعالم.
حنين ضحكت وصرفتها: اكيد طفشتك.
فارس : بالعكس ربي يخليها ياناااس .
حنين سكتت ماعلقت : عطنياها .
فارس: لا لا خليها يالله خلينا نطلع اذا خلصتي.
حنين : ايه خلصت .بس جوعانه..ههههه
فارس : الحين نمر علي مطعم ناكل فيه.
ركبو السيارة وتركو وراهم ذكريات اخذتها حنين رصيد لحياتها الجاية.
شغل السياره ونزل المرايه الي قباله بيشوف شكله . حنين استرقت نظرات من تحت نظارتها .وبدت تفكر قد ايش وسيم وربي معطيه كل شي بس شكله مو سعيد مع مريم الا اكيد ..
وبعد فتره لامت نفسها كيف تفكر فيه .
فارس:هذا اخوي يتصل صدق نشبه.
الوو يا اخي ماني ماكلها .توبه ان سويت لك شي.
فارس:هههههههههههه ياخي بنروح نتغدا ميتين جوع وش شايفني رشوود البخيل.
يالله لا يكثر مع السلامه .
اضحكت حنين بداخلها علي اسلوب فارس وراشد صدق انه طفل وعلي طبيعته يتصرف.
قعدت تقارن بينه وبين راشد .كل واحد يكمل الثاني صدق اخوان ربي يخليهم لبعض.
ولوهله فكرت هي ليه تتعب نفسها وتقارن كل شخص وله شخصيته .وبعدين راشد غير عن فارس وغير عن الكل .
مشت السيارة ووقفو عند الاشاره..
فارس كان يلتفت ومعصب .
حنين استغربت حركاته ..وابعد عن السيارات ..
كان مره معصب واول مره تشوفه بالحاله هذي.
انتبهت فيه سيارة شباب بالخلف يطالعون فيهم وفي حنين خاصتا ..
هينا بانت غريزه فارس انه غيرو مره ..بس حنين مااعطت اي اهتمام لان كل عيال عمها فيهم حمية وغيره ماعدا حمد طبعا .
في المزرعه .
وصلت العوايل كلها .وجلسو الحريم في الحديقه والرجال في المكان المقابل قبال المسبح.
جلس ابو حمد صالح واطلق تنهيده كبيره .
فيصل: روق ياخوي والله مافي شي يسوا اهم شي صحتك .وبعدين طلعتنا هينا لاسباب راح تعرفونها .
هدى ام فارس: يالله يابو فارس الغدا جاهز تفضلو ..اجلسو الرجال والحريم .
كانت اشواق سرحانه وتفكر.بس مااحد يدري في ايش.
عكس اسيل الي كانت مبسوطه .وتفكرها في حبيب قلبها .كانت مشتاقه له وراح تشتاق له .وتفكر كيف تقدر تقنع اهلها انها تروح للحفله .
كان جوهم اهدا من التوتر الي قبل .هيفا كانت جالسه وباخر شهور ولادتها .
ام حمد :وين راشد وطلال .
ابو فارس: تلاقينهم مع اصحابهم.
فيصل: اقول يابو حمد الحين البنت وتطلقت من ولدك ليه مانجيبها .
ابو فارس: اذا بتجيبونها بتجي عندي ماحنا ناقصين مشاكل اكثر.
ام فارس: لا ماتسكن عندي ولا حتي تدخل بيتي.
ام حمد : انا ان جت عندي بذبحها ..اخنقتها العبره . وان شفتها بذكر ولدي في السجن وهي جالسه تتنعم .
مريم: اقول ياخالتي خلونا نتغدا الحين بلاش سيرتها .
اشوق : بابي مانبيها تجي عندنا .
فيصل: ان جت عندنا عزا الله طلال مو مسافر يدرس وبتنهدم حياته ان دخلت فيها .كافي الي صاير الحين .
ومن بين النقاش .
ام فارس: اقول يا ام حمد فيه زواج بنت جيرانا تروحين البطاقات عندي..
ام حمد: ايه نروح بس من ماخذه.
ام فارس: ماخذه ولد عمها .جاه ومال .
مريم : انا بروح معكم ياخاله.
ام حمد التفتت علي البنات :ها بنات تروحون معنا .
اشواق: انا مالي خلق اروح .
اسيل كانت ساكته.
هيفا: انا انتظر ولادتي مافيني حيل اروح .
ام فارس: مااحد قالم تروحين اصلا ماله داعي تروحين وتولدين علينا ..
هيفا : ههههههههه والله صادقه.
ابو فارس: يالله الحمد لله علي النعمه جهزو لنا الشاهي وجيبوه في الحديقه .
ام فارس: ان شا لله الحين جايكم .
ام حمد: اقول يابو طلال بالله خلك مع صالح اخاف يتاثر.
ابو طلال: افا عليك ياام حمد ماطلبتي شي توصيني علي اخوي.
قامو البنات يجلسون في الشرفه .
والحريم في المجلس الي قبالهم ..
مريم وكلها تعالي.خالتي متي بنرجع للبيت عشان نتجهز للزواج.
ام فارس: علي كلام ابراهيم راح نروح بعد يومين بعدين الزواج بقاله وقت .
مريم: الحين من جد عمي بيجيب حنين عندنا في البيت والله كملت .
ام حمد:انا ماابيغاها في بيتي كافي السنوات الي راحت واخذت ولدي وصار الي صار ماعندي استعداد اخسر احد ثاني من وراها .
اسيل: بنات كيف اقنع باباتي اروح للحفلة.
اشواق: انتي مره فاضيه وبالاوضاع ما اظنهم بيوافقون ..
هيفا: ياحظكم حفلات وزواجات مالت علي حامل .وعلي وجه ولاده .
اسيل : اذكري ربك حرام لنا وقت ماطالعنا .
خلود: اسيل بروح معك .
هيفا: وين تروحين انتي صغيره .
خلود : مالك دخل انتي اسيل بتاخذيني.
اسيل: نو ويه اكيد لا صاحيه انتي صغيره .
خلود انقهرت والله لاقول لعمي انك تبغين تروحين واخرب عليك .
اسيل: تسوينها يالبزر بس عناد برو ح..خخخخخ
موتي قهر.
راحت خلود عند امها تشكي لها حال بنت عمها .
هيفا انا طالعه اريح شوي تعبت وانا في السياره .يالله اشوفكم المغرب.
البنات اوكيه .
هيفا : نايف انا طالعه تبي شي,
نايف: لا ابد سلامتك بس اذا بغيتي شي اتصلي علي.
نرجع للمطعم عند فارس وحنين .
دخلو للمطعم ومياسه كانت مع فارس..شايلها وفرحان فيها .
حنين مشت ورا فارس وتركته هو يختار الطاوله والمكان .
اجلسو في مكان قريب من الشباك .
كانت المسيقي حلوه وكلاسيكية.
اطلبو الاكل ومن بين انتظارهم .رن جوال فارس.
لما تسالكم علي لا حدن يدلها علي ابعدوها باي طريقه فهموها اي شي..
فارس: الو الو .
الطرف الثاني :الو..
فارس: نعم بغيتي شي.
حنين انصدمت بغيتي شي..؟ معقوله تكون مريم .او وحده ثانية.
الطرف الثاني : ارحمني كل هذا وماعرفت اي شي.
فارس: شا ارحم فيك انتي المتصله شكلك غلطانه .
الطرف الثاني : لا لا مو غلطانه مو انت فارس..
فارس: تهجم وجه ايه فارس .من انتي ؟ تعرفيني ؟
الطرف الثاني : انا احبك ومستعده اي شي تبغاه اسويه .
فارس: فهميني من انتي وكيف حبتيني صار الحب لعبه لكم يالمراهقين وانا الحين مو فاضي يالله مع السلامه واسمحيلي اقفل الجوال .
الطرف الثاني: لا تقفله بليز اسمعني للاخر.
فارس : شا اسمع يالله الحين انا مو فاضي سلام ..وقفل الخط .
حنين في حيرتها معقوله فارس يحب ويعرف بنات بدا يطيح من عينها .وحست بخيانته مع انها ماتدري من الحديث شي.
فارس استئذن وقام وهو في اوج استغرابه ومنحرج من بنت عمه الحين شا فكر فيه اكيد بتقول انه يحب احد انه راعي بنات .رجع ورد علي نفسه انا ليه افكر فيها وليه شايل همها بكره بتسافر وبتنسي كل شي.
حنين في غفلتها بس حاولت تمشي الموضوع هو ولد عمها ومو زوجها عشان تهتم فيه او يهمها امره
اجلست تنتظر فارس ماطول وجا .
فارس كانت في راسه الف فكره وفكره وسرح شوي.
حنين كانت منتبه لسرحان فارس حبت تقطع شورده .ماودك تاكل الاكل بيبرد.
فارس :حنين لو سمحتي ممكن اطلبك طلب.
حنين حست بكبر المسؤلية : تفضل
فارس : ابي الي صار يبقي سر بيني وبينك مابي احد يعرف .
حنين : اصلا اعتبر اني ماسمعت شي. ولا حتي صار شي هذا تلفون عادي ليه تفكر فيه .
والي متصل سواء بنت او ولد مصيره ينكشف لا تعب نفسك وكل .هي جبانه لو كانت واثقه كانت قالت من هي من غير لف ودوران وتعرف انك متزوج ومرتبط .وماعندها احساس لانها حاولت تتحرش برجل متزوج .
فارس اعجب بتفكير ونظرية حنين وجلس يسمعها لاخر كلمه قالتها .
تغير مزاج فارس ..وعرف ليه راشد يعز حنين لهدرجه .
بعد دقيقتين جاه مسج.
اخذ فارس جواله وتهجم وجه اكثر من قبل ودارت فيه الدنيا مايدري شي يسوي اسود وجه وتغيرت ملامح وجهه
حنين : فارس فيه شي.
فارس:........لا مافي شي بس المسج من نفس الرقم ...
خلصو اكل وطلعو من المطعم .وتوجهو للفندق .
قابلهم راشد عند الاستقبال .
راشد : كل هذا سوق .
حنين هههههه قامت تحكي بطلاقه مع ان فارس كان سرحان ويفكر وعقله بعيد .
حنين : روشد ايش فيك متحمس .
راشد والله عندي لك مفاجئه بمليون ريال.
حنين : وين المليون عطني اياها ..
راشد: يالماديه الحين تشوفينها بتطيرن فرح ..
حنين : رشود يالله عاد قول .
راشد : ماتصير مفاجئه يالخبله .
حنين هههههههههه خبله طيب اوريك .
فارس كل تفكيره في اشواق وطلال كيف يصير كيذا .
مو قادر يحكم عقله زين ..وما كان معهم ..يمشي وراهم وبحاله .
وصلو لجناح حينن وكلها حماس تشوف ايش هي المفاجئه .
راشد : اقول حنين عطيني مياسة اخاف ترمينها وراك ..ههههه
حنين هههههههههه خذ .
فارس صحي من غفلته علي ضحكهم .
وش عندكم جايبين العيد من الضحك .
راشد : شكلك مو معنا وين عقلك اكيد وحشتك مريوم ههههه
فارس: تنكت انت وراسك .
حنين ماصبرت وفتحت الباب.
الي من كان الهامي ..الي من علمني كيف اعيش ..الي من علمني كيف اشتاق له ..وكيف اكتب له ليس لغيره ...
ابي الي جنة الخلد .....اهدي لك كل نجاحاتي ..الي من علمني كيف اعيش بمجده ......